ஆருத்ரா தரிசனம்: மயிலாடுதுறையில் பெண்கள் மட்டும் தூக்கி சுமந்த நடராஜர் பல்லக்கு

ஆருத்ரா தரிசனத்தை முன்னிட்டு கடலங்குடி சிவாலயத்தில் நடராஜர்  சுவாமியை பெண்கள் மட்டும்  பல்லக்கில்  சுமக்கும் விழா நடைபெற்றது. 

பெண்கள் மட்டும் சுமந்து செல்லும் பல்லாக்கு

திருவாதிரையை முன்னிட்டு இன்று உலகம் முழுவதும் உள்ள சிவாலயங்களில் ஆருத்ரா தரிசனம் வெகு விமர்சையாக நடைபெற்று வருகிறது. அதன் ஒன்றாக மயிலாடுதுறை மாவட்டம் குத்தாலம் அருகே உள்ள கடலங்குடி கிராமத்தில் மிகவும் பிரசித்தி பெற்ற அருள்மிகு ஸ்ரீ கச்ச பரமேஸ்வர ஆலயம் அமைந்துள்ளது.  

இக்கோயிலில் கடந்த 17-ஆம் தேதி திருவாதிரை திருவிழா தொடங்கியது. அதனை தொடர்ந்து கோவிலில் தினமும் சிறப்பு அபிஷேகம், சதுர்வேத பாராயணம், திருவெம்பாவை பாராயணம், நீராஞ்சன தீபாராதனை ஆகியவை நடைபெற்று வந்தது.   திருவாதிரை திருநாளை முன்னிட்டு இன்று காலை ஆருத்ரா தரிசனம் விமரிசையாக தொடங்கி நடைபெற்றது. 

மயிலாடுதுறையில் மதுப்பிரியர்களுக்கு இடையே மோதல் - மண்டை உண்டைந்து மருத்துவமனையில் அனுமதி

ஆருத்ரா தரிசனத்தை முன்னிட்டு இன்று காலை  சன்னதி திறக்கப்பட்டு அருள்மிகு ஸ்ரீ கச்ச பரமேஸ்வருக்கு பால், பஞ்சாமிர்தம், சந்தனம், பன்னீர், சர்க்கரை, தேன், திரவியம், இளநீர், பழவகைகள் உள்ளிட்ட ஆபிஷேச பொருட்கள் கொண்டு சோடஷ அபிஷேகம் நடைபெற்றது. பின்னர் திராட்சை மாலை, நகைகள், உத்திராட்சமாலை, வண்ணமலர் மாலைகள், சிறப்பு அலங்காரம் செய்யப்பட்டது. தொடர்ந்து வேத விற்பன்னர்கள் மந்திரங்கள் முழங்க மேளதாளம் இசைக்க மகாதீபாராதனையும், ஆருத்ரா தரிசனமும் நடைபெற்றது.

இந்நிலையில்  பெண்கள் உதவியால்  இந்த திருக்கோவிலில் கும்பாபிஷேகம் நடைபெற்றதால் இந்தக் கோயிலில் பெண்களுக்கென தனி முக்கியத்துவம் கொடுக்கப்பட்டுள்ளது. இதனை தொடர்ந்து நடராஜர் சிலைக்கு மாலைகள் அணிவித்து தீபாராதனை காட்டி வழிபாட்டிற்கு வந்த பெண்கள் நடராஜ பெருமானை பல்லக்கை தூக்கி கொண்டு கோவிலில் பிரகாரங்களில் ஊர்வலமாக வளம் வந்தனர். மேலும் சுற்றுவட்டார பகுதிகளில் இருந்து ஏராளமான பெண்கள் இந்நிகழ்வில் பங்கு கொண்டு சாமி தரிசனம் செய்தனர். பெண்கள் மட்டுமே சுவாமி சிலையை பல்லக்கில் வைத்து ஊர்வலமாக எடுத்து வருவது அனைவரின் கவனத்தையும் ஈர்த்துள்ளது.