Aishwarya Rajesh: "பிறந்தநாள் வாழ்த்துக்கள் தலைவி" - ஐஸ்வர்யா ராஜேஷை புகழ்ந்து தள்ளிய ஐஸ்வர்யா தத்தா..!
அட்டகத்தி மூலம் தமிழ் சினிமாவில் நடிகையாக அறிமுகமானவர் ஐஸ்வர்யா ராஜேஷ். தமிழ்நாட்டைச் சேர்ந்த இவர், திரையுலகில் தமிழ்நாட்டில் இருந்து சினிமாவுலகில் ஜெயிப்பது கடினம் என்ற கூற்றை உடைத்த நடிகையாவார்.
நடிகை ஐஸ்வர்யா ராஜேஷூக்கு, சக நடிகையான ஐஸ்வர்யா தத்தா பிறந்தநாள் வாழ்த்துகளை அள்ளித் தெளித்துள்ள சம்பவம் ரசிகர்களிடையே ஆச்சரியத்தை ஏற்படுத்தியுள்ளது.
அட்டகத்தி படம் மூலம் தமிழ் சினிமாவில் நடிகையாக அறிமுகமானவர் ஐஸ்வர்யா ராஜேஷ். தமிழ்நாட்டைச் சேர்ந்த இவர், திரையுலகில் தமிழ்நாட்டில் இருந்து சினிமாவுலகில் ஜெயிப்பது கடினம் என்ற கூற்றை உடைத்த சமகால நடிகையாவார். அந்த படத்தை தொடர்ந்து ரம்மி, பண்ணையாரும் பத்மினியும், திருடன் போலீஸ், காக்கா முட்டை, ஆறாது சினம், ஹலோ நான் பேய் பேசுறேன், மனிதன், தர்மதுரை, குற்றமே தண்டனை, கடலை, பறந்து செல்ல வா, கட்டப்பாவை காணோம், ஜெமினி கணேசனும் சுருளி ராஜனும், லட்சுமி, செக்க சிவந்த வானம், கனா, வட சென்னை, நம்ம வீட்டுப் பிள்ளை, க/பெ ரணசிங்கம், சொப்பன சுந்தரி, ரன் பேபி ரன், ஃபர்ஹானா, தீரா காதல் என பல படங்களில் நடித்துள்ளார்.
இதனிடையே ஐஸ்வர்யா ராஜேஷ் தனது 34வது பிறந்தநாளை கொண்டாடுகிறார். அவருக்கு சமூக வலைத்தளங்கள் வாயிலாக திரையுலக பிரபலங்களும், ரசிகர்களும் தங்கள் வாழ்த்துகளை தெரிவித்து வருகின்றனர். இந்நிலையில் நடிகை ஐஸ்வர்யா தத்தா ஐஸ்வர்யாவுக்கு பிறந்தநாள் வாழ்த்துகள் தெரிவித்து சமூக வலைத்தளத்தில் பதிவு ஒன்றை வெளியிட்டுள்ளார்.
View this post on Instagram
அதில், “முதலில் இருந்து ஆரம்பிக்கிறேன்... என் கற்பனைக்கு எட்டாத ஒரு பெண்ணை சந்தித்தேன்.. சிறந்த திறமையின் உருவகம், ஒரு சிறந்த மனிதர், ஒரு சிறந்த நண்பர், ஒரு சிறந்த சகோதரி மற்றும் எனது குடும்பத்தில் ஒருவர். இவ்வளவு கடினமாக உழைத்து அங்குலம் அங்குலமாக சம்பாதித்த ஒரு பெண்ணை நான் அறிவேன். அவருடன் நான் அமர்ந்திருக்கும் போதெல்லாம் சினிமாவைப் பற்றி நிறைய கற்றுக்கொண்டேன். இந்த களத்தில் எப்படி கவனம் செலுத்துவது மற்றும் சினிமாவுக்கு அதிக அர்ப்பணிப்பை கொடுப்பது மற்றும் குடும்பம் மற்றும் நண்பர்களை எப்படி நேசிக்க வேண்டும் என்பதை ஐஸ்வர்யா ராஜேஷிடம் இருந்து கற்றுக்கொண்டேன்.
மேலும் நீங்கள் கடினமாக உணரும் நேரத்தில் வாழ்க்கையை எப்படி நேசிப்பது மற்றும் அனுபவிப்பது என்பதை அவரிடமிருந்து நான் கற்றுக்கொண்டேன்…அவள் என் கற்பனைக்கும் அப்பாற்பட்டவள்.. இந்திய சினிமாவின் தலைசிறந்த நடிகைகளில் ஒருவர்.
அவள் ஒரு ஃபீனிக்ஸ் பறவை. இனிய பிறந்தநாள் வாழ்த்துக்கள் ஐஸ்வர்யா ராஜேஷ். உங்கள் சிறந்த படைப்புகளை இந்த உலகம் பார்க்க நான் ஆர்வமாக இருக்கிறேன். இதை அனைத்தையும் தாண்டி நீங்கள் எவ்வளவு பெரிய மனிதர். சூப்பர் ஸ்டார் 👸👸👸👸👸
இந்த ஆண்டு உங்களுக்கு நிறைய மகிழ்ச்சியையும், நிறைய சிறந்த திட்டங்களையும், உங்கள் இதயம் விரும்பும் அனைத்தையும் தரட்டும்.
என்னைப் போலவே, எங்கள் இதயத்தின் ஆழத்தில் இருந்து உங்களுக்கு நல்வாழ்த்துக்களை மட்டுமே தெரிவிக்க விரும்பும் பலர் உள்ளனர். பிறந்தநாள் வாழ்த்துக்கள் தலைவி..!” என தெரிவித்துள்ளார்.
தலைப்பு செய்திகள்
ட்ரெண்டிங் செய்திகள்
