Rathnam : முடிவடைந்தது 'ரத்னம்' படத்தின் ஷூட்டிங்... படக்குழு வெளியிட்ட சூப்பர் அப்டேட்!

Rathnam : ஹரி இயக்கத்தில் நடிகர் விஷால் நடிக்கும் 'ரத்னம்' படத்தின் படப்பிடிப்பு நிறைவடைந்தது விட்டதாக படக்குழு தெரிவித்துள்ளது. 

ரத்னம் படப்பிடிப்பு நிறைவு

மார்க் ஆண்டனி படத்தின் வெற்றிக்கு பிறகு நடிகர் விஷால் நடித்து வரும் திரைப்படம் 'ரத்னம்'.

தாமிரபரணி, பூஜை படங்களுக்கு பிறகு மூன்றாவது முறையாக இயக்குநர் ஹரி - நடிகர் விஷால் இப்படத்தின் மூலம் கூட்டணி சேர்ந்துள்ளனர்.

ஹீரோயினாக பிரியா பவனி ஷங்கர் நடிக்க கௌதம் வாசுதேவ் மேனன், யோகி பாபு, சமுத்திரக்கனி உள்ளிட்டோர் முக்கியக் கதாபாத்திரங்களில் நடித்துள்ளனர்.

ஜீ ஸ்டூடியோஸ் சவுத் மற்றும் ஸ்டோன்பெஞ்ச் ஃபிலிம்ஸ் இணைந்து தயாரித்துள்ள இப்படத்திற்கு தேவி ஸ்ரீ பிரசாத் இசையமைத்துள்ளார்.  

மும்மரமாக நடைபெற்று வந்த ரத்னம் படத்தின் படப்பிடிப்பு நிறைவடைந்து விட்டது என்ற தகவலை படக்குழு வெளியிட்டுள்ளது.

ரத்னம் திரைப்படம் ஏப்ரல் மாதம் வெளியாகலாம் என எதிர்பார்க்கப்படுகிறது.