Chettinadu Chicken Masala : சிக்கன் பிடிக்குமா? அப்போ செட்டிநாடு சிக்கன் மசாலா ஒருமுறை ட்ரை பண்ணி பாருங்க...

அசத்தல் சுவையில் ஈசியாக செட்டிநாடு சிக்கன் மசாலா எப்படி செய்வதென்று பார்க்கலாம் வாங்க.

செட்டிநாடு சிக்கன் மசாலா

சோம்பு – 1 ஸ்பூன்,மிளகு – அரை ஸ்பூன், கசகசா – 1 ஸ்பூன், சீரகம் - ஒரு ஸ்பூன், பட்டை – 3, கிராம்பு – 6, ஸ்டார் சோம்பு – 2, பிரியாணி இலை – 3 சிறியது, வர மிளகாய் – 10, வர கொத்தமல்லி – 2 ஸ்பூன், ஏலக்காய் – 1, தேங்காய் – 1 டேபிள் ஸ்பூன். (துருவியது) மசாலா பொருட்கள் அனைத்தையும் வெறும் கடாயில் நன்றாக வறுத்து மிக்ஸியில் அரைக்க வேண்டும்.

ஒரு அகலமான பாத்திரத்தில் எண்ணெய் சேர்த்து சூடானவுடன், ஒரு ஸ்பூன் சோம்பு சேர்த்து தாளித்து, பின் வெங்காயம் சேர்த்து நன்றாக வதக்க வேண்டும். வெங்காயம் வதங்கியதும், அதனுடன் தக்காளி சேர்த்து நன்றாக வதக்க வேண்டும்.

இஞ்சி-பூண்டு விழுது சேர்த்து பச்சை வாசம் போகும் வரை நன்றாக வதக்க வேண்டும். பின்னர் மஞ்சள் தூள், மிளகாய் தூள், உப்பு , கரம் மசாலா ஆகியவற்றை சேர்த்து நன்றாக வதக்க வேண்டும்.

இப்போது வெட்டி சுத்தம் செய்த சிக்கனை சேர்த்து மூடி வைக்க வேண்டும். சிக்கனில் இருந்து வரும் தண்ணீரிலேயே சிக்கன் நன்றாக வேகும்.

5 நிமிடத்திற்கு பிறகு அரைத்து வைத்துள்ள மசாலாவை சேர்த்து ஒரு டம்ளர் தண்ணீர் சேர்த்து  மூடிவைத்து கொதிக்க விடவேண்டும். இப்போது கறிவேப்பிலையை சேர்த்து நன்றாக வேகவிடவேண்டும்.

சிக்கன் நன்றாக வெந்து எண்ணெய் பிரிந்து வரும். இப்போது 2 ஸ்பூன் கசூரி மேத்தியை இதில் சேர்க்க வேண்டும். பின் சிக்கனை கிளறி இறக்கினால் சுவையான செட்நாடு சிக்கன் தயார்.