Indian 3: இரண்டாம் பாகம் வருவதற்குள் மூன்றாம் பாக அப்டேட்.. இந்தியன் 3 ரிலீஸ் தேதி இதுதான்!

Indian 3 Release: இந்தியன் 2 பாகத்துடன் சேர்த்து மூன்றாம் பாகத்தையும் படமாக்கியுள்ளதாக தகவல் வெளியாகி வருகிறது.

இந்தியன்3 ரிலீஸ் தேதி

Indian 3: ஷங்கர் இயக்கத்தில் கமல்ஹாசன், பிரியா பவானி சங்கர், சித்தார்த், சமுத்திரக்கனி, விவேக் மற்றும் எஸ்ஜே.சூர்யா நடிக்கும் இந்தியன் 2 படம் விறுவிறுப்பாக இறுதிக்கட்டத்தை எட்டியுள்ளது. கடந்த சில ஆண்டுகளுக்கு முன்பு பல்வேறு பிரச்சனையின் காரணமாக இந்தியன் 2 படத்தின் படப்பிடிப்பு பாதியிலேயே நின்றது. கமலின் விக்ரம் படத்தைத் தொடர்ந்து தடைபட்ட இந்தியன் 2 படத்தின் படப்பிடிப்பு விறுவிறுப்பாக நடைபெறத் தொடங்கியது.

இந்த நிலையில் தற்போது இந்தியன் 2 பாகத்துடன் சேர்த்து மூன்றாம் பாகத்தையும் படமாக்கியுள்ளதாக தகவல் வெளியாகி வருகிறது. அதன்படி இந்தியன் மூன்றாம் பாகத்தையும் சேர்த்து படமாக்கி வருவதாகவும், அதற்கு திரைக் கலைஞர்களும் ஒப்புதல் அளித்து பணியாற்றி வருவதாகவும் கூறப்படுகிறது. மூன்றாம் பாகத்தின் சில காட்சிகள் படமாக்க படக்குழு திட்டமிட்டிருப்பதாகவும், விரைவில் ஷூட்டிங் தொடங்கும் என்றும் கூறப்படுகிறது. 

தற்போது இறுதிக்கட்டத்தில் இருக்கும் இந்தியன் 2 படம் அடுத்த ஆண்டு தமிழ் புத்தாண்டுக்கு ரிலீசாகலாம் என்றும், இந்தியன் 3 படம் தீபாவளிக்கு ரிலீசாக திட்டமிட்டுள்ளதாகவும் இணையத்தில் தகவல் பரவி வருகிறது. இதற்கிடையே இந்தியன் 3 படத்தில் நடிப்பதற்காக கமல்ஹாசன் மேலும் 40 நாட்கள் படப்பிடிப்பில் பங்கேற்க திட்டமிட்டுள்ளதாகவும் தகவல் வெளியாகியுள்ளது. 

2 parts confirmed 🔥🔥

- #Indian2 & #Indian3 are going to be shoot in parallel 🤝
- Ulaganayagan #KamalHaasan has given additional 40 days for the shooting of Indian3🎬
- Indian2 planning for 2024 Tamil New year release & Indian3 planning for Diwali 2024 release 👌
-… pic.twitter.com/TVHzsGmhRe

— AmuthaBharathi (@CinemaWithAB) November 3, 2023

இதனால் அடுத்த ஆண்டு மட்டும் உலகநாயகன் கமல்ஹாசன் நடிப்பில் இந்தியன் 2, இந்தியன் 3, KH 233, ப்ராஜெக்ட் K படங்கள் ரிலீசாக வாய்ப்புள்ளதாகக் கூறப்படுகிறது. இந்த நிலையில் மிகுந்த எதிர்பார்ப்புகளுடன் இந்தியன் 2 படத்தின் அறிமுக வீடியோ வெளியாகி இணையத்தில் டிரெண்டாகி வருகிறது. இந்தியனுக்கு சாவே கிடையாது, இந்தியன் கம்பேக் போன்ற காட்சிகள் அறிமுக வீடியோவில் இடம்பெற்று படத்தின் மீதான எதிர்பார்ப்பை அதிகரித்துள்ளன. 

மேலும் படிக்க: Indian 2 Intro: இந்தியனுக்கு சாவு கிடையாது; கம்பேக் கொடுக்கும் சேனாபதி - வெளியானது இந்தியன் 2வின் அறிமுக வீடியோ!