லோகேஷ் கனகராஜ் இயக்கத்தில் மறுபடியும் நடிக்கிறாரா ரோலக்ஸ்?

சமீபத்தில் நடந்த விருது விழா ஒன்றில் நடிகர் சூர்யா மற்றும் லோகேஷ் கனகராஜ் கலந்து கொண்டனர். அப்போது சூர்யாவை வைத்து படம் எடுப்பதாக லோக்கி பேசினார்.

லோகேஷ் கனகராஜ் - சூர்யா

முற்றிலும் வித்தியாசமான இயக்குநரான லோகேஷ் கனகராக்ஜிற்கு தனி ரசிகர் பட்டாளமே இருக்கிறது. ஹாலிவுட்டில் இருக்கும் யூனிவெர்சல் கான்செப்ட் போல் எல்.சி.யூ என்பதை தமிழ் சினிமாவுக்கு அறிமுகம் செய்தவர்

இவரின் படங்கள் அனைத்துமே தனித்துவம் வாய்ந்ததாக இருக்கும். மாநகரம் தொடங்கி கைதி, மாஸ்டர், விக்ரம் என அனைத்துமே ஹிட் படங்களாக அமைந்தது.

குறிப்பாக இவரின் விக்ரம் படத்தில், எல் சி யூ கான்செப்ட் அறிமுகப்படுத்தப்பட்டது. விக்ரம் படத்தில், சிறப்பு தோற்றத்தில் சூரியா நடித்து இருந்தார்.

கடைசி நேரத்தில் ஒரு கதாபாத்திரத்தை கொண்டுவந்து, தனது யுனிவர்ஸல் கான்செப்டை லோக்கி நீட்டித்தார்.

சமீபத்தில் நடந்த விருது விழா ஒன்றில் நடிகர் சூர்யா மற்றும் லோகேஷ் கனகராஜ் கலந்து கொண்டனர். அப்போது இயக்குநர் லோகேஷ் கனகராஜ், “இன்னும் 150 நாட்களில் நடிகர் சூர்யாவை வைத்து படத்தை இயக்க திட்டமிட்டுள்ளேன்” என பேசினார்.

இந்த அறிவிப்பு வெளியானவுடன் ரசிகர்கள் மகிழ்ச்சி அடைந்தனர்.