தமிழ் புத்தாண்டையொட்டி பிரதமர் மோடி தமிழில் வாழ்த்து
தமிழ் புத்தாண்டை முன்னிட்டு பிரதமர் நரேந்திர மோடி தமிழக மக்களுக்கு தமிழில் வாழ்த்து கூறினார்.
உலகெங்கும் வாழும் தமிழர்கள் இன்று தமிழ்ப்புத்தாண்டை கொண்டாடி வருகின்றனர். புத்தாண்டையொட்டி, மதுரை மீனாட்சி அம்மன், சென்னை வடபழனி முருகன் கோயில் உள்ளிட்ட கோயில்களில் அதிகாலை முதலே பக்தர்கள் சாமி தரிசனம் செய்தனர். மேலும், ஒருவருக்கொருவர் சமூகவலைதளங்கள் மற்றும் பிற வழிகளில் புத்தாண்டு வாழ்த்துகளை கூறிவருகின்றனர். தமிழக முதல்வர் பழனிசாமி, துணை முதல்வர் ஓ.பன்னீர்செல்வம் உள்ளிட்டோ தமிழக மக்களுக்கு புத்தாண்டு வாழ்த்து கூறினர்.
இந்நிலையில், தமிழ்ப் புத்தாண்டை முன்னிட்டு பிரதமர் மோடி தமிழக மக்களுக்கு தமிழில் வாழ்த்து கூறினார். இதுதொடர்பாக பிரதமர் தனது டிவிட்டர் பக்கத்தில், ‘தமிழகத்து சகோதர, சகோதரிகளுக்கும் உலகெங்கும் உள்ள தமிழர்களுக்கும் புத்தாண்டு நல்வாழ்த்துகள்!. தமிழ் பண்பாட்டின் மகத்துவம் தொடர்ந்து ஒளிரட்டும். புத்தாண்டு, ஒவ்வொருவரின் வாழ்விலும், ஆரோக்கியத்தையும், செல்வத்தையும், மகிழ்ச்சியையும் நிறைக்க, இந்த மகிழ்ச்சியான திருநாளில் பிரார்த்திருக்கிறேன்’ எனக் குறிப்பிட்டுள்ளார்.
தலைப்பு செய்திகள்
ட்ரெண்டிங் செய்திகள்
