Ayudha Pooja 2023: மதுரையில் ஆட்டம், பாட்டத்துடன் ஆயுத பூஜை கொண்டாடிய தூய்மை பணியாளர்கள்

பல்வேறு இடங்களில் தூய்மை பணியாளர்கள் சிறப்பாக ஆயுத பூஜையை கொண்டாடி மகிழ்ந்தனர். அதிகாரிகளும் இணைந்து தூய்மை பணியாளர்களுடன் ஆயுத பூஜை கொண்டாடியது நெகிழ்ச்சியை ஏற்படுத்தியுள்ளது.

ஆயுத பூஜை கொண்டாடிய தூய்மை பணியாளர்கள்

மதுரை ஆனையூர் பேருந்து நிலையத்தில் மாநகராட்சி தூய்மை பணியாளர்கள் 100க்கும் மேற்பட்டோர் ஆட்டம், பாட்டத்துடன் கவலை மறந்து ஆயுத பூஜையை கொண்டாடி வருகின்றனர்.

 

ஆயுத பூஜை மற்றும் விஜய தசமி

 

நவராத்திரி நிறைவு விழாவாக ஆயுத பூஜை மற்றும் விஜய தசமி சிறப்பாக ஆண்டுதோறும் கொண்டாடப்படுகிறது. ஆயுத பூஜை விழா என்பது தமிழ்நாட்டில் மிக முக்கிய விழாக்களின் ஒன்றாக கருதப்படுகிறது. பல்வேறு இடங்களில் சாதி, மதம் பார்க்காமல் ஆயுத பூஜை விழா கொண்டாடப்படுவது வழக்கமாக இருந்து வருகிறது. தாங்கள் செய்கின்ற தொழிலுக்கு மரியாதை செய்யும் விழாவாக இது பார்க்கப்படுவதால், வணிக நிறுவனங்கள் தொழிற்சாலைகளில் இந்த விழா விமரிசையாக கொண்டாடப்படுகிறது. அதேபோன்று ஆயுத பூஜை விழாவின் பொழுது நிறுவனங்களில் பணியாற்றுபவர்களுக்கு நிறுவனம் சார்பில், இனிப்புகள் வெகுமதிகள் உள்ளிட்டவை வழங்குவது வழக்கமாக உள்ளது. இதேபோன்று அரசு அலுவலகங்கள் அரசு சார்ந்த இடங்களில் கூட, ஆயுதபூஜை விழாக்கள் கொண்டாடப்படுகிறது. இந்நிலையில் மதுரை ஆனையூர் பேருந்து நிலையத்தில் மாநகராட்சி தூய்மை பணியாளர்கள் 100க்கும் மேற்பட்டோர் ஆட்டம், பாட்டத்துடன் கவலை மறந்து  ஆயுத பூஜையை கொண்டாடி வருகின்றனர். இந்த நிகழ்வு மதுரையில் நெகிழ்ச்சியை ஏற்படுத்தியுள்ளது.

 

மதுரை ஆணையூர் பகுதியில் ஆட்டம், பாட்டத்துடன் ஆயுதபூஜை கொண்டாடத்தில் ஈடுபட்ட மாநகராட்சி தூய்மை பணியாளர்கள். தூய்மை பணியாளர்கள் பயன்படுத்தும் வாகனங்களுக்கும், உபகரணங்களுக்கும் பூஜை செய்தும் சிறப்பாக வழிபாடு நடத்திவருகின்றனர்.

| #madurai | @abplive | @abpnadu | @CMOTamilnadu |... pic.twitter.com/ovmx1fKciI

— arunchinna (@arunreporter92) October 23, 2023

 

மதுரை தூய்மை பணியாளர்கள் உற்சாகம்

 

மதுரை ஆனையூர்  பேருந்து நிலையத்தில் மாநகராட்சி தூய்மை பணியாளர்கள் 100க்கும் மேற்பட்டோர் ஆயுத பூஜையை முன்னிட்டு  கொண்டாடி வருகின்றனர். தூய்மை பணியாளர்கள் பயன்படுத்தும் வாகனங்களுக்கும், உபகரணங்களுக்கும் பூஜை செய்தும் சிறப்பாக வழிபாடு நடத்திவருகின்றனர். தூய்மை பணியாளர்கள் மாநகராட்சி வாகனங்களை தங்களது சொந்த வண்டிகள் போல பராமரித்து வாழைக்கொத்து மாலை அணிவித்து ஜோடித்து கொண்டாடிவருகின்றனர். தங்களது வாழ்நாளில் ஆயுதப்பூஜையை தீபாவளி போல கொண்டாடுவோம் என உற்சாகமாக தெரிவித்தனர். தூய்மை பணியாளர்கள் பல்வேறு சினிமா பாடல்களுக்கு நடனமாடி அசத்தினர். தங்களது கவலைகள் மறந்து தூய்மை பணியாளர்கள் உற்சாகம் அடைந்தனர்.

 

காஞ்சிபுரத்தில் அறுசுவை அசைவ உணவு

 

அதே போல்  காஞ்சிபுரம் மாநகராட்சியில் உள்ள 4வது மண்டலத்திற்குட்பட்ட பகுதிகளில் பணிபுரியும் தூய்மை பணியாளர்கள், மேற்பார்வையாளர்கள், ஒப்பந்த பணியாளர்கள் என 150க்கும் மேற்பட்டோருக்கு மண்டல குழு தலைவர் ஏற்பாட்டில் அறுசுவை அசைவ உணவுகளும் மற்றும் சிறப்பு பரிசுகளும் வழங்கி சிறப்பிக்கப்பட்டது. மண்டல குழு தலைவருக்கு தூய்மை பணியாளர்கள் நன்றி தெரிவித்தனர்.

 

 

 

இது போன்று பல்வேறு இடங்களில் தூய்மை பணியாளர்கள் சிறப்பாக ஆயுத பூஜையை கொண்டாடி மகிழ்ந்தனர். அதிகாரிகளும் இணைந்து தூய்மை பணியாளர்களுடன் ஆயுத பூஜை கொண்டாடியது நெகிழ்ச்சியை ஏற்படுத்தியுள்ளது.

மேலும் செய்திகள் படிக்க - Ayudha Pooja 2023: தூய்மை பணியாளர்களுக்கு அசைவ உணவு..சாப்பிட்ட இலையை எடுத்த மண்டல குழு தலைவர் - காஞ்சியில் நெகிழ்ச்சி

இதைப் படிக்க மிஸ் பண்ணாதீங்க பாஸ் - NIA Arrest : ‘ஹோட்டல் ஊழியர் போல பதுங்கியிருந்த பயங்கரவாதி?’ தேனியில் அதிரடி கைது..!