Rose Milk Pudding : குளு குளு ரோஸ் மில்க் புட்டிங் ...இப்படி செய்து அசத்துங்க!

Rose Milk Pudding : குளு குளு ரோஸ் மில்க் புட்டிங் எப்படி செய்வதென்று இந்த பதிவில் பார்க்கலாம்.

ரோஸ் மில்க் புட்டிங்

தேவையான பொருட்கள்: முழு கொழுப்புள்ள பால் - 500 மி.லி, சர்க்கரை - 1/4 கப், ரோஸ் சிரப் - 4 மேசைக்கரண்டி, சோளமாவு - 1/4 கப், பால் - 1/4 கப் காய்ச்சி ஆறவைத்தது, ரோஸ் கலர் - 2 சொட்டுகள், வெண்ணெய்.

செய்முறை : ஒரு பாத்திரத்தில் சோளமாவு, காய்ச்சி ஆறவைத்த பால் சேர்த்து கட்டியாகாமல் கிளறவும்.

அடுத்தது பாலில் ரோஸ் கலர் சேர்த்து நன்கு கலக்கி தனியாக எடுத்து வைத்துக் கொள்ளவும்.

அடுத்தது மற்றொரு பாத்திரத்தில் பாலை ஊற்றி கொதிக்க வைத்து அதில் சர்க்கரை, ரோஸ் சிரப் சேர்த்து கலந்துவிடவும்.

அடுத்தது தயார் செய்த சோளமாவு கலவையை சேர்த்து பால் கெட்டி ஆகும் வரை கலக்கவும்.

கடைசியாக வெண்ணெய் சேர்த்து கலந்து அடுப்பிலிருந்து இறக்கவும். அதன்பிறகு 2 மணிநேரம் குளிரூட்டி ரோஸ் சிரப்பை புட்டிங் மீது ஊற்றி பிஸ்தாவை தூவிவிட்டு பரிமாறினால் சுவையான ரோஸ் மில்க் புட்டிங் தயார்.