Thalapathy 69 : ரசிகர்களுக்கு ஏமாற்றம்...தளபதி 69 படத்தில் இருந்து விலகிய ஷிவராஜ்குமார்..என்ன காரணம்?

எச்.வினோத் இயக்கும் விஜயின் தளபதி 69 படத்தில் கன்னட நடிகர் ஷிவராஜ்குமார் நடிக்க இருந்த நிலையில் தற்போது அவர் இந்த படத்தில் இருந்து விலகியுள்ளதாக தகவல் வெளியாகியுள்ளது

விஜய் , தளபதி 69 , ஷிவராஜ்குமார் , எச் வினோத்

Source : Twitter

தளபதி 69

விஜயின் கடைசி படமான தளபதி 69 படத்தை எச்.வினோத் இயக்குகிறார். இப்படத்தில் பூஜா ஹெக்டே , பிரியாமணி , கெளதம் மேனன் , பாபி தியோல் , பிரகாஷ் ராஜ், மமிதா பைஜூ உள்ளிட்டவர்கள் நடிக்கிறார்கள் . அனிருத் இப்படத்திற்கு இசையமைக்கிறார். கே.வி.என் ப்ரோடக்‌ஷன்ஸ் இப்படத்தை தயாரிக்கிறது. இப்படத்தில் கன்னட சூப்பர்ஸ்டார் ஷிவராஜ்குமார் நடிக்க இருப்பதாக கடந்த சில நாட்கள் முன்பு தகவல் வெளியானது. இதனை நடிகர் ஷிவராஜ்குமாரே நிகழ்ச்சி ஒன்றில் தெரிவித்திருந்தார். ஏற்கனவே நெல்சன் இயக்கிய ரஜினியின் ஜெயிலர் படத்தில் ஷிவராஜ் குமார் நடித்து ரசிகர்களை கவர்ந்திருந்தார். தளபதி 69 படத்தில் அவர் நடிக்க இருக்கும் தகவல் விஜய் ரசிகர்களை உற்சாகப்படுத்தியது.

தளபதி 69 படத்தில் இருந்து விலகிய ஷிவராஜ்குமார்

கடந்த அக்டோபர் மாதம் இப்படத்தின் முதற்கட்ட படப்பிடிப்பு துவங்கியது. சென்னை பிரசாத் லேபில் பாடல் காட்சி ஒன்று படமாக்கப்பட்டது. இதனைத் தொடர்ந்து நவம்பர் 4 ஆம் தேதி அடுத்தகட்ட படப்பிடிப்புத் துவங்கியது. இந்த படப்பிடிப்பு காட்சிகளில் ஷிவராஜ்குமார் இணைய இருந்த நேரத்தில்  தளபதி 69 படத்தில் இருந்து ஷிவராஜ்குமார் விலகியுள்ளதாக தகவல்கள் வெளியாகி பெரும் அதிர்ச்சியை ஏற்படுத்தியுள்ளது. சில வாரங்கள் முன்பு எச்.வினோத் தன்னை சந்திக்க வந்து விஜய் படத்தில் நீங்கள் நடிக்க முடியாது. ஆனால் எதிர்காலத்தில் நிச்சயம் உங்களுக்கு என் படத்தில் நடிக்கும் வாய்ப்பு கொடுப்பேன் என எச் வினோத் தன்னிடம் தெரிவித்ததாக ஷிவராஜ் குமார் தெரிவித்துள்ளார். தன்னை படத்தில் இருந்து நீக்கியதற்கு என்ன காரணம் என்று தெரியவில்லை என்றாலும் இது தன்னை தனிப்பட்ட விதத்தில் பாதிக்கவில்லை என்றும் அவர் தெரிவித்துள்ளார்

Kannada superstar Shiva Rajkumar clarified to Hindustan Times that he is not part of #Thalapathy69.

“Director H. Vinoth recently informed me that it won’t work out this time. I don’t know the reason behind the decision, but it’s not a personal issue for me. Maybe in the future,… pic.twitter.com/jgIc16j2eU

— Digi Star (@TheDigiStar) November 19, 2024

---

மேலும் படிக்க : RJ Balaji : சுந்தர் சி சொன்ன அந்த வார்த்தைதான் காரணம்... இந்தியன் 2 படத்தில் நடிக்காதது பற்றி ஆர் ஜே பாலாஜி