Actor Vinod Thomas: காருக்குள் மர்மமான முறையில் இறந்து கிடந்த பிரபல மலையாள நடிகர்.. ரசிகர்கள் அதிர்ச்சி
பிரபல மலையாள நடிகர் வினோத் தாமஸ் காருக்குள் மர்மமான முறையில் இறந்து கிடந்த சம்பவம் திரையுலகினர் இடையே பெரும் அதிர்ச்சியை ஏற்படுத்தியுள்ளது.
பிரபல மலையாள நடிகர் வினோத் தாமஸ் காருக்குள் மர்மமான முறையில் இறந்து கிடந்த சம்பவம் திரையுலகினர் இடையே பெரும் அதிர்ச்சியை ஏற்படுத்தியுள்ளது.
கேரள மாநிலம் கோட்டயம் பகுதியைச் சேர்ந்தவர் வினோத் தாமஸ். இவர் மலையாளத்தில் வெளியான அய்யப்பனும் கோஷியும், ஒருமுறை வந்து பார்த்தாயா, ஹேப்பி வெட்டிங், ஜூன், நதொலி ஒரு செரிய மீனலா போன்ற படங்களில் நடித்து பிரபலமானார். இதனிடையே கோட்டயம் மாவட்டத்தில் உள்ள பம்படி பகுதியில் தனியார் ஹோட்டலில் இருக்கும் கார் பார்க்கிங் பகுதியில் கார் ஒன்றில் இருந்து நடிகர் வினோத் தாமஸ் மயங்கி கிடந்துள்ளார்.
உடனடியாக ஹோட்டல் நிர்வாகத்தினர் காவல்துறைக்கு தகவல் தெரிவித்தனர். உடனடியாக சம்பவ இடத்திற்கு வந்த போலீசார் கார் கண்ணாடியை உடைத்து அவரை மீட்டு மருத்துவமனைக்கு கொண்டு சென்றனர். ஆனால் வினோத் தாமஸை பரிசோதித்த மருத்துவர்கள் அவர் ஏற்கனவே இறந்து விட்டதாக தெரிவித்தனர். இந்த சம்பவம் இணையத்தில் ரசிகர்களிடையே மிக வேகமாக பரவி அதிர்ச்சியை ஏற்படுத்தியது.
உடனடியான ஹோட்டல் நிர்வாகத்தினரிடம் போலீசார் விசாரணை மேற்கொண்டனர். இதுதொடர்பாக வெளியான தகவலின்படி, ‘மது அருந்தும் பழக்கம் கொண்ட வினோத் தாமஸ் சம்பந்தப்பட்ட ஹோட்டலில் உள்ள பாருக்கு வந்துள்ளார். காலை 11 மணி முதல் அங்கிருந்த வினோத் மதியம் 2 மணியளவில் பார்க்கிங் பகுதிக்கு சென்று தனது காரில் அமர்ந்து ஏசியை ஆன் செய்துள்ளார். அவர் காரின் உள்ளே ஏறும் போது கவனித்த ஹோட்டல் ஊழியர்கள் 2 மணி நேரமாகியும் மீண்டும் கதவு திறக்கப்படாததால் சந்தேகமடைந்து அருகே சென்று பார்த்துள்ளனர்.
மேலும் வினோத் தாமஸ் செல்போனுக்கும் தொடர்பு கொள்ளப்பட்ட நிலையில் அதுவும் பலனளிக்காததால் உடனடியாக காவல்துறைக்கு தகவல் தெரிவித்துள்ளனர். இதன்பிறகே கண்ணாடியை உடைத்து வினோத் தாமஸ் உடலானது மீட்கப்பட்டுள்ளது. மேலும் காருக்குள் வாந்தி எடுத்ததாகவும், அதன் விஷவாயு காரில் ஏசி மூலம் சுவாசிக்கப்பட்டதால் வினோத் தாமஸ் உயிரிழந்திருக்கலாம்” என தெரிவிக்கப்பட்டுள்ளது. எனினும் பிரேத பரிசோதனை அறிக்கை வந்தால் தான் வினோத் தாமஸ் மரணத்திற்கு காரணம் என்னவென்று தெரிய வரும். இதனிடையே 47 வயதான வினோத் தாமஸ் மரணத்திற்கு திரையுலகினர், ரசிகர்கள் என பலரும் இரங்கல் தெரிவித்து வருகின்றனர்.
மேலும் படிக்க: IND vs AUS Final Score LIVE: பகையுடன் காத்திருக்கும் இந்தியா..? பதம் பார்க்கும் முனைப்பில் ஆஸ்திரேலியா.. வெற்றி யாருக்கு..?
தலைப்பு செய்திகள்
ட்ரெண்டிங் செய்திகள்
