மேலும் அறிய

Egg Curry : சுவையான மண் பானை முட்டை குழம்பு செய்வது எப்படி?

Egg Curry : சுட சுட சாதம் போட்டு, இந்த முட்டை குழம்பை ஊற்றி சாப்பிட்டால், நாவில் சொர்க்கத்தை உணர முடியும்.

By : அனுஷ் ச | Updated at : 03 Jun 2024 06:04 PM (IST)

முட்டை குழம்பு

1/6

தேவையான பொருட்கள் : முந்திரி பருப்பு - 4 , உடைத்த கடலை - 1 தேக்கரண்டி , சோம்பு - 1/2 தேக்கரண்டி, தேங்காய் - 3 தேக்கரண்டி, கச கசா - 1/2 தேக்கரண்டி, தண்ணீர் ,எண்ணெய் - 2 மேசைக்கரண்டி , கடுகு -1/2 தேக்கரண்டி , சீரகம் - 1/2 தேக்கரண்டி , பெரிய வெங்காயம் - 2 , பச்சை மிளகாய் - 1 , இஞ்சி பூண்டு விழுது - 1 மேசைக்கரண்டி , தக்காளி - 2 , மஞ்சள் தூள் - 1/4 தேக்கரண்டி ,மிளகாய் தூள் - 2 தேக்கரண்டி, மல்லி தூள் - 1 தேக்கரண்டி, வேகவைத்த முட்டை - 5 ,உப்பு , கொத்தமல்லி இலை , கறிவேப்பிலை

2/6

செய்முறை : மசாலா விழுது அரைக்க மிக்ஸியில் முந்திரி பருப்பு, உடைத்த கடலை, சோம்பு, துருவிய தேங்காய், கச கசா, தண்ணீர் சேர்த்து நன்கு அரைத்துக் கொள்ளவும்.

3/6

ஒரு மண் சட்டியில் எண்ணெய், கடுகு, சீரகம், சோம்பு, பெரிய வெங்காயம், பச்சை மிளகாய், கறிவேப்பிலை சேர்த்து பொன்னிறமாக மாறும் வரை வதக்கவும்.

4/6

அதன் பிறகு இஞ்சி பூண்டு விழுது, நறுக்கிய தக்காளி, தேவையான அளவு உப்பு, மஞ்சள் தூள், மிளகாய் தூள், மல்லி தூள் சேர்த்து பச்சை மனம் போகும் வரை வதக்கவும்.

5/6

அடுத்தது இந்த வெங்காய தக்காளி கலவையில் அரைத்த மசாலா விழுது, தண்ணீர் சேர்த்து பத்து நிமிடத்திற்கு கொதிக்க விடவும், அதன் பின் வேகவைத்த முட்டையை மெல்லிதாக கீறி குழம்பில் சேர்க்கவும்.

6/6

சிறு தீயில் மூடிய நிலையில் பத்து நிமிடம் குழம்பை கொதிக்க வைக்கவும். கொத்தமல்லி இலையை தூவி அடுப்பிலிருந்து இறக்கினால் சுவையான மண் பானை முட்டை குழம்பு தயார்.

Published at : 03 Jun 2024 06:04 PM (IST)

Tags :

South Indian Recipes