Crime: முதல் கணவரைப் பார்க்க ஆசைப்பட்ட மனைவி.. கிச்சன் கத்தியால் குத்திக்கொன்ற இரண்டாவது கணவன்!
சென்னை, புழல் நகரில் முதல் கணவனை பார்க்க வேண்டும் என்று கூறிய மனைவியை இரண்டாவது கணவர் கத்தியால் குத்தி கொலை செய்த சம்பவம் அதிர்ச்சியை ஏற்படுத்தியுள்ளது.
சென்னை, புழல் நகரில் அமைந்துள்ளது எம்.ஜி.ஆர். நகர். இந்த பகுதியைச் சேர்ந்தவர் இளங்கோவன். இவர் எலெக்ட்ரிஷியனாக பணிபுரிந்து வருகிறார். இவரது மனைவி கலா. இவருக்கு வயது 25. இளங்கோவன்- கலா தம்பதியினருக்கு கடந்த சில ஆண்டுகளுக்கு முன்பு திருமணம் ஆகியது. இந்த தம்பதியினருக்கு இரு மகன்கள் உள்ளனர். கருத்து வேறுபாடு காரணமாக இருவரும் தனித்தனியாக வசித்து வருகின்றனர்.
சென்னை பாரிமுனையை பகுதியைச் சேர்ந்த 30 வயதான வெண்ணிலா கணவரை விட்டு பிரிந்து தனது குழந்தைகளுடன் தனியாக வசித்து வந்துள்ளார். இந்த நிலையில், கடந்த 5 ஆண்டுகளுக்கு முன்பு பாரிமுனைக்கு பணிக்காக சென்று வந்த இளங்கோவனுக்கும், வெண்ணிலாவிற்கும் இடையே பழக்கம் ஏற்பட்டுள்ளது. இந்த பழக்கம் நாளடைவில் காதலாக மாறியுள்ளது.
இந்த நிலையில், மனைவியை விட்டு வாழும் இளங்கோவன், கணவனை விட்டு தனியாக வாழும் வெண்ணிலாவும் கடந்த சில ஆண்டுகளுக்கு முன்பு திருமணம் செய்துகொண்டனர். இந்த நிலையில், வெண்ணிலாவும் இளங்கோவன் எம்.ஜி.ஆர். புழல் நகரில் வீடு எடுத்து வசித்து வருகின்றனர். இந்த சூழலில், வெண்ணிலா தன்னுடைய முதல் கணவன் மற்றும் தன்னுடைய குழந்தைகளை பார்க்க வேண்டும் என்று ஆசையாக உள்ளது. அதனால், சென்று பார்த்து வருகிறேன் என்று கூறியுள்ளார். ஆனால், இதற்கு இளங்கோவன் மறுப்பு தெரிவித்துள்ளார்.
இதனால், இளங்கோவனுக்கும், வெண்ணிலாவிற்கும் இடையே கடும் வாக்குவாதம் ஏற்பட்டுள்ளது. இளங்கோவனின் தாத்தா தமிழ்தாசன் இருவரையும் சமரசம் செய்தார். பின்னர், இருவருக்கும் இடையே மீண்டும் வாக்குவாதம் ஏற்பட்டது. இதனால், ஆத்திரமடைந்த இளங்கோவன் சமையல் அறையில் இருந்த கத்தியை எடுத்து வெண்ணிலாவை சரமாரியாக குத்தினார். இதனால், ரத்த வெள்ளத்தில் சரிந்த வெண்ணிலா சம்பவ இடத்திலே பரிதாபமாக உயிரிழந்தார்.
பின்னர், ரத்தக்கறை படிந்த ஆடையுடன் இளங்கோவன் அருகில் இருந்த காவல்நிலையத்தில் சரணடைந்தார். இதையடுத்து, சம்பவ இடத்திற்கு விரைந்து வந்த காவல்துறையினர் சடலத்தை கைப்பற்றி பிரேத பரிசோதனைக்கு அனுப்பினர். மனைவியை இரண்டாவது கணவனே கத்தியால் குத்தி கொலை செய்த சம்பவம் அப்பகுதியில் பெரும் பரபரப்பை ஏற்படுத்தியது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
