அதிக திருமணம் செய்து கொண்ட நடிகர் - நடிகைகள் யார் யார் தெரியுமா?

90களில் பிறந்தவர்களுக்கு ஒரு திருமணம் நடப்பதே பெரிய விஷயமாக இருக்கும் போது, சில பிரபலங்கள் 3 முறை திருமணம் செய்திருக்கிறார்கள் என்றால் உங்களால் நம்ப முடிகிறதா? அவர்கள் யார் யார் என்று பார்க்கலாம்.

அதிக திருமணம் செய்த பிரபலங்கள் பற்றிய தொகுப்பு

Source : twitter

இன்றைய காலகட்டங்களில் திருமணம் என்பது எளிதான ஒன்றாக அமைந்துவிட்டது. ஆனால்,1990 ஆம் ஆண்டுகளில் பிறந்த 90ஸ் கிட்ஸூகளுக்கு திருமணம் கனவு மாதிரியாகிவிட்டது. கனவில் கூட திருமணம் நடக்கவில்லை என்று புலம்பும் நிலைக்கு 90ஸ் கிட்ஸுகள் வந்துவிட்டனர். அப்படியிருக்கும் போது சினிமாவில் சில நடிகர், நடிகைகள் எல்லாம் 3 முறை திருமணம் செய்திருக்கிறார்கள் என்றால் உங்களால் நம்ப முடிகிறதா?

கமல் ஹாசன்:

ஆனால், அதுதான் உண்மை. சினிமாவில் இப்போது விவாகரத்து செய்தி அடுத்தடுத்து வெளியாகி வரும் நிலையில் ஒரு காலத்தில் ஒன்றுக்கு மேற்பட்ட திருமணங்களை சினிமா பிரபலங்கள் செய்துள்ளனர். இந்தப் பட்டியலில் முதலில் இருப்பது உலக நாயகன் கமல் ஹாசன் தான். கடந்த 1978 ஆம் ஆண்டு பரதநாட்டிய கலைஞரான வாணி கணபதியை திருமணம் செய்து கொண்டார். அவருடன் 10 ஆண்டுகள் ஒன்றாக வாழ்ந்த நிலையில் விவாகரத்து பெற்று இருவரும் பிரிந்தனர். அதன் பிறகு சாரிகாவை காதலித்து திருமணம் செய்து கொண்டார்.

கமல் ஹாசன் மற்றும் சாரிகாவிற்கு பிறந்தவர்கள் தான் ஸ்ருதிஹாசன் மற்றும் அக்‌ஷரா ஹாசன். நீண்ட நாட்களுக்கு பிறகு சாரிகாவையும் விவாகரத்து செய்த கமல் ஹாசன் நடிகை கௌதமியுடன் ஒன்றாக சேர்ந்து வாழ்ந்து வந்தார். கடைசியாக அவரிடமிருந்து பிரிந்து இப்போது இருவரும் தனியாக வாழ்ந்து வருகின்றனர்.

ராதிகா:

கமல் ஹாசன் மட்டுமின்றி ராதிகாவும் 3 முறை திருமணம் செய்துகொண்டார். முதலில் கடந்த 1985 ஆம் ஆண்டு இயக்குநரும், நடிகருமான பிரதாப் போத்தனை திருமணம் செய்து கொண்டார். ஆனால் ஒரு வருடத்திற்குள்ளாக இருவரும் பிரிந்து சென்றனர். அதன் பிறகு இங்கிலாந்தை நாட்டை சேர்ந்த ரிச்சர்டு ஹார்டியை திருமணம் செய்து கொண்டார். ரிச்சர்டு ஹார்டி மற்றும் ராதிகா தம்பதியினருக்கு ஒரு மகள் பிறந்தார். அதன் பிறகு அவரை விவாகரத்து செய்துவிட்டு தன்னுடன் பல படங்களில் நடித்த சரத்குமாரை 2001 ஆம் ஆண்டு திருமணம் செய்து கொண்டார். சரத்குமார் ராதிகாவை 2ஆவதாக திருமணம் செய்து கொண்டார் என்பதும் குறிப்பிடத்தக்கது.

வனிதா:

அதிக திருமணம் செய்தவர்களின் பட்டியலில் 3ஆவது இடத்தில் இருப்பவர் வனிதா. ஏற்கனவே ஆகாஷ் என்பவரை திருமணம் செய்த கொண்ட நிலையில், அவர்களுக்கு ஸ்ரீஹரி என்ற மகன் மற்றும் ஜோவிதா என்ற மகள் பிறந்தார். பின்னர் அவரை விவாகரத்து செய்துவிட்டு ராஜனை 2ஆவதாக திருமணம் செய்து கொண்டார். வனிதா மற்றும் ராஜன் தம்பதியினருக்கு ஜெயனிகா என்று மகள் உள்ளார். அதன் பிறகு தான் 3ஆவதாக பீட்டர் பால் என்பவரை திருமணம் செய்து கொண்டார். ஆனால், சில மாதங்களிலேயே அவரை விட்டு பிரிந்தார். 

பவன் கல்யாண்:

தமிழ் சினிமாவில் மட்டுமின்றி தெலுங்கு சினிமா நடிகரான பவன் கல்யாணும் 3 திருமணம் செய்து கொண்டார். விசாகப்பட்டினத்தை சேர்ந்த நந்தினி என்பவரை முதலில் திருமணம் செய்த நிலையில் அவருடன் ஏற்பட்ட கருத்து வேறுபாடு காரணமாக அவரை விவாகரத்து செய்து ரேணு தேசாயை காதலித்து கரம் பிடித்தார்.  ரேணு தேசாய் மற்றும் பவன் கல்யாண் தம்பதியினருக்கு அகிரா, நந்தன், ஆதிய என்று குழந்தைகள் உள்ளனர் . இதையடுத்து ரேணு தேசாயையும் விவாகரத்து செய்துவிட்டு நடிகையும், டான்ஸ் இயக்குநருமான அன்னா லெஷ்னோவாவை 3ஆவதாக திருமணம் செய்து கொண்டார். இந்த தம்பதியினருக்கு 2 குழந்தைகள் உள்ளனர்.

நரேஷ்:

இவர்களது வரிசையில் அடுத்ததாக இருப்பவர் நடிகர் நரேஷ். முதலில் ஒளிப்பதிவாளர் மகளை திருமணம் செய்தார். அவருடன் கருத்து வேறுபாடு ஏற்பட 2ஆவதாக ரேகா சுப்ரியாவை திருமணம் செய்தார். பின்னர் அவரையும் விவாகரத்து செய்துவிட்டு 3ஆவதாக ரம்யா ரகுபதியை திருமணம் செய்தார். பின்னர் அவரையும் விவாகரத்து செய்து நடிகை பவித்ரா லோகேஷை 4ஆவதாக திருமணம் செய்து கொண்டார் என்பது குறிப்பிடத்தக்கது.