Pichaikkaran 2 : ‘பணம் உலகை காலி பண்ணிடும்..’ 5 மணிக்கு தவறாமல் அப்டேட் விட்ட பிச்சைக்காரன் குழு!

பிச்சைக்காரன் 2 படத்தின் க்ளிம்ப்ஸ் காட்சிகள் நாளை (10 பிப்ரவரி) மாலை 5 மணிக்கு வெளியாகவுள்ளதாக படக்குழு அறிவித்துள்ளது.

பிச்சைக்காரன் 2

வாயில் நுழையாத வார்த்தைகளுக்கு இசையமைத்து, பல இளசுகளின் மனதில் இடம்பிடித்தவர் விஜய் ஆண்டனி.

இசையுடன் நிறுத்திக்கொள்ளாமல், தன் நடிப்பு திறமையையும் வெளிப்படுத்தியவர் இவர்.

புதுவிதமான கதை அம்சத்தை தேர்வு செய்து நடித்து வந்த விஜய் ஆண்டனி, பிச்சைக்காரன் படத்தில் அசத்தினார்.

2016 ஆம் ஆண்டில் வெளியான இப்படம் நல்ல வரவேற்பை பெற்றது. உண்மை சம்பவத்தை தழுவி எடுத்த இப்படம், பலரின் மனதில் நம்பிக்கை எண்ணத்தை விதைத்தது.

இதனையடுத்து பிச்சைக்காரன் 2 படம் இந்தாண்டின் கோடை காலத்தில் வெளியாகவுள்ளது.

இப்படத்தின் ஷூட்டிங்கின் போது விபத்தில் சிக்கிய விஜய் ஆண்டனி, இப்போது நலமாக உள்ளார்.

இப்படத்திலிருந்து க்ளிம்ப்ஸ் காட்சிகள் நாளை (10 பிப்ரவரி) மாலை 5 மணிக்கு வெளியாகவுள்ளதாக படக்குழு அறிவித்துள்ளது.