Anushka Sharma | கிரிக்கெட் வீராங்கனை ஜுலான் கோஸ்வாமி வாழ்க்கை வரலாற்று படம்.. விலகினாரா அனுஷ்கா ஷர்மா? ஏன்?

கிரிக்கெட் வீராங்கனை ஜுலன் கோஸ்வாமியின் வாழ்க்கை வரலாறு படத்திலிருந்து அனுஷ்கா ஷர்மா விலகிவிட்டதாக தகவல்கள் வெளியாகியுள்ளன.

அனுஷ்கா ஷர்மா, ஜுலான் கோஸ்வாமி

இந்திய பெண்கள் கிரிக்கெட் அணியின் முன்னாள் கேப்டன் ஜுலன் கோஸ்வாமி. இவர் சிறந்த வேகப்பந்துவீச்சாளராகவும் திகழ்ந்தார். 
கோஸ்வாமி இந்திய அணியை 2008ஆம் ஆண்டிலிருந்து 2011ஆம் ஆண்டுவரை வழிநடத்தினார்.

இந்திய அணியை சிறப்பாக வழிநடத்திய இவருக்கு விளையாட்டில் வழங்கப்படும் உயரிய விருதான அர்ஜுனா விருது வழங்கப்பட்டுள்ளது. மேலும் பத்மஸ்ரீ விருதும் அளிக்கப்பட்டுள்ளது. இந்தச் சூழலில் இவரது வாழ்க்கை வரலாறு திரைப்படமாக உருவாக்கப்படும் என அறிவிக்கப்பட்டது. 

Great memories 😍😍😍🙏🙏🙏 https://t.co/5XQ3yWkBB1

— Jhulan Goswami (@JhulanG10) October 25, 2020

அதில் இந்திய ஆண்கள் டெஸ்ட் கிரிக்கெட் அணியின் கேப்டனான விராட் கோலியின் மனைவியும், நடிகையுமான அனுஷ்கா ஷர்மா நடிப்பார் என தெரிவிக்கப்பட்டது. இந்நிலையில் இப்படத்திலிருந்து அனுஷ்கா ஷர்மா விலகியிருப்பதாக தகவல் வெளியாகியுள்ளது.

2018ஆம் ஆண்டு இயக்குநர் ஆனந்த் எல்.ராய் இயக்கத்தில் அனுஷ்கா ஷர்மா நடிப்பில் வெளியான ஜீரோ படத்துக்கு பிறகு அவர் நடிக்கும் பெரிய படமாக கோஸ்வாமியின் வாழ்க்கை வரலாறு படம் இருக்கும் என கருதப்பட்டது. இந்தப் படத்தை அனுஷ்காவின் தயாரிப்பு நிறுவனமான கிளீன் ஸ்லேட் பிலிம்ஸ் தயாரித்து ப்ரோசித் ராய் இயக்கவிருந்தது குறிப்பிடத்தக்கது.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண  

மேலும் வாசிக்க: Ashes 1st Test, AUS vs ENG: பாரம்பரியமிக்க ஆஷஸ் டெஸ்ட் தொடர் நாளை தொடக்கம் : இங்கிலாந்து - ஆஸ்திரேலியா பிரிஸ்பேனில் மோதல்