Virat Kohli : 49ஆவது சதத்தை பதிவு செய்து சச்சினின் சாதனையை சமன் செய்த கிங் கோலி!

Virat Kohli : நேற்று நடைபெற்ற இந்தியா - தென் ஆப்ரிக்கா அணிகளுக்கு இடையிலான போட்டியில் சதம் அடித்தார் விராட் கோலி.

விராட் கோலி

ஒருநாள் உலகக் கோப்பை போட்டிகள் இந்தியாவில் நடைபெற்று வருகிறது.

நேற்று நடைபெற்ற லீக் போட்டியில் அட்டவணையில் முதல் இரண்டு இடங்களில் இருக்கும் இந்தியா மற்றும் தென் ஆப்ரிக்கா அணிகள் மோதின.

இந்த போட்டியில் கடைசி வரை களத்தில் நின்ற விராட் கோலி 121 பந்துகளில் 10 பவுண்டரிகள் உட்பட மொத்தம் 101 ரன்கள் குவித்தார்.

நேற்றைய போட்டியில் சதம் அடித்ததன் மூலம் சர்வதேச ஒரு நாள் போட்டியில் அதிக சதம் அடித்த வீரர் சச்சின் என்ற சாதனையை சமன் செய்தார் விராட் கோலி.

இந்த நிலையில் தன்னுடைய சாதனை சமன் செய்யப்பட்டதற்கு சச்சின் வாழ்த்து தெரிவித்திருக்கிறார். இது தொடர்பாக அவர் இன்று வெளியிட்டுள்ள பதிவில், ’விராட் கோலி நீங்கள் சிறப்பாக விளையாடி இருக்கிறீர்கள். இந்த ஆண்டு தொடக்கத்தில் எனக்கு 49 இருந்து 50 வயது ஆக 365 நாட்கள் தேவைப்பட்டது. ஆனால் நீங்கள் 49 லிருந்து 50 வந்து என்னுடைய ரெக்கார்டை இன்னும் சில தினங்களிலே முறியடிப்பீர்கள் என நான் நம்பிக்கை கொள்கிறேன். வாழ்த்துக்கள்’ என்று கூறியுள்ளார்.

தனது 35 ஆவது பிறந்தநாள் அன்று 49 ஆவது சதத்தை பதிவு செய்த விராட் கோலிக்கு பலரும் வாழ்த்துகளை தெரிவித்து வருகின்றனர்.