![ABP Premium](https://cdn.abplive.com/imagebank/Premium-ad-Icon.png)
Bonda Mani Hospitalized: ‛அக்கவுண்ட்ல ரூ.1 லட்சம் போட்ட விஜய்சேதுபதி...’ போண்டா மணி உருக்கமான வீடியோ!
போண்டா மணி இரண்டு கிட்னிகளும் செயலிழந்து சென்னை ஓமந்தூரார் அரசு மருத்துவமனையில் தீவிர சிகிச்சை பிரிவில் அனுமதிக்கப்பட்டு சிகிச்சைப் பெற்று வருகிறார்.
![Bonda Mani Hospitalized: ‛அக்கவுண்ட்ல ரூ.1 லட்சம் போட்ட விஜய்சேதுபதி...’ போண்டா மணி உருக்கமான வீடியோ! Actor vijay sethupathi helps to comedy actor bondamani medical treatment Bonda Mani Hospitalized: ‛அக்கவுண்ட்ல ரூ.1 லட்சம் போட்ட விஜய்சேதுபதி...’ போண்டா மணி உருக்கமான வீடியோ!](https://feeds.abplive.com/onecms/images/uploaded-images/2022/09/23/5633bdf8516126258fd7299d2e8190f81663927496997224_original.jpg?impolicy=abp_cdn&imwidth=1200&height=675)
கிட்னி செயலிழப்பால் அவதிப்பட்டு வரும் தனக்கு நடிகர் விஜய் சேதுபதி பணம் கொடுத்து உதவியதாக நகைச்சுவை நடிகர் போண்டா மணி தெரிவித்துள்ளார்.
இலங்கையை பூர்விகமாகக் கொண்ட போண்டா மணி 1991-ம் ஆண்டு வெளியான பாக்யராஜின் பவுனு பவுனுதான் படத்தின் மூலம் தமிழ் சினிமாவில் அறிமுகமானார். 1994 ஆம் ஆண்டில் வெளியான தென்றல் வரும் தெரு படம் போண்டா மணிக்கு திருப்புமுனையாக அமைந்தது.தொடர்ந்து கவுண்டமணி, வடிவேலு, விவேக்குடன் இணைந்த அவர், நான் பெத்த மகனே, சுந்தரா டிராவல்ஸ், அன்பு, திருமலை, ஐயா, ஆயுதம், வின்னர், வேலாயுதம், படிக்காதவன், மருதமலை உள்ளிட்ட 100க்கும் மேற்பட்ட படங்களில் நகைச்சுவை காட்சிகளில் துணை கதாபாத்திரங்களில் நடித்துள்ளார்.
View this post on Instagram
இவர் தற்போது இரண்டு கிட்னிகளும் செயலிழந்து சென்னை ஓமந்தூரார் அரசு மருத்துவமனையில் தீவிர சிகிச்சை பிரிவில் அனுமதிக்கப்பட்டு சிகிச்சைப் பெற்று வருகிறார். இதுகுறித்த தகவலை நடிகர் பெஞ்சமின் வீடியோவாக வெளியிட்டிருந்தார். இதனைத் தொடர்ந்து போண்டா மணியை மருத்துவமனையில் நேரில் சந்தித்து நலம் விசாரித்த சுகாதாரத்துறை அமைச்சர் மா.சுப்பிரமணியன் அவரின் மருத்துவ செலவை அரசே ஏற்றுக்கொள்ளும் எனவும் தெரிவித்திருந்தார்.
இதனைத் தொடர்ந்து திருச்செந்தூர் முருகன் கோயிலில் செய்தியாளர்களை சந்தித்த நடிகர் வடிவேலு, போண்டா மணிக்கு தன்னால் இயன்ற உதவியை செய்யவுள்ளதாக தெரிவித்தார். இந்நிலையில் போண்டா மணி தற்போது வெளியிட்டுள்ள வீடியோவில், எனக்கு உடம்பு சரியில்லை என கேள்விப்பட்டவுடன் , அன்பு அண்ணன் நடிகர் விஜய் சேதுபதி, நடிகர் கிங்காங்கிடம் நம்பர் வாங்கி ரூ.1 லட்சம் என் பேங்க் அக்கவுண்ட்ல போட்டு விட்டுருக்காரு. அந்த ஒரு லட்சம் ஒரு கோடிக்கு சமம்.
அதேபோல திருச்செந்தூர்ல வடிவேல் சார் என்னை பத்தி பேசிருக்காரு. அதுவே பாதி உடம்பு சரியான மாதிரி இருக்குது. அமைச்சர் மா.சுப்பிரமணியன் வந்து தமிழக அரசு முழு சப்போர்ட் கொடுக்கும் என சொன்னது புத்துணர்ச்சியா இருந்தது. என்னோட விஷயம் கேள்விப்பட்டவுடன் உடனடியாக உதவிப்பண்ண விஜய் சேதுபதிக்கு மனதார நன்றி என தெரிவித்து வீடியோ வெளியிட்டுள்ளார்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)