Amazon Summer Sale : இயர்ஃபோன்கள் முதல் பவர் பேங்க் வரை... 599 ரூபாய்க்குக் குறைவாக கிடைக்கும் Accessories..

அமேசான் சம்மர் சேல் தள்ளுபடியின் மூலம் பல்வேறு சிறப்பம்சங்கள் கொண்ட பல கேட்ஜெட்கள் 599 ரூபாய்க்குக் குறைவாக தற்போது கிடைக்கின்றன. அவற்றில் சிலவற்றை இங்கே பார்க்கலாம்.. 

அமேசான்

பெரிதும் எதிர்பார்க்கப்பட்ட 2022ஆம் ஆண்டுக்கான அமேசான் சம்மர் சேல் தற்போது நடைபெற்று வருகிறது. பல்வேறு கேட்ஜெட்களின் மீது பல விதமான தள்ளுபடிகளும், சலுகைகளும் தற்போது அறிவிக்கபப்ட்டுள்ளன. மேலும், ஸ்மார்ட்ஃபோன்கள், லேப்டாப்கள், பிற கேட்ஜெட்கள் தவிர, அவற்றிற்குப் பயன்படுத்தப்படும் ஆக்சஸரீஸ் மீதும் தள்ளுபடி வழங்கப்பட்டுள்ளது. 

பல்வேறு சிறப்பம்சங்கள் கொண்ட பல கேட்ஜெட்கள் 599 ரூபாய்க்குக் குறைவாக தற்போது கிடைக்கின்றன. அவற்றில் சிலவற்றை இங்கே பார்க்கலாம்.. 

Sony MDR-ZX110A மைக் இல்லாத வயர்ட் ஹெட்ஃபோன்:

Sony MDR-ZX110A வயர் சேர்க்கப்பட்ட இந்த ஹெட்ஃபோனில் மைக் இல்லை. எனினும், இதனை மடித்துக் கொள்ளும் விதமாகத் தயாரித்துள்ளதோடு, இதில் உள்ள 30mm டைனாமிக் ட்ரைவர்கள் தெளிவான ஒலியமைப்பை வழங்குகின்றன.  57 சதவிகித தள்ளுபடிக்குப் பிறகு, இந்த மாடல் ஹெட்ஃபோன்கள் 549 ரூபாய்க்கு விற்பனை செய்யப்படுகின்றன. 

Realme Buds 2 வயர்ட் இயர்ஃபோன்கள்:

Realme Buds 2 என்ற வயர் பொருத்தப்பட்ட இயர்ஃபோன்கள் 11.2 mm பேஸ் பூஸ்ட் ட்ரைவர்களைக் கொண்டுள்ளன. மேலும், இவை இன் லைன் ரிமோட் ஒன்றையும் வழங்குகின்றன. இந்த மாடல் இயர்ஃபோன் சுமார் 38 சதவிகித தள்ளுபடிக்குப் பிறகு, 499 ரூபாய்க்கு விற்கப்படுகிறது. 

Ptron 10000 mAh பவர் பேங்க்: 

சுமார் 10 ஆயிரம் mAh ஆற்றல் கொண்ட இந்த பேட்டரியில் இரண்டு USB போர்ட்களும், USB டைப்-சி சார்ஜிங் போர்டும் இடம்பெற்றுள்ளது. இது 78 சதவிகித தள்ளுபடி செய்யப்பட்டு, தற்போது 549 ரூபாய்க்கு விற்பனை செய்யப்படுகிறது. 

JBL C50HI மைக் பொருத்தப்பட்ட வயர்ட் இயர்ஃபோன்கள்:

துல்லியமான பேஸ் இசையை வெளிப்படுத்துவதோடு, இரைச்சலைத் தவிர்க்கும் விதமாக வடிவமைக்கப்பட்டுள்ள இந்த இயர்ஃபோன், 52 சதவிகித தள்ளுபடிக்குப் பிறகு, 479 ரூபாய்க்கு விற்கப்படுகிறது. 

Ambrane Braided Type C to Type C கேபிள்:

அனைத்து Type C டிவைஸ்களுடன் பயன்படுத்தப்படும் இந்த கேபிள் பலமான மூலப்பொருள்களால் செய்யப்பட்டது. இது 68 சதவிகித தள்ளுபடிக்குப் பிறகு, 129 ரூபாய்க்கு விற்பனை செய்யப்படுகிறது. 

Samsung EVO Plus 32GB microSDHC: 

Samsung EVO Plus microSDHC 32GB மெமரி கார்டான இது சுமார் 100Mbps வரையிலான பரிமாற்ற வேகத்தை வழங்குகிறது. மேலும் இந்த மெமரி கார்ட் வாட்டர்ப்ரூஃப் எனவும், வானிலை மாற்றங்கள், எக்ஸ் ரே, காந்த சக்தி முதலானவற்றால் அழிக்க முடியாதது எனவும் கூறப்பட்டுள்ளது. சுமார் 54 சதவிகித தள்ளுபடிக்குப் பிறகு, இந்த மெமரி கார்ட் 455 ரூபாய்க்கு விற்பனை செய்யப்படுகிறது.