Director Acharya Passed Away: இயக்குநர் ஆச்சாரியா ரவி மாரடைப்பால் மரணம்

இயக்குநர் பாலாவிடம் உதவி இயக்குநராக இருந்த இயக்குநர் ஆச்சாரியா ரவி மாரடைப்பு காரணமாக உயிரிழந்தார்.

இயக்குநர் ஆச்சாரியா ரவி

தமிழ் சினிமாவின் முக்கியமான இயக்குநர்களில் ஒருவர் பாலா. இவரிடம் உதவி இயக்குநராக தனது திரையுலக வாழ்க்கையைத் தொடங்கியவர் ரவி. பாலாவிடம் உதவி இயக்குநர்களாக இருந்தவர்களில் ஒருசிலரை தவிர பெரும்பாலானோர் வெளியில் தெரியும்படி எந்த படத்தையும் எடுக்கவில்லை என்ற கூற்று கோலிவுட்டில் உண்டு.

ஆனால் ரவி ஆச்சாரியா என்ற படத்தை இயக்கினார். இப்படத்தில் விக்னேஷ் கதாநாயகனாக நடித்திருந்தார். ஆனால் படம் எதிர்பார்த்த வெற்றியை பெறவில்லை.

அந்தப் படத்தில் நாசர், வடிவுக்கரசி, தென்னவன், தேவன், கஞ்சா கருப்பு, சரண்ராஜ் ஆகியோர் முக்கியக் கதாபாத்திரங்களில் நடித்தனர். 2006ஆம் ஆண்டு வெளியான இப்படம் எதிர்பார்த்த வெற்றியை பெறவில்லை. இதனையடுத்து ரவி கோலிவுட்டில் படங்கள் இயக்கவில்லை.

இந்நிலையில், அவருக்கு திடீரென மாரடைப்பு ஏற்பட்டதால் மதுரை மீனாட்சி மிஷன் மருத்துவமனையில் சிகிச்சைக்காக அனுமதிக்கப்பட்டிருந்தார். ஆனால் சிகிச்சை பலனின்றி அவர் இன்று உயிரிழந்தார். அவரது இறப்புக்கு திரையுலகினர் தங்களது இரங்கலையும், அஞ்சலியையும் தெரிவித்துவருகின்றனர். ரவி காஞ்சிபுரத்தை பூர்வீகமாகக் கொண்டவர். அவரது இறுதிச்சடங்கு இன்று மாலை நடைபெறும் என தெரிவிக்கப்பட்டுள்ளது.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண  

மேலும் வாசிக்க: New Year 2022: தமிழ்நாட்டில் இரவுநேர ஊரடங்கு? - அமைச்சர் மா. சுப்பிரமணியன் பேட்டி இதோ!