HBD Allu Arjun : ‘புலியே பதுங்குனா புஷ்பா வரான்னு அர்த்தம்..’ட்ரெண்டிங் ஸ்டார் அல்லு அர்ஜுனுக்கு இன்று பிறந்தநாள்!

பிறந்தநாள் காணும் ட்ரெண்டிங் ஸ்டார் அல்லு அர்ஜூனுக்கு வாழ்த்துக்கள் குவிந்து வருகிறது.

அல்லு அர்ஜுன்

தெலுங்கு சினிமாவில் முன்னணி நடிகராக வலம் வரும் அல்லு அர்ஜுன், படங்களை தயாரித்தும் வருகிறார். தெலுங்கு சினிமாவில் கலக்கி வரும் இவருக்கு பல தமிழ் ரசிகர்களும் உண்டு.

விஜிதா எனும் தெலுங்கு படத்தின் மூலம் குழந்தை நட்சத்திரமாக அறிமுகம் ஆனார்.

2011 ஆம் ஆண்டில் அல்லு அர்ஜுன் ஹைதராபாத்தில், சினேகா ரெட்டி என்பவரை மணந்து கொண்டார். இந்த தம்பதிக்கு அயன் என்ற மகனும் அர்ஹா என்ற மகளும் உள்ளனர்.

இவர் இரண்டு முறை நந்தி விருதுகளைப் பெற்றுள்ளார். திரைப்படங்களில் நடிப்பதோடு, சில விளம்பர படங்களிலும் நடித்து வருகிறார்.

ராம் சரண் - அல்லு அர்ஜுன் ஆகிய இருவரும் உறவுமுறையை தாண்டிய நட்பை பாராட்டிவருபவர்கள். இவர்கள் இருவரும் இணைந்து தெலுங்கில் எவடு எனும் படம் நடித்துள்ளனர்

பிறந்தநாள் காணும் அல்லு அர்ஜூனுக்கு வாழ்த்துக்கள் குவிந்து வருகிறது.