ராகவா லாரன்ஸுடன் போட்டோ எடுத்துக்கொண்ட ரீல் ஜெயலலிதா!

சந்திரமுகி 2 செட்டில் இருந்து ராகவா லாரன்ஸ் மற்றும் கங்கனா ரனாவத்தின் புகைப்படம் வெளியாகியுள்ளது.

கங்கனா ரனாவத்துடன் ராகவா லாரன்ஸ்

ரஜினி காந்த் நடித்து 2005 ஆம் ஆண்டு வெளிவந்த சந்திரமுகி மாபெரும் வெற்றி பெற்ற நிலையில் அப்படத்தின் இரண்டாம் பாகம் தற்போது தயாராகி வருகிறது.

இந்தப் படத்தை முதல் பாகத்தின் இயக்குநர் பி.வாசு இயக்க ராகவா லாரன்ஸ் மற்றும் கங்கனா ரனாவத் இணைந்து நடித்துள்ளனர்.

இந்நிலையில் கங்கனா, லாரன்ஸ் உடன் எடுத்த புகைப்படத்துடன் அவரைப் புகழ்ந்து தள்ளி இன்ஸ்டாகிராமில் பதிவிட்டுள்ளார்.இந்நிலையில் கங்கனாவின் பகுதிகள் ஷுட்டிங் முடிந்ததால் அவர் லாரன்ஸ் உடன் எடுத்த புகைப்படத்துடன் அவரைப் புகழ்ந்து தள்ளி இன்ஸ்டாகிராமில் பதிவிட்டுள்ளார்.

“லாரன்ஸ் மாஸ்டர் என்று பிரபலமாக அறியப்படும் ராகவா சார் ஒரு நடனக் கலைஞராக தனது திரை வாழ்க்கையைத் தொடங்கினாலும் இன்று அவர் ஒரு பிளாக்பஸ்டர் திரைப்பட தயாரிப்பாளராக இருக்கிறார். கனிவான மற்றும் அற்புதமான மனிதராகவும் இருக்கிறார்”என கங்கனா பதிவிட்டுள்ளார்.

சந்திரமுகி 2 வரும் ஏப்ரல் மாதம் வெளியாகும் என்று எதிர்பார்க்கப்படுகிறது.

சந்திரமுகி 2, கங்கனாவின் மூன்றாவது தமிழ் படம் என்பது குறிப்பிடத்தக்கது.