Kamal and ARR : ஏ.ஆர்.ரஹ்மானை பார்த்து பூரித்து போன கமல்..அமெரிக்காவில் நடந்த நெகிழ்ச்சியான தருணம்!

Kamal and ARR : கமல் ஹாசனுடன், ஏ.ஆர்.ஆர் அமெரிக்காவில் உள்ள ஆஸ்கர் அருங்காட்சியகத்திற்கு சென்றுள்ளார்.

கமல் ஹாசன் - ஏ.ஆர்.ரஹ்மான்

90களில் தன் இசை சாம்ராஜ்ஜியத்தை தொடங்கிய ஏ.ஆர்.ரஹ்மான் 2009ல் ஸ்லம் டாக் மில்லியனர் படத்திற்காக சிறந்த ஒரிஜினல் ஸ்கோர் மற்றும் சிறந்த ஒரிஜினல் பாடலுக்கான இரண்டு ஆஸ்கர் விருதுகளை பெற்ற முதல் இந்தியன் என்ற பெருமையை இன்று வரை சுமந்து வருகிறார்.

காலம் கடந்து போனலும் இன்று வரை தனது ரசிகர்களுக்கு இசை விருந்து வைத்துக்கொண்டு வருகிறார் ஏ.ஆர்.ஆர்.

தற்போது கமல் ஹாசனுடன், ஏ.ஆர்.ஆர் அமெரிக்காவில் உள்ள ஆஸ்கர் அருங்காட்சியகத்திற்கு சென்றுள்ளார்.

இருவரும், ‘தி காட் ஃபாதர்’படத்தை கண்டுள்ளனர்.

அத்துடன், ஆஸ்கர் வென்றவர்களின் புகைப்படங்களையும் பார்த்துள்ளனர்.

அங்கு, தான் ஆஸ்கர் வாங்கிய புகைப்படத்தை ஏ.ஆர்.ஆர் கண்டுள்ளார். கமலுடன் இருக்கும் இந்த நெகிழ்ச்சியான தருணம் புகைப்படம் எடுக்கப்பட்டுள்ளது.