SSC MTS Final Result: எஸ்எஸ்சி எம்டிஎஸ் இறுதித் தேர்வு முடிவுகள் வெளியீடு; பார்ப்பது எப்படி?

மத்திய ஆட்சேர்ப்பு முகமை நடத்திய 2021ஆம் ஆண்டுக்கான பல்திறன் தேர்வு முடிவுகள் தற்போது வெளியாகி உள்ளன. இதை எப்படிப் பார்ப்பது என்று இந்த செய்தியில் காணலாம்.

By : மாய நிலா | Updated at : 30 Mar 2023 12:42 PM (IST)

SSC MTS Final Result 2021 declared at ssc.nic.in, direct link here SSC MTS Final Result: எஸ்எஸ்சி எம்டிஎஸ் இறுதித் தேர்வு முடிவுகள் வெளியீடு; பார்ப்பது எப்படி?

எஸ்எஸ்சி எம்டிஎஸ் தேர்வு

மத்திய ஆட்சேர்ப்பு முகமை நடத்திய 2021ஆம் ஆண்டுக்கான பல்திறன் தேர்வு முடிவுகள் தற்போது வெளியாகி உள்ளன. இதை எப்படிப் பார்ப்பது என்று இந்த செய்தியில் காணலாம்.

மத்திய ஆட்சேர்ப்பு முகமை சார்பில், மத்திய அரசின் அமைச்சகங்கள், துறைகள் மற்றும் அலுவலகங்களில் தொழில்நுட்பம் சாராத பணியிடங்களுக்கு ஆட்கள் தேர்வு மூலம் தேர்ந்தெடுக்கப்படுகின்றனர். தேசிய அளவிலான தேர்வு மூலம் இந்தப் பணியிடங்கள் நிரப்பப்படுகின்றன.

2022 தேர்வு

மத்திய அரசில் காலியாக உள்ள 11, 409 பணியிடங்களை ( எம்.டி.எஸ் பணியிடங்கள் ) நிரப்புவதற்கான அறிவிப்பை பணியாளர் தேர்வாணையம் வெளியிட்டிருந்தது.

பல் துறை சார் பணியாளர்கள்- 10,880 பணியிடங்கள் (தோராயமாக)
ஹவில்தார் - 529 பணியிடங்கள்

கடந்த ஆண்டு இரண்டு கட்டங்களாக நடைபெற்ற தேர்வில், விரித்து எழுதும் வகையிலான தேர்வை எழுத தமிழ் உள்ளிட்ட அட்டவணை மொழிகளுக்கு அனுமதி வழங்கப்பட்டு இருந்தது. எனினும் முதல்கட்டமாக கணினி வழியில் நடைபெறும் தேர்வு ஆங்கிலம் மற்றும் இந்தியில் மட்டுமே நடைபெற்றது.

இந்த நிலையில் 2022ஆம் ஆண்டுக்கான எஸ்எஸ்சி எம்டிஎஸ் தேர்வை தமிழ் உள்ளிட்ட 13 மொழிகளில் எழுத, மத்திய அரசுப் பணியாளர் தேர்வாணையம் அனுமதி அளித்துள்ளது. இவை தவிர்த்து ஆங்கிலம் மற்றும் இந்தியிலும் தேர்வு நடைபெற உள்ளது. இந்தத் தேர்வின் மூலம் 11 ஆயிரத்து 409 காலி இடங்கள் நிரப்பப்பட உள்ளன.

தேர்வு முறை

இரண்டு கட்டமாக நடைபெற உள்ள தேர்வில் முதல்கட்டத் தேர்வில் எண் மற்றும் கணித திறன், பகுத்தறியும் திறன் மற்றும் சிக்கல் தீர்ப்பது குறித்து கேள்விகள் கேட்கப்படும். இரண்டாம் கட்டத் தேர்வில் பொது அறிவு, ஆங்கில மொழி மற்றும் புரிதல் கேள்விகள் கேட்கப்படும்.

முதல்கட்டத் தேர்வுக்கு எதிர்மறை மதிப்பெண்கள் எதுவும் கிடையாது. அதே நேரத்தில் 2ஆவது கட்டத் தேர்வுக்கு எதிர்மறை மதிப்பெண்கள் எதுவும் கிடையாது.

ஹவில்தார் பணியிடங்களை நிரப்ப, உடல் தகுதித் தேர்வும் ( Physical Efficiency Test ) நடத்தப்படும்.

இந்த நிலையில், எஸ்எஸ்சி எம்டிஎஸ் (Multi Tasking Staff) தேர்வு மற்றும் ஹவில்தார் பணியிடங்களை நிரப்ப 2021ஆம் ஆண்டு தேர்வு நடத்தப்பட்டது. இதற்கான தேர்வு முடிவுகள் தற்போது வெளியாகி உள்ளன.

7368 தேர்வர்களின் தேர்வு முடிவுகள் இணையத்தில் வெளியாகி உள்ளன. தேர்வர்கள் ssc.nic.in என்ற இணைய முகவரியை க்ளிக் செய்து, தேர்வு முடிவுகளை அறிந்துகொள்ளலாம்.

தேர்வு செய்யப்பட்டவர்களின் விரிவான மதிப்பெண்கள் மற்றும் தேர்வாகாதோரின் விவரங்கள் ஏப்ரல் 6அம் தேதி இணையதளத்தில் வெளியிடப்படும் என்று தெரிவிக்கப்பட்டுள்ளது. இந்த விவரம் ஏப்ரல் 20ஆம் தேதி இணையதளத்தில் இருக்கும்.

தேர்வர்கள் பதிவுசெய்யப்பட்ட ஐடி மற்றும் கடவுச் சொல்லைக் கொண்டு தேர்வு முடிவுகளை அறிந்துகொள்ளலாம்.

கூடுதல் விவரங்களுக்கு: https://ssc.nic.in/SSCFileServer/PortalManagement/UploadedFiles/Write_up_Final_Result_of_MTS_2021_24032023_4.pdf என்ற இணைய முகவரியை க்ளிக் செய்து காணலாம்.

இதையும் வாசிக்கலாம்: 12ஆம் வகுப்பு, 10ஆம் வகுப்பு பாடங்களின் மாதிரி வினாத் தாளைக் காண: https://tamil.abplive.com/topic/question-bank என்ற இணைப்பை க்ளிக் செய்யவும்.

About the author மாய நிலா

Ramani Prabha Devi writes news under the pseudonym of Maaya Nila. An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.