க்ரூப் அட்மின்களுக்கு செம்ம வசதி.. இனிமே வாலாட்ட முடியாது.. அதிரடி காட்டிய Whatsapp..

முன்னதாக சென்னை மற்றும் மும்பை உயர்நீதிமன்றங்கள் வாட்ஸப் குழுவில் பகிரப்படும் உள்ளடக்கத்திற்கு அட்மின் பொறுப்பாக மாட்டார்கள் என்றும் அறிவுறுத்தியிருந்தது.

வாட்ஸ்அப்

உலகம் முழுக்க பரவலாக பயன்படுத்தப்படும் செயலி வாட்ஸப் . பிரபல மேட்டா (ஃபேஸ்புக் ) நிறுவனத்தின் கீழ் இயங்கும் வாட்ஸப்தான் அதிக பயனாளர்களை கொண்ட குறுஞ்செய்தி அனுப்பும் தொழில்நுட்பமாக பார்க்கப்படுகிறது.  text மெசேஜ் மட்டுமே அனுப்பும் வகையில் அறிமுகமான வாட்ஸப் இன்று பல மாற்றங்களையும் வசதிகளையும் கொண்டுள்ளது. வாட்சப் நிறுவனமும் தங்களது பயனாளர்களுக்கென புதிய புதிய வசதிகளை ஆண்டுதோறும் அறிமுகப்படுத்திக்கொண்டிருக்கிறது. அந்த வகையில் WhatsApp  குரூப் அட்மின்   அனைவருக்கும் செய்திகளை நீக்க அனுமதிக்கும்(delete messages for everyone) அம்சத்தை விரைவில் பெறுவதற்கான சோதனை முயற்சியில் இருப்பதாக பிரபல வாட்ஸப் பீட்டா செய்தி ஒன்றை வெளியிட்டுள்ளது.

If you are a group admin, you will be able to delete any message for everyone in your groups, in a future update of WhatsApp beta for Android.

A good moderation, finally. #WhatsApp pic.twitter.com/Gxw1AANg7M

— WABetaInfo (@WABetaInfo) January 26, 2022

இதன் மூலம் வாட்ஸப் குரூப்பில் இருக்கும் நபர்கள் யாரேனும் தேவையற்ற தகவலை குழுவில் பகிர்ந்தால் அதனை அந்த குழுவின் அட்மின் நீக்கலாம். அப்படி நீக்கப்பட்ட  செய்தி "This was deleted by an admin." என மற்றவர்களுக்கு தோன்றும். முன்னதாக தனிநபர்கள் அனுப்பு செய்தியை அனுப்பிய நபர் சில குறிப்பிட்ட கால இடைவெளிக்குள் (16 வினாடிகள்)  நிரந்தரமாக நீக்குவதற்கான வசதிகளை வாட்ஸப் அறிமுகப்படுத்தியிருப்பது நினைவுக்குறத்தக்கது. ஆனால்  வாட்சப் குழுவை பொருத்தவரையில் அட்மினால் ஒரு பயனாளரை புதிதாக சேர்க்கவோ, நீக்கவோ முடிந்ததே தவிர , அந்த குழுவில் பகிரும் தகவல்களுக்கு அவரால் பொறுப்பேற்க முடியாது. முன்னதாக சென்னை மற்றும் மும்பை உயர்நீதிமன்றங்கள் வாட்ஸப் குழுவில் பகிரப்படும் உள்ளடக்கத்திற்கு அட்மின் பொறுப்பாக மாட்டார்கள் என்றும் அறிவுறுத்தியிருந்தது.  இந்த நிலையில் வாட்ஸ்அப் அட்மினுக்கு அதிகாரங்களை வழங்கும் பொருட்டு இந்த வசதி அறிமுகமாகவுள்ளது. தனிநபர் அனுப்பும் செய்தியை எப்படி குறிப்பிட்ட கால இடைவெளி கடந்தால் நீக்க முடியாதோ , அதே போலத்தான் பழைய செய்தி அல்லது கொடுக்கப்பட்ட  ( 16 வினாடிகள் ) நேரம் கடந்த தேவையற்ற தகவல்களை குழு அட்மினாலும் நீக்க முடியாது.

இது குறித்த அதிகாரப்பூர்வ அறிவிப்பு இன்னும் வெளியாகவில்லை என்றாலும் WABetaInfo தகவலில் நம்பகத்தன்மை இருப்பதாக கருதப்படுகிறது. தற்போது சோதனை முயற்ச்சியில் இருக்கும் இந்த புதிய வசதி விரைவில் ஆண்ட்ராய்ட் மற்றும் ஐஓஎஸ் பயனாளர்களுக்கு அறிமுகமாகும் என எதிர்பார்க்கப்படுகிறது.