Adipurush : சர்ச்சையை கிளப்பிய ஆதிபுருஷ்.. பாலிவுட்டிற்கு தடைவிதித்த நேபாள அரசு!

சீதை நேபாளத்தில் பிறந்ததாக அந்த நாட்டில் நம்பிக்கை உள்ளது. ஆனால் அதிபுரூஷ் படத்தில் சீதை இந்தியாவின் தாய் என்ற வசனம் இடம் பெற்றுள்ளதால் நேபாளில் எதிர்ப்புகள் கிளம்பியுள்ளது.

ஆதிபுருஷ் போஸ்டர்

ராமாயண கதையை மையமாக வைத்து எடுக்கப்பட்ட படம் ஆதிபுருஷ். இதில் பிரபாஸ் ராமராகவும், கிருத்தி சனோன் சீதையாகவும் நடித்துள்ளனர்.

இந்த படம் வெளியாகி கடும் விமர்சனத்திற்கு உள்ளானது. முக்கியமாக இதன் கிராபிக்ஸ் காட்சிகளை மக்கள் ட்ரால் செய்தனர்.

படத்தில் ராமர், ஹனுமன் கதாபாத்திரங்கள் தவறாக சித்தரிக்கப்பட்டுள்ளதாக வட மாநிலங்களில் சர்ச்சை கிளம்பியுள்ளது. மேலும் படத்தில் உள்ள சர்ச்சையான வசனங்களை நீக்க வலியுறுத்தப்பட்டுள்ளது.

இந்த நிலையில் நேபாளத்தில் ஆதிபுருஷ் படத்திற்கு எதிர்ப்பு கிளம்பியுள்ளது. சீதை நேபாளத்தில் பிறந்ததாக அந்த நாட்டில் நம்பிக்கை உள்ளது. ஆனால் அதிபுருஷ் படத்தில் சீதை இந்தியாவின் தாய் என்ற வசனம் இடம் பெற்றுள்ளதால் நேபாளில் எதிர்ப்புகள் கிளம்பியுள்ளது.

நேபாள தலைநகரமான காத்மாண்டு, போக்ரா ஆகிய நகரங்களில் அனைத்து ஹிந்தி படங்களுக்கும் தடைவிதித்தார் அங்குள்ள மேயர்.

அதுமட்டுமின்றி ஒவ்வொரு தியேட்டருக்கும் போலீசார் நேரில் சென்று ஹிந்தி படங்கள் திரையிடப்படுகிறதா என்பதை கண்காணிக்க உத்தரவு பிறப்பிக்கப்பட்டுள்ளது. ஆதிபுருஷ் படத்தில் உள்ள சர்ச்சை வசனத்தை நீக்கும் வரை நேபாளத்தில் ஹிந்தி படங்களுக்கான தடை தொடரும் என்ற அறிவிப்பும் வந்துள்ளது.