Entertainment Headlines: மன்சூர் அலிகானுக்கு குவியும் கண்டனம்.. த்ரிஷாவுக்கு ஆதரவு.. கார்த்திகா திருமணம்.. சினிமா ரவுண்ட் -அப்!

Entertainment Headlines Nov 19: திரையுலகில் இன்று இதுவரை நடந்த நிகழ்வுகளை கீழே தலைப்புச் செய்திகளாக காணலாம்.

சினிமா செய்திகள்

சிரிக்க வைக்கும் சிந்தனைவாதி... சமூக சீர்திருத்தவாதி.. “சின்ன கலைவாணர்” விவேக் பிறந்தநாள் இன்று..! 

தென்னிந்திய சினிமாவின் பொக்கிஷம், எளிதில் கலந்து விட முடியாத ஒரு கலைஞன்,  நகைச்சுவை மூலம் நாசுக்காக சிந்திக்கவும் வைத்த சின்ன கலைவாணர் நடிகர் விவேக் 62வது பிறந்தநாள் இன்று.  இந்த உலகை விட்டு அவர் மறைந்தாலும் அன்றும் இன்றும் என்றும் நெஞ்சங்களில் நீங்காத ஒரு இடத்தை பிடித்தவர். ஒரு இயக்குநராக வேண்டும் என்ற கனவோடும் லட்சியத்தோடும் தான் திரையுலகிற்குள் அடியெடுத்து வைத்தவர். கே. பாலச்சந்திரன் 'மனத்தில் உறுதி வேண்டும்' படம் மூலம் திரையுலகில் கால் பதித்தவர். மேலும் படிக்க

காருக்குள் மர்மமான முறையில் இறந்து கிடந்த பிரபல மலையாள நடிகர்.. ரசிகர்கள் அதிர்ச்சி

பிரபல மலையாள நடிகர் வினோத் தாமஸ் காருக்குள் மர்மமான முறையில் இறந்து கிடந்த சம்பவம் திரையுலகினர் இடையே பெரும் அதிர்ச்சியை ஏற்படுத்தியுள்ளது.  கேரள மாநிலம் கோட்டயம் பகுதியைச் சேர்ந்தவர் வினோத் தாமஸ். இவர் மலையாளத்தில் வெளியான அய்யப்பனும் கோஷியும், ஒருமுறை வந்து பார்த்தாயா, ஹேப்பி வெட்டிங், ஜூன், நதொலி ஒரு செரிய மீனலா போன்ற படங்களில் நடித்து பிரபலமானார். மேலும் படிக்க

த்ரிஷா பற்றி ஆபாசமாகப் பேசிய மன்சூர் அலிகான்.. லோகேஷ் உள்ளிட்ட பிரபலங்கள் கடும் கண்டனம்..!

நடிகை த்ரிஷா பற்றி ஆபாசமாக பேசிய நடிகர் மன்சூர் அலிகானுக்கு இயக்குநர் லோகேஷ் கனகராஜ், நடிகை மாளவிகா மோகனன் உள்ளிட்ட பிரபலங்கள் கடும் கண்டனம் தெரிவித்துள்ளனர்.  லியோ படத்தின் வெற்றி விழாவில் பேசிய நடிகர் மன்சூர் அலிகான், ‘ லியோ படத்தில் த்ரிஷாவுடன் நடிக்க வாய்ப்பு கிடைக்கும் என்று நினைத்தேன். ஆனால் இப்படத்தில் அவர் அருகில் கூட என்னால் செல்ல முடியவில்லை. அட்லீஸ்ட் மடோனா பாப்பா கிட்டயேவாது போகணும்னு நினைச்சேன். ஆனால் அதுவும் நடக்கவில்லை’ என தெரிவித்திருந்தார். மேலும் படிக்க

“ரொம்ப பட்டுட்டேன்... பிக்பாஸால் என்னையே நான் வெறுக்கிறேன்” - ஐஷூ உருக்கமான பதிவு..!

பிக்பாஸ் வீட்டில் இருந்து வெளியேறிய ஐஷூ, பிக்பாஸ் நிகழ்ச்சி தன்னை அதிகமாக காயப்படுத்தி விட்டதாகவும், தனிப்பட்ட முறையில் பிரதீப் மீது பழி சுமத்தவில்லை என்றும் ஐஷூ உருக்கமான பதிவை வெளியிட்டுள்ளார்.  பிக்பாஸ் வீட்டை விட்டு வெளியே வந்த ஐஷூ டிவிட்டரில் நீண்ட பதிவு ஒன்றை பகிர்ந்துள்ளார். அதில், ”எனது பிக்பாஸ் பார்வையாளர்கள் அனைவரிடம் ஆழமான மன்னிப்பை கேட்டுக் கொள்கிறேன். மேலும் படிக்க

‘கோ’ பட நடிகை, ராதா மகள் கார்த்திகாவின் கோலாகலத் திருமணம்.. சங்கமித்த 80ஸ் நடிகர், நடிகைகள்!

80களில் எவர்கிரீன் நடிகையாக வலம்வந்த ராதாவின் மகள் கார்த்திகாவுக்கு திருமணம் நடைபெற்ற புகைப்படத்தை நடிகை ராதிகா பகிர்ந்துள்ளார். அலைகள் ஓய்வதில்லை படத்தின் மூலம் தமிழ் சினிமாவில் அறிமுகமான ராதா 80களில் கனவு நாயகியாக வலம் வந்தார். ரஜினி, கமல்ஹாசன், விஜயகாந்த், மோகன், சிவாஜி உள்ளிட்ட முன்னணி ஹீரோக்களுக்கு ஜோடியாக நடித்த ராதா எவர்கிரீன் நாயகியாக வலம் வந்தார். மேலும் படிக்க

இப்படிபட்ட அசுத்தமான மனம் கொண்டவரை அவ்வளவு எளிதில் விட முடியாது - மன்சூர் அலிகானை சாடிய குஷ்பு!

நடிகை த்ரிஷா பற்றியும் படுக்கையறைக்காட்சி பற்றியும் ஆபாசமாகவும் தரக்குறைவாகவும் மன்சூர் அலிகான் செய்தியாளர் சந்திப்பில் பேசிய நிலையில், இதற்கு த்ரிஷா நேற்று கடும் கண்டனங்களை பதிவு செய்திருந்தார். நடிகை த்ரிஷாவுடன் மன்சூர் அலிகான் லியோ படத்தில் இணைந்து நடித்திருந்த நிலையில், த்ரிஷாவுடன் தனக்கு காட்சிகள் இல்லை என்றும், பாலியல் வன்முறை செய்யும்படி காட்சி இருக்கும் என தான் நினைத்ததாகவும் முன்னதாக செய்தியாளர் சந்திப்பில் மன்சூர் அலிகான் ஆபாசமான முறையில் பேசி இருந்தார். மேலும் படிக்க