TNEA Admission 2024: இன்னும் சில நாட்கள்தான்; பொறியியல் படிப்பில் சேர ஆன்லைனில் விண்ணப்பிக்கலாம்- எப்படி?

தமிழ்நாட்டில் உள்ள அரசு, அரசு உதவிபெறும், தனியார் பொறியியல் கல்லூரிகளில் சேர இணையம் மூலம் விண்ணப்பிக்க ஜூன் 6 கடைசித் தேதி ஆகும்.

Written By : மாய நிலா | Updated at : 03 Jun 2024 11:28 AM (IST)

TNEA Admission 2024 Engineering Admission Application Registration How to apply Know important dates TNEA Admission 2024: இன்னும் சில நாட்கள்தான்; பொறியியல் படிப்பில் சேர ஆன்லைனில் விண்ணப்பிக்கலாம்- எப்படி?

மாணவர்கள் | கோப்புப்படம்

தமிழ்நாட்டில் அண்ணா பல்கலைக்கழகத்தின் கீழ் 440-க்கும் மேலான பொறியியல் கல்லூரிகள் செயல்பட்டு வருகின்றன. இவற்றில் இளநிலை படிப்புகளுக்கு சுமார் 1.5 லட்சம் இடங்கள் உள்ளன. இவை இணையவழி கலந்தாய்வு மூலம் நிரப்பப்படுகின்றன. இந்த ஆண்டு பொறியியல் படிப்புகளுக்கு கூடுதல் இடங்கள் உருவாக்கப்பட்டு, ஒதுக்கப்பட உள்ளதாகவும் தகவல் வெளியாகி உள்ளது.

இதற்கிடையே 2024 -ம் ஆண்டுக்கான பொறியியல் கலந்தாய்வு தொழில்நுட்பக் கல்வி இயக்குநரகம் மூலம் நடத்தப்படுகிறது. மருத்துவக் கலந்தாய்வு முடிந்த பிறகே, பொறியியல் கலந்தாய்வு நடத்தப்பட உள்ளது.

இதற்கான விண்ணப்பப் பதிவு ஆன்லைன் மூலம் மே 6ஆம் தேதி தொடங்கியது. பிளஸ் 2 தேர்வு முடிவுகள் வெளியான நிலையில், அன்றே விண்ணப்பப் பதிவு தொடங்கியது. இதுவரை 2.32 லட்சம் மாணவர்கள், பொறியியல் படிப்புகளில் பதிவு செய்துள்ளனர். அரசு, அரசு உதவிபெறும், தனியார் பொறியியல் கல்லூரிகளில் சேர, மாணவர்கள் இணையம் மூலம் விண்ணப்பிக்க ஜூன் 6 கடைசித் தேதி ஆகும்.

விண்ணப்பிப்பது எப்படி?

மாணவர்கள் https://www.tneaonline.org/user/login அல்லது http://www.dte.gov.in/ - என்ற இணைப்பை க்ளிக் செய்து, பொறியியல் படிப்புகளில் சேர விண்ணப்பிக்கலாம்.

முக்கியத் தேதிகள் என்னென்ன?

மாணவர்கள் அசல் சான்றிதழ்கள் பதிவேற்றம் செய்ய இறுதி நாள் - 12.06.2024

ரேண்டம் எண் எனப்படும் சமவாய்ப்பு எண் ஒதுக்கப்படும் நாள் - 12.06.2024

சேவை மையம் வாயிலாக சான்றிதழ்கள் சரிபார்க்கும் நாட்கள் (இணையதள வாயிலாக) - 13.06.2024 முதல் 30.06.2024 வரை

தரவரிசைப் பட்டியல் வெளியீடு - 10.07.2024

சேவை மையம் வாயிலாக குறைகளை நிவர்த்தி செய்தல் - 11.07.2024 முதல் 20.07.2024 வரை

எவ்வளவு பேர் விண்ணப்பம்?

பொறியியல் படிப்புகளில் சேர, மே 6ஆம் தேதி விண்ணப்பப் பதிவு தொடங்கிய நிலையில், இதுவரை 2,32,417 மாணவர்கள் பதிவு செய்துள்ளனர். நேற்று மாலை நிலவரப்படி இந்த விவரம் வெளியிடப்பட்டுள்ளது.

அதில் 1,83,737 பேர் விண்ணப்பக் கட்டணம் செலுத்தி உள்ளனர். இதில் 1,53,088 மாணவர்கள் சான்றிதழ்களை பதிவேற்றம் செய்துள்ளனர். விண்ணப்பிக்கும் கால அவகாசம் ஜூன் 6-ம் தேதி வரை உள்ள நிலையில், விண்ணப்பிக்கும் மாணவர்களின் எண்ணிக்கை இன்னும் அதிகரிக்கும் என்று எதிர்பார்க்கப்படுகிறது.

கூடுதல் விவரங்களுக்கு...

தொடர்பு எண்‌: 044 - 2235 1014 / 1015
அழைப்பு எண்‌: 1800 - 425 - 0110

இ- மெயில் முகவரி: tneacare@gmail.com

கூடுதல் விவரங்களுக்கு: https://www.tneaonline.org என்ற இணைப்பை க்ளிக் செய்து காணலாம்.

About the author மாய நிலா

Ramani Prabha Devi writes news under the pseudonym of Maaya Nila. An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.