Animal Movie : அர்ஜுன் ரெட்டி வரிசையில் அனிமல்.. எதிர்பார்ப்பை எகிறவைக்கும் ரன்பீர் கபூரின் லுக்!

Animal Movie : கையில் கோடாளி, வாயில் சிகரெட், நீண்ட முடி, அடர்த்தியான தாடியுடன் காட்சியளிக்கும் ரன்பீர் கபூரின் லுக் முரட்டுத்தனமாக உள்ளது.

ரன்பீர் கபூர் நடிக்கும் அனிமல் படத்தின் போஸ்டர்

2017 ஆம் ஆண்டு வெளியான அர்ஜுன் ரெட்டி படத்தின் மூலம் அனைவரின் கவனத்தை ஈர்த்தவர் சந்தீப் ரெட்டி வங்கா.

தனது முதல் படம் வெளியான உடனே, பிரபலமானார். அர்ஜுன் ரெட்டியில் நடித்த விஜய் தேவரகொண்டாவிற்கு இப்படம் நல்ல மார்கெட்டை உருவாக்கி கொடுத்தது.

இந்த படத்தின் ஹிந்தி வெர்ஷனான, கபீர் சிங்கையும் இவரே இயக்கினார். இதில் ஷாஹித் கபூர், கியாரா அத்வானி நடித்து இருந்தனர்.இந்த இரு படங்களும் நல்ல வசூலை குவித்தாலும், டாக்ஸிக்கான காதல் ஏன் போற்றப்படவேண்டும்..? என்ற விமர்சனத்திற்கு உள்ளானது.

இதை தொடர்ந்து ரன்பீர் கபூரை வைத்து அனிமல் என்ற படத்தை இயக்கியுள்ளார் சந்தீப். இப்படத்தின் டைட்டிலிற்கு ஏற்ப, ரன்பீரின் லுக்கும் முரட்டுத்தனமாக உள்ளது.

கையில் கோடாளி, வாயில் சிகரெட், நீண்ட முடி, அடர்த்தியான தாடியுடன் காட்சியளிக்கிறார் ரன்பீர். அதனால் இப்படம் அர்ஜுன் ரெட்டி போல் இருக்கும் என எதிர்ப்பார்க்கப்படுகிறது.

அனிமல் படத்தின் புது போஸ்ட்ர் ஒன்று தற்போது வெளியாகியுள்ளது. இப்படம் வருகிற டிசம்பர் 1 ஆம் தேதி ரிலீஸாகவுள்ளது என்பது குறிப்பிடத்தக்கது.