IND Vs WI : மழையினால் ரத்தான ஐந்தாம் நாள் போட்டி..தொடரை கைப்பற்றியது இந்திய அணி!

IND Vs WI : வெஸ்ட் இண்டீஸ் அணிக்கு எதிரான கடைசி டெஸ்ட் போட்டி மழையினால் சமன் ஆனதால், தொடரை இந்திய அணி கைப்பற்றியதாக நடுவர் அறிவித்தார்.

ரோஹித் ஷர்மா

வெஸ்ட் இண்டீஸ் அணிக்கு எதிரான இரண்டாவது டெஸ்ட் ஆட்டத்தில் முதலில் களமிறங்கிய இந்தியா 438 ரன்கள் எடுத்தது.

பின்னர் தனது முதல் இன்னிங்ஸை தொடங்கிய வெஸ்ட் இண்டீஸ் அணி 255 ரன்கள் எடுத்து ஆல் அவுட் ஆனது.

இரண்டாவது இன்னிங்ஸை 183 ரன்கள் முன்னிலையில் இந்திய அணி தொடங்கியது. ஆரம்பம் முதலே அதிரடியாக ஆடிய இந்திய அணி 2 விக்கெட் இழப்பிற்கு 181 ரன்கள் எடுத்து டிக்ளேர் செய்தது. 365 ரன்கள் வெஸ்ட் இண்டீஸ் அணிக்கு இலக்காக நிர்ணயிக்கப்பட்டது.

வெஸ்ட் இண்டீஸ் அணி 4 ஆம் நாள் முடிவில் இரண்டு விக்கெட் இழப்பிற்கு 76 ரன்கள் எடுத்தது.

ஐந்தாவது நாளான நேற்று போட்டி ஆரம்பிக்கும் நேரம் பார்த்து மழை கொட்டி தீர்த்தது. 4 மணி நேரம் விடாமல் பெய்த மழையால் போட்டி தாமதமாக தொடங்கும் என்று எதிர்பார்க்கப்பட்டது.

மீண்டும் மழை தொடர்ந்ததால் ஐந்தாம் நாள் போட்டி நடக்கவில்லை. இதனால் முதல் டெஸ்ட் போட்டியில் வெற்றி பெற்ற இந்திய அணி, வெற்றி பெற்றதாக அறிவித்தார் நடுவர்.