JOB - Astrology: வேலை வேண்டுமா? - நவகிரகங்களில் இவரை பிடித்தால் போதும் !!!
JOB - Astrology: வேலை எளிதாக கிடைக்க பெற என்ன செய்ய வேண்டும் என ஜோதிடரான ஜோதிட ரத்ன ஷியாம் கூறியவற்றை பார்ப்போம்.
அன்பார்ந்த abp நாடு வாசகர்களே உங்களுக்கு வேலை வேண்டுமென்றால் சனி பகவானின் காலில் சரணாகதி அடைந்தாலே போதும்!
அதற்கு முன்பாக ஜாதகத்தில் உங்களின் வேலையை குறைக்கக்கூடிய 10 ஆம் அதிபதியை பற்றி பார்த்துவிட்டு வருவோம்…
வேலை ஒவ்வொரு மனிதனுக்கும் இன்றி அமையாது. அந்த காலம் தொடங்கி இந்த காலம் வரை வேலை செய்தால் நாம் சம்பாதிக்கலாம். ஒவ்வொரு ஜாதகத்திற்கும் அவர்களின் லக்கினத்திற்கு பத்தாம் பாவத்தில் எந்த கிரகம் அமர்ந்திருக்கிறதோ, அந்த கிரகமே அவரின் தொழிலை முடிவு செய்யும். அல்லது ஒருவரின் ஜாதகத்தில் லக்னத்திற்கு பத்தாம் அதிபதி எங்கு அமர்ந்திருக்கிறார் அவரே ஜாதகரின் தொழிலை முடிவு செய்வார்.
10-ம் மட்டுமே தொழில் ஸ்தானம் :
ஒருவரின் ஜாதகத்தில் லக்னத்திற்கு பத்தாம் இடம் மட்டுமே அவரின் தொழிலை முடிவு செய்ய முடியும். மற்றபடி வேறு எந்த பாவத்தாலும் அவரின் தொழிலை முடிவு செய்து விட முடியாது. வீட்டிலிருந்து ஒருவர் வேலைக்கு கிளம்ப வேண்டும் என்றால் அந்த இடம் 10. அந்தப் பத்தாம் பாவகம் தான் அவர் என்ன செய்யப் போகிறார் என்பதை சுட்டிக்காட்டும். பணம் சம்பாதிப்பது பணம் வரும் வழி போன்றவை மற்ற பாவங்கள் தான் குறிக்கும். நீங்கள் வேலையே செய்யாமல் பணம் வரும் என்று நினைத்தால் கூட அதற்கு இரண்டு மற்றும் பதினோராம் பாவங்கள் வேலை செய்ய வேண்டும். ஆனால் ஏதேனும் ஒரு தொழில் பார்க்க வேண்டும் என்றால் அதற்கு 10 ஆம் பாவகம் மட்டுமே உரிமையாளர்.
வேலை அமைய யாரை வணங்க வேண்டும் ?
உங்களுடைய பிறப்பு ஜாதகத்தில் பத்தாம் அதிபதி யாரோ அவர்தான் உங்களுக்கு வேலையை கொடுக்கப் போகிறவர். உதாரணத்திற்கு நீங்கள் சிம்ம லக்கனம் என்று வைத்துக் கொண்டால் பத்தாம் அதிபதி சுக்கிரன் வருவார் அப்படி என்றால் சுக்கிரனின் அதி தேவதையான மகாலட்சுமியையோ அல்லது சக்தி வழிபாட்டையோ, மேற்கொள்ள வேண்டும். மற்றொரு உதாரணமாக நீங்கள் விருச்சக லக்கனம் என்று வைத்துக் கொண்டால் பத்தாம் அதிபதி சூரியன் அவரின் அதிதேவதை சிவபெருமான். இப்படியாக உங்கள் பிறப்பு ஜாதகத்தில் லக்னம் என்று போடப்பட்டிருக்கும் இடத்திலிருந்து பத்தாம் வீட்டு அதிபதி யாரோ அவரின் அதி தேவதையை நீங்கள் வணங்கினால் மட்டுமே போதும் நீங்கள் எதிர்பார்க்கும் வேலை உங்களுக்கு சுலபமாக கிடைத்துவிடும்.
ஜாதகத்தில் பத்தாம் அதிபதி பற்றி தெரியவில்லையா ? - கவலை வேண்டாம்!!!
அன்பார்ந்த வாசகர்களே படிக்கின்ற பலருக்கு உங்களின் ஜாதகங்கள் பற்றி தெரியாமல் இருக்கலாம் சிறு வயதில் உங்கள் ஜாதக குறிப்பை எழுதி வைத்துவிட்டு பின்னர் சமயம் வரும்போது மட்டும் அதைப்பற்றி ஜோதிடரிடம் கொடுத்து தகவல்களை பெற்றுக் கொண்டிருக்கலாம். இந்த மாதிரியான சமயத்தில் பத்தாம் அதிபதி எனக்கு தெரியவில்லை யாரை கும்பிடுவது என்று குழப்பத்தில் கூட இருக்கலாம் கவலை வேண்டாம். நவகிரகங்களில் இருக்கும் சனி பகவானை வணங்கி வாருங்கள் உங்களுக்கான வேலை உங்களைத் தேடி தானாக வரும். ஒரு கட்டத்தில் வேலை தேடி அலுத்து போனவர்கள் அனைவரும் சரணாகதி அடைவது சனி பகவானின் காலில் தான்.
ஆம் சனி பகவான் எந்தெந்த விஷயங்களுக்கு காரகனாக சாஸ்திர நூல்கள் கூறுகின்றன.
- வேலை
- ஆயுள்
- உழைப்பாளி
- நமக்கு கிடைக்கின்ற வேலை ஆட்கள்
- சித்தப்பா
இப்படி சொல்லிக் கொண்டே போகலாம் இது அத்தனையும் நீங்கள் ஒன்று சேர்த்து பார்த்தால் கூட வேலை சம்பந்தமான காரியங்கள் மட்டுமே அதிகப்படியாக இருக்கும். ஒருவரின் ஜாதகத்தில் சனிபகவான் ஆட்சியோ உச்சமும் பெற்று விட்டால் அல்லது மிகப்பெரிய பலம் பொருந்தி அவர் அமர்ந்து விட்டால் சொல்லவே தேவையில்லை வாழ்க்கையில் மிகப்பெரிய உச்சத்திற்கு சென்று விடுவார்கள்.
- Facebook நிறுவனர் மார்க் ஜாதகத்தில் சனி உச்சம்.
- Apple நிறுவனர் ஸ்டீவ் ஜாப்ஸ் இன் ஜாதகத்தில் சனி உச்சம்
- Jackie Chan ஜாதகத்தில் சனி உச்சம்
- கலைஞர் கருணாநிதி ஜாதகத்தில் சனி உச்சம்
- முதலமைச்சர் மு க ஸ்டாலின் ஜாதகத்தில் சனி உச்சம்
- முன்னாள் முதலமைச்சர் எடப்பாடி யார் ஜாதகத்தில் சனி உச்சம்
எவராலும் தொட முடியாத இரண்டு மிகப்பெரிய கம்பெனிகளை உருவாக்கிய இருவரின் ஜாதகத்திலும் ஒரே மாதிரியான அமைப்பு இருவரும் கூறும் ஒரே வார்த்தை கடினமான உழைப்பு என்பதுதான். இப்படியான உழைப்புக்கு பேர் போன சனி பகவானை நீங்கள் சனிக்கிழமை மட்டும் வணங்க வேண்டியது இல்லை எந்த நாளிலும் எந்த நேரத்திலும் அவரை வணங்கலாம். சனிபகவானின் சிறப்பு அம்சமே தன்னை நாடி வருவோரை கைவிடாமல் காத்து நல்ல வேலையை கொடுத்து கவுரவமாக வாழ வைப்பது தான். சனிபகவானை வணங்குங்கள் உடனடியாக நல்ல வேலையை பெறுங்கள் வாழ்த்துக்கள்.
குறிப்பு: இதில் குறிப்பிடப்பட்டுள்ள தகவலானது , ஜோதிடரின் தனிப்பட்ட கருத்தாகும். ஏபிபி நாடுவின் கருத்தல்ல என்பதை தெரிவித்துக் கொள்கிறோம்.
தலைப்பு செய்திகள்
ட்ரெண்டிங் செய்திகள்
