Thiruvarur News : தந்தை தூய்மை பணியாளர் மகள் நகராட்சி ஆணையாளர் ஒரு பெண்ணின் தன்னம்பிக்கை!

திருவாரூரை சேர்ந்த தூய்மை பணியாளரின் மகள் திருத்துறைப்பூண்டி நகராட்சி ஆணையராக பதவியேற்றுள்ள சம்பவம் நெகிழ்ச்சியை ஏற்படுத்தியுள்ளது. இந்நிலையில் நகராட்சி ஆணையர் துர்காமாவட்ட ஆட்சியரை சந்தித்து வாழ்த்து பெற்றுள்ளார்.

திருவாரூர் மாவட்டம் மன்னார்குடி சத்தியமூர்த்தி மேட்டு தெரு பகுதியைச் சேர்ந்தவர்கள் சேகர்-செல்வி தம்பதியர்.சேகர் மன்னார்குடி நகராட்சி அலுவலகத்தில் தூய்மை பணியாளராக பணிபுரிந்து வந்துள்ளார்.செல்வி வீட்டு வேலைக்கு செய்து வந்தார்.இவர்களின் ஒரே மகளான மதுர்காவை அரசு உதவி பெறும் பள்ளியில் பண்ணிரெண்டாம் வகுப்பு வரை படித்துள்ளார். பின்னர் மன்னார்குடி ராஜ கோபாலசாமி அரசினர் கலைக் கல்லூரியில் இளங்கலை இயற்பியல் பட்டம் பெற்றுள்ளார்.

இந்த நிலையில் குடும்ப சூழ்நிலை காரணமாக கடந்த 2015-ல் துர்காவை மதுராந்தகம் பகுதியைச் சேர்ந்த நிர்மல் குமார் என்பவருக்கு திருமணம் செய்து வைத்துள்ளனர். நிர்மல் குமார் அங்குள்ள வட்டாட்சியர் அலுவலகத்தில் தற்காலிக ஊழியராக பணிபுரிந்து வருகிறார்.இந்த நிலையில் கணவன் நிர்மல் குமார் துர்காவின்  அரசு வேலைக் கனைவ அறிந்து ஊக்கமளித்த நிலையில் துர்கா கடந்த 2016 ல் குரூப் 2 தேர்வு எழுதியுள்ளார். முதல் அட்டெம்ப்டில் தோல்வி அடைந்த துர்கா .தொடர்ந்து மனம் தளராமல் 2020ல் குரூப் ஒன் தேர்வு எழுதி முதல்நிலை தேர்வில் வெற்றி பெற்றுள்ளார்.தொடர்ந்து நடைபெற்ற முதன்மை தேர்வில் அவர் தோல்வியடைந்துள்ளார்.இருப்பினும் அடுத்தடுத்த இரண்டு குரூப் 4 தேர்வுகளையும் அவர் எழுதி கட் ஆப் இல்லாத காரணத்தினால் தேர்ச்சி பெற முடியாமல் இருந்துள்ளார்.இந்த நிலையில் தனது விடா முயற்சியின் காரணமாக மீண்டும் கடந்த 2022ல் குரூப் 2 தேர்வு எழுதி முதல்நிலை மற்றும் முதன்மை தேர்வுகளில் வெற்றி பெற்றுள்ளார்.

தொடர்ந்து 2024 ல் நடைபெற்ற நேர்முகத் தேர்வில் 30 க்கு 30 மதிப்பெண்கள் எடுத்து வெற்றி பெற்று எஸ் பி சி ஐ டி ஆக பொறுப்பேற்கும் வாய்ப்பை பெற்றுள்ளார்.இருப்பினும் தனது தந்தை தூய்மை பணியாளராக பணியாற்றிய போது பெற்ற அவமானங்கள் கஷ்டங்கள் ஆகியவற்றை சிறுவயதிலிருந்து பார்த்து வளர்ந்த  துர்கா நகராட்சி ஆணையராக வேண்டும் என்று விரும்பி நகராட்சி ஆணையர் பொறுப்பை தேர்ந்தெடுத்துள்ளார். 

இது குறித்து ஊடகங்களில் செய்தி வெளியானத. அப்போது துர்கா தனது அப்பாவின் அடையாளத்தை மாற்றுவதற்காக தான் கடுமையாக உழைத்து தனது கல்வியின் மூலம் நகராட்சி ஆணையராக உயர்ந்துள்ளதாக தெரிவித்தார்.இந்த நிலையில் திருத்துறைப்பூண்டி நகராட்சி ஆணையராக அவருக்கு பணி நியமன ஆணையை சமீபத்தில் தமிழக முதல்வர் வழங்கிய நிலையில் இன்று அவர் திருத்துறைப்பூண்டி நகராட்சி ஆணையராக பொறுப்பேற்றுக் கொண்டார்.இதனையடுத்து அவர் திருவாரூர் மாவட்ட ஆட்சியர் சாருஸ்ரீயை அவரது அலுவலகத்தில் சந்தித்து அவருக்கு புத்தகம் வழங்கி வாழ்த்து பெற்றார்.