Nandhini - Yogesh | "சொந்த வீடு இன்னும் வாங்கல.. ஆனா.." வைரலாகும் மைனா நந்தினி-யோகேஷ் ஜோடியின் Home Tour..

சின்னத்திரை போன்ற ரியாலிட்டி ஷோக்களில் மிகவும் பிரபலமான நந்தினி வெள்ளித்திரையிலும் தனது நடிப்புத்திறமையை நேர்த்தியாக வெளிப்படுத்தி வருகிறார்.

நந்தினி - யோகேஷ் ஹோம் டூர்!

மைனா நந்தினி – யோகேஷ் தம்பதியினர் தங்களுடைய புதிய வீட்டினை ரசிகர்களுக்கு சுற்றிக்காட்டிய ஹோம் டூர் வீடியோ 10 லட்சம் பார்வையாளர்களுடன், ட்ரெண்டிங்கில் உள்ளது.

மைனா என்றாலே சட்டென்று நம் நினைவுக்கு வருவது சரவணன் – மீனாட்சி சீரியலில் நடித்த நந்தினி தான். மதுரைக்காரப்பெண்ணாக மட்டுமில்லாமல், ஊர் பாஷையுடன் ரசிகர்கள் மனதில் இதுவரை நீங்கா இடம்பிடித்துவருகிறார். சின்னத்திரை சீரியல்கள், மிஸ்டர் அன்ட் மிஸ்ஸஸ் சின்னத்திரை போன்ற ரியாலிட்டி ஷோக்களில் மிகவும் பிரபலமான நந்தினி வெள்ளித்திரையிலும் தனது நடிப்புத்திறமையை நேர்த்தியாக வெளிப்படுத்தி வருகிறார்.

பல பிரச்சனைகளை சந்தித்த நிலையில் நந்தினிக்கு பிரியமாக கணவராக யோகேஷ். நந்தினி – யோகேஷக்கு துருவன் என்ற குழந்தை உள்ளது. இவர்கள் குடும்பத்துடன் செய்யும் ஒவ்வொரு செயல்களையும் myna wings என்ற தனது யூடியூப் சேனலில் ஒளிப்பரப்பி வருகின்றனர். இவர்களின் ஒவ்வொரு செயல்களையும் ரசிகர்கள் ஆர்வத்துடன் பார்த்து வந்த நிலையில், தற்போது டிரெண்டிங்கில் உள்ள Home tour வீடியோவையும் தனது சேனலில் ஒளிப்பரப்பு செய்துள்ளனர். தற்போது இந்த வீடியோ தான் இணையத்தில் வைரலாகிவருகிறது. இதோடு மட்டுமின்றி புதிய வீடு வாங்கியதாக நினைத்து நந்தினிக்கு ரசிகர்கள் வாழ்த்துக்களையும் பகிர்ந்துவந்தனர்.

இதற்கெல்லாம் பதிலளிக்கும் விதமாக தன்னுடைய ஹோம் டூர் தொடக்கத்தில், சத்தியமா நான் வீடெல்லாம் வாங்கவில்லை என்றும் வாடகை வீட்டிற்குத்தான் செல்கிறேன் என்று தெரிவித்திருப்பார்.  மேலும் பார்த்ததுமே பிடித்துவிட்டால், வீட்டை வாங்க வேண்டும் நினைத்ததோடு பால் காய்ச்சி குடியேறி விட்டதாக கூறியுள்ளனர். இதோடு இந்த வீடியோவில் இந்த வீட்டிற்காக அவர்கள் என்னென்ன பொருள்கள் வாங்கியிருக்கிறார்கள்? என்பது குறித்தும்  வீடியோவில் தெரிவித்துள்ளனர்.

முதலில் நந்தினி – யோகேஷ் லிவிங் ஏரியாவில், இவர்கள் இருவரும் சேர்ந்து வாங்கிய விருதுகள் மற்றும் நந்தினி அவர்கள் சகோதரனுடன் எடுத்துக்கொண்ட புகைப்படங்களின் ஆகியவற்றை வைத்துள்ளதை காண்பித்தனர். இதோடு எப்போது இந்தப்படம் எடுத்துக்கொண்டது? இதன் வரலாறு ஆகியவற்றையும் தனது வீடியோவில் பகிர்ந்துக்கொண்டனர்.

மேலும் நந்தினி தன்னுடைய உழைப்பில் முதன் முதலாக வாங்கிய டிவி பற்றிய சுவாரஸ்சிய விஷயங்களையும் பகிர்ந்துக்கொண்டார். அடுத்ததாக யோகேஷ் நண்பர்கள் வீட்டிற்கு செல்லும் போதெல்லாம், அங்கிருக்கும் ரெக்லைனர்ஸ் பார்த்து ஏக்கமாக இருப்பாராம். ஆனால் தன் வீட்டில் தற்போது அட்வான்ஸ்டு ரெக்லைனரஸ் இருப்பதை நினைத்துப்பெருமைப்படுவதாகவும் உணர்ச்சிவசப்படுகிறார் யோகோஷ்.

இதனையடுத்து அவர்களின் படுக்கை அறைக்கு அழைத்துச்செல்வது போல் வீடியோ அமைந்திருக்கும். அங்கு முன்னாள் இருந்த வீட்டில் பரண்மீது கிடந்தப்பொருள்களையெல்லாம் பயன்படுத்தமுடிகிறது எனவும், இதனை அழகாக அடுக்கி வைத்து காண்பித்தனர். இதோடு ரிமோட் கன்ட்ரோலில் இயங்கும் மரத்திலான மின்விசிறியை சோதனையை செய்தும் காண்பித்தனர்.

தொடர்ந்து தங்களது ஹோம் டூர் வீடியோவில், டைனிங் , பூஜை மற்றும் சமையல் அறை என அனைத்தையும் ஒரு விசிட் அடித்துக்காட்டினார்கள்.மேலும்  வழக்கம் போல் அனைவரும் ஹோம் டூரில் காட்டும் ஸ்டோர் ரூம் முதல் பாத்ரூம் என அனைத்தையும் சுற்றிக்காட்டி தனது காணொளியில் நிறைவு செய்தனர். 24 நிமிடங்கள் இருக்கும் இந்த வீடியோ தற்போது 10 அதிகமான வியூஸ்களைப்பெற்று,  டிரெண்டிங்கிலும் உள்ளது குறிப்பிடத்தக்கது.