Actress Meena: நந்தினி என்னுடைய கனவு கதாபாத்திரம்.. ஐஸ்வர்யாராயை பார்த்தா பொறாமையா இருக்கு.. வைரலாகும் மீனா பதிவு!

பிரபல நடிகை மீனா, பொன்னியின் செல்வன்(Ponniyin Selvan) படத்தில் இடம்பெற்றுள்ள நந்தினி கதாப்பாத்திரம் குறித்து இன்ஸ்டாகிராம் பதிவு ஒன்றை வெளியிட்டுள்ளார்.

ஐஸ்வர்யா ராய்-மீனா

பிரபல நடிகை மீனா(Meena), பொன்னியின் செல்வன் படத்தில் இடம்பெற்றுள்ள நந்தினி கதாப்பாத்திரம் குறித்து இன்ஸ்டாகிராம் பதிவு ஒன்றை வெளியிட்டுள்ளார்.

90’ஸ் நாயகி மீனா:

‘நெஞ்சங்கள்’ படம் மூலம் குழந்தை நட்சத்திரமாக தமிழ் திரையுலகிற்குள் அடி எடுத்து வைத்தவர் மீனா. தொடர்ந்து சூப்பர் ஸ்டார் ரஜினிகாந்துடன் 1984-ஆம் அண்டில் அன்புள்ள ரஜினிகாந்த் படத்தில், நடக்க முடியாத குழந்தையாக நடித்து அனைவரது மனதையும் கவர்ந்தார். 

1995-ஆம் ஆண்டில் ரஜினிகாந்துக்கு ஜோடியாக முத்து படத்தில் நடித்தார். இந்த படத்தின் ரிலீஸிற்கு பிறகு, “ரஜினியின் குழந்தை ரசிகையாக நடித்த பெண், இன்று அவருக்கு ஜோடியாகவே நடித்து விட்டாரே…” என வாய் பிளந்தனர். ரஜினி-மீனா இடையேயான ‘கெமிஸ்ட்ரி’ அனைவருக்கும் பிடித்துப் போனது. இதனால் இவர்கள் இருவரும் எஜமான், வீரா உள்ளிட்ட படங்களிலும் சேர்ந்து நடித்தனர். கடந்த ஆண்டு வெளியான அண்ணாத்த  படத்தில் கூட, ரஜினியின் மாமன் மகளாக நடித்திருந்தார் மீனா.

ரஜினி மட்டுமன்றி, முன்னனி ஹீரோக்களான கமல், அஜித்  உள்ளிட்டோருடனும் சேர்ந்து பல படங்களில் நடித்து விட்டார். மலையாளத்தில் கூட, மோஹன்லால், மம்மூட்டி ஆகியோருடன் படங்களில் ஜோடி சேர்ந்துவிட்டார் மீனா. மாலிவுட்டில் மிகப்பெரிய வெற்றி பெற்ற த்ரிஷ்யம் படத்தின் முதல் மற்றும் இரண்டாம் பாகங்களிலும் முக்கிய கதாப்பாத்திரமாக வந்தார். நாளை வெளியாகவுள்ள பொன்னியின் செல்வன் படத்தில் இடம்பெற்றுள்ள நந்தினி கதாப்பாத்திரம் குறித்த பரபரப்பான பதிவு ஒன்றை, மீனா வெளியிட்டுள்ளார். 

பொன்னியின் செல்வனில் நந்தினி:

உலக மக்களின் மிகுந்த எதிர்பார்ப்புக்கு மத்தியில், மிகப்பெரிய பட்ஜெட்டில் 150 நாட்கள் படப்பிடிப்பிற்கு பிறகு இரண்டு பாகமாக தயாரிக்கப்பட்டுள்ள படம்  பொன்னியின் செல்வன். மணிரத்னம் இயக்கத்தில், த்ரிஷா, ஐஸ்வர்யா ராய், கார்த்தி, விக்ரம், ஜெயம் ரவி என திரையுலக பட்டாளமே ஒன்று சேர்ந்து நடித்துள்ள இப்படத்திற்கு, ரசிகர்களிடையே மிகுந்த எதிர்பார்ப்பு நிலவி வருகிறது. பொன்னியின் செல்வன் கதையில் இடம்பெற்றுள்ள முக்கியமான கதாப்பாத்திரம் நந்தினி.

'நெகடிவ்' ரோலில் வரும் இந்த கதாப்பாத்திரத்தில் நடிப்பவர் ஐஸ்வர்யாராய். படத்தின் டீசர் மற்றும் ட்ரெய்லரில் இவர் இடம்பெற்றுள்ள காட்சிகள் ரசிகர்களை வெகுவாக கவர்ந்துள்ளது. இந்த கதாப்பாத்திரம் குறித்து தனது இன்ஸ்டாகிராம் பக்கத்தில் பதிவு ஒன்றை வெளியிட்டுள்ள மீனா, “எனக்கு ஐஸ்வர்யாராயின் மீது மிகவும் பொறாமையாக உள்ளது” என குறிப்பிட்டுள்ளார்.

 

 

 

 

 

View this post on Instagram

 

 

 

 

 

 

 

 

 

 

 

A post shared by Meena Sagar (@meenasagar16)

ஐஸ்வர்யா ராயின் மீது பொறாமை!

பொன்னியின் செல்வன் படத்தில் நந்தினி கதாப்பாத்திரத்தில் நடிக்க வேண்டுமென என்பது தனது கனவு என்று தனது இன்ஸ்டாகிராம் பக்கத்தில் குறிப்பிட்டுள்ளார். மேலும், நந்தினியாக நடிக்க ஐஸ்வர்யா ராய்க்கு(Aishwarya Rai) வாய்ப்பு கிடைத்துள்ளதால் தனக்கு மிகவும் பொறாமையாக உள்ளதாகவும் பதிவிட்டுள்ளார். 

இதையடுத்து, பொன்னியின் செல்வன் படம் வெற்றி பெற படக்குழு அனைவருக்கும் வாழ்த்து தெரிவித்து கொள்வதாகவும் அவர் குறிப்பிட்டுள்ளார். இதைப் பார்த்த ரசிகர்களும், “நந்தினியாக நடிக்க மீனாவிற்கு அத்தனை தகுதியும் உள்ளது” என கருத்து தெரிவித்து வருகின்றனர்.