Por Thozhil : அடுத்த படமும் த்ரில்லர் படம்தான்..குஷியில் சினிமா ரசிகர்கள்!

மக்களிடையே நல்ல வரவேற்பை பெற்று வரும் போர் தொழிலின் இயக்குநர் விக்னேஷ் ராஜா தனது அடுத்த படத்தை பற்றி கூறியுள்ளார்.

போர் தொழில்

கடந்த வாரம் வெள்ளிக்கிழமை அசோக் செல்வன், சரத்குமார் நடிப்பில் உருவான த்ரில்லர் படமான போர் தொழில் வெளியானது.

புதுமுக இயக்குநர் விக்னேஷ் ராஜா இப்படத்தை இயக்கியுள்ளார்.

இந்த படம் தற்போது மக்களிடையே நல்ல வரவேற்பை பெற்று வருகிறது.

இதனை பற்றி இயக்குநர் விக்னேஷ் ராஜாவிடம் கேட்கும் போது, “போர் தொழில் படம் ஒரு சிறப்பன படமாக இருக்கும் என்று நினைத்தேன். ஆனால் இந்த அளவுக்கு வரவேற்பு கிடைக்கும் என்று எதிர்பார்க்கவில்லை.” என்று கூறினார்

“மீடியாவும் படத்தை கொண்டாடி இருக்கிறார்கள். படத்தை பார்த்து விட்டு பல திரையுலக பிரபலங்களும் என்னிடம் பேசினார்கள்” - விக்னேஷ் ராஜா

மேலும் பேசிய அவர் “இந்த படத்தின் வெற்றி எனக்கு கூடுதல் பொறுப்பை கொடுத்திருக்கிறது. அடுத்ததாக மீண்டும் நான் த்ரில்லர் படத்தை இயக்க உள்ளேன்” என்று கூறினார்.