Dropout Movies : யோகன் முதல் கெட்டவன் வரை.. கைவிடப்பட்ட தமிழ் படங்கள்!

Dropout Movie Tamil : ரஜினிகாந்த், அஜித்குமார், விஜய், சிம்பு போன்ற பெரிய நட்சத்திரங்களின் சில படங்கள் அப்படியே கைவிடப்பட்டது.

ட்ராப் அவுட் செய்யப்பட்ட படங்கள்

ஈரோஸ் இன்டர்நேஷனல் தயாரிப்பில் கே எஸ் ரவிக்குமார் இயக்கத்தில் ரஜினிகாந்த் நடிக்க ஒப்பந்தமான படம் ராணா. பெரிய பொருட் செலவில் உருவாகவிருந்த படம் ஒரு சில காரணங்களால் ட்ராப் அவுட் ஆகிவிட்டது. இந்த படத்திற்கு ஏ ஆர் ரஹ்மான் இசையமைக்க ஒப்பந்தமாகி இருந்தார் என்பதும் குறிப்பிடத்தக்கது.

கெளதம் வாசுதேவ் மேனன் இயக்கத்தில் விஜய் நடிக்க ஒப்பந்தமான படம் யோகன் அத்தியாயம் ஒன்று. இந்த படத்தின் ஃபர்ஸ்ட் லுக் போஸ்டர் வெளியாகி இருந்தாலும், படம் ட்ராப் அவுட் ஆகிவிட்டது.

மன்மதன் படத்திற்கு பிறகு நடிகர் சிலம்பரசன் மீண்டும் இயக்கி, நடிக்கவிருந்த படம் கெட்டவன். இந்த படத்தின் வெறித்தனமான ஃபர்ஸ்ட் லுக் போஸ்டர் ரசிகர்களின் எதிர்பார்ப்பை தூண்டியது. இருப்பினும் படம் ட்ராப் அவுட் ஆகிவிட்டது.

தீனா படத்திற்கு பிறகு, ஏ ஆர் முருகதாஸ் - அஜித் குமார் கூட்டணி மிரட்டல் எனும் படம் மூலம் இணைந்தது. இந்த படத்தின் வித்தியாசமான ஃபர்ஸ்ட் லுக் போஸ்டர் வெளியானது. அதன் பிறகு ஒரு சில காரணங்களால் படம் ட்ராப் அவுட் ஆகிவிட்டது.

நெல்சன் இயக்கத்தில் சிலம்பரசன் நடிக்க இருந்த படம் வேட்டை மன்னன். இந்த படத்தின் படப்பிடிப்பு 50% வரை நிறைவடைந்துள்ளது என பலர் தெரிவிக்கின்றனர். இருப்பினும் நிதி பற்றாக்குறை காரணமாக, படம் ட்ராப் அவுட் ஆகிவிட்டது என கூறப்படுகிறது.

திரிஷாவை வைத்து கெளதம் வாசுதேவ் மேனன் இயக்கிய படம் சென்னையில் ஒரு மழைக்காலம். படத்தின் 75% படப்பிடிப்பு நிறைவடைந்த நிலையிலும் படம் ட்ராப் அவுட் ஆகிவிட்டது.