ஷங்கரின் வேள்பாரி படத்தில் தனுஷ்...? வெளியான மாஸ் தகவல்

ஷங்கர் இயக்கவிருக்கும் வரலாற்று திரைப்படமான வேள்பாரி படத்தில் தனுஷ் நடிக்க பேச்சுவார்த்தைகள் நடந்து வருவதாக தகவல்கள் வெளியாகியுள்ளன.

தனுஷ் , ஷங்கர் , வேள்பாரி

Source : X

இந்தியன் 2 மற்றும் கேம் சேஞ்சர் ஆகிய இரு படங்களின் தோல்விக்குப் பின் இயக்குநர் ஷங்கர் தனது அடுத்த  பிரம்மாண்ட படைப்பிற்காக ஆயத்தமாகி வருகிறார். எம்.பி மற்றும் எழுத்தாளரான சு வெங்கடேசன் எழுதிய 'வீரயுக நாயகன் வேள்பாரி' நாவலை பிரம்மாண்டமான படமாக ஷங்கர் இயக்கவிருக்கிறார். இப்படத்திற்கான நடிகர்கள் தேர்வு தற்போது நடைபெற்று வருகிறது. இப்படத்தில் நடிகர் விக்ரம் , சூர்யா , பாலிவுட் நடிகர் ரன்வீர் சிங் ஆகியோர் நடிப்பதற்கான வாய்ப்பு இருப்பதாக கூறப்படுகிறது. இப்படியான நிலையில் நடிகர் தனுஷின் ஷங்கர் வேள்பாரி கதையை சொல்லியிருப்பதாகவும் தனுஷ் படத்தில் நடிக்க ஆர்வம் காட்டி வருவதாகவும் தகவல்கள் வெளியாகியுள்ளது

வேள்பாரி நாயகனாகும் தனுஷ் 

அண்மையில் தனுஷின் 55 ஆவது படத்தின் பூஜை நடைபெற்றது. ராஜ்குமார் பெரியசாமி இப்படத்தை இயக்க சாய் பல்லவி , ஶ்ரீலீலா , மம்மூட்டி ஆகியோர் படத்தில் முக்கிய கதாபாத்திரத்தில் நடிக்க இருக்கிறார்கள். சாய் அப்யங்கர் படத்திற்கு இசையமைக்கிறார். தனுஷின் வர்டர்பார்ஸ் ஃபிலிம்ஸ் மற்றும் ஆர் டேக் ஸ்டுடியோஸ் இணைந்து இந்த படத்தை தயாரிக்க இருக்கின்றன. இந்த படத்தின் பூஜையில் இயக்குநர் ஷங்கர் கலந்துகொண்டார். 

அப்போது தனுஷிடம் வேள்பாரி கதையை ஷங்கர் சொன்னதாகவும் தனுஷ் படத்தில் நடிக்க ஆர்வம் காட்டியுள்ளதாகவும் கூறப்படுகிறது. தற்போது தனுஷ் அடுத்தடுத்த படங்களில் பிஸியாக நடித்து வருவதால் அவரது கால்ஷீட் கிடைப்பதில் சிக்கல் இருந்து வருவதாகவும் இந்த ஆண்டு இறுதியில் ஷங்கருடன் அவர் பணியாற்றுவதற்கான வாய்ப்புகள் உள்ளன. அதே நேரம் ஜூன் மாதம் முதல் வேள்பாரி படத்திற்கான படப்பிடிப்பு பணிகள் துவங்கும் என எதிர்பார்க்கப்படுகிறது.

தனுஷ் அடுத்தபடியாக மாரி செல்வராஜ் இயக்கத்தில் வரலாற்று கதைக்களத்தில் நடிக்க இருக்கிறார். இது தவிர்த்து இசைஞானி இளையராஜா பையோபிக் , அப்துல் கலாம் பையோபிக் ஆகிய படங்களும் கைவசம் வைத்துள்ளார்.