25 நொடிகளில் 51 ராக்கெட்டுகளின் பெயர்களை சொல்லி அசத்தல்...! 7ஆம் வகுப்பு மாணவனை அழைத்து பாராட்டிய சு.வெ...!

மோட்டார் வாகனங்களுக்கு ஹைட்ரஜன் எரி பொருள் பயன்படுத்துவது தொடர்பான கண்டுபிடிப்பிற்கு மதுரை பள்ளி ஏழாம் வகுப்பு மாணவர் அகிலேஷ் தங்கப்பதக்கம் வென்றார்

மதுரை எம்பி சு.வெங்கடேசன் உடன் அகிலேஷ்

போலந்தில் 2021ஆம் நடந்த இன்டர்நேஷனல் 'வார்ஸா இன் வென்ஷன் ஷோவில் அகிலேஷ், பங்கேற்ற மோட்டார் வாகனங்களுக்கு ஹைட்ரஜன் எரிபொருள் பயன்படுத்துவது குறித்த புதிய கண்டு பிடிப்பை செயல்முறைப் படுத்தினார். அவரது இந்த கண்டுபிடிப்புக்காக தங்கம் மற்றும் இரண்டு சிறப்பு விருதுகள் வழங்கப்பட்டன. ருமேனியாவின் சிறப்பு விருதும் பெற்றுள்ளார். இந்நிலையில்  மாணவன் அகிலேஷை மதுரை எம்.பி சு.வெங்கடேசன்   பாராட்டி வாழ்த்து தெரிவித்துள்ளார்.

போலந்தில் இரண்டு பதக்கங்களை வென்ற எங்கள் இளம் விஞ்ஞானி !

25 நொடிகளில் 51 ராக்கெட்டுகளின் பெயரை கூறி இந்தியன் புக் ஆப் ரெக்கார்ட்சில் இடம் பிடித்த சாதனையாளன்!

மதுரையின் அறிவுக்குழந்தை அகிலேஷ் …

மண்ணின் பெருமைகளை விண்ணில் உயர்த்து !#Madurai #Space #ISRO pic.twitter.com/F6GIqufp0a

— Su Venkatesan MP (@SuVe4Madurai) April 5, 2022

அது குறித்து சு.வெங்கடேசன் வெளியிட்ட செய்திக் குறிப்பில், மாணவன் அகிலேஷ் மதுரையில் 7 ஆம் வகுப்பு படிக்கிறார். 2021 ஆம் ஆண்டு போலந்தில் நடைபெற்ற International Warsaw invention show நிகழ்வில் பங்கேற்று தனது Hydrogen fuel cell  For motorized vehicle கண்டுபிடிப்பிற்காக தங்க பதக்கத்தையும், 2 சிறப்பு விருதுகளையும் வென்று மகத்தான சாதனை படைத்துள்ளார். ருமேனியாவின் சிறப்பு விருது ஒன்றினையும் வென்று தந்திருக்கிறார்.  மேலும் இந்தியன் புக் ஆப் ரெக்கார்ட்ஸ் ல் வெறும் 25 நொடிகளில் 51 சர்வதேச ராக்கெட்டுகளின் பெயரினை கூறி சாதனை படைத்துள்ளார். அது தற்போது இன்டர்நேஷனல் புக் ரெக்கார்ட்ஸ்க்கும் தேர்வாகி உள்ளது. 

 

மேலும் தனியாக செயற்கைக்கோள் ஒன்றினையும் செய்து அதனை வெற்றிகரமாக முடித்திருக்கிறார். அது நிச்சயம் அவனது கனவுகளை விண்ணில் ஏற்றிச் செல்லும்.  நான்காம் வகுப்பில் இருந்து தான் கொண்ட விண்வெளி அறிவின் காரணமாக மிகச்சிறு வயதில் வரலாறுகளை நிகழ்த்தி கொண்டிருக்கிறான். மதுரையின் அறிவுக்குழந்தைக்கு எல்லா வகையிலும் உடன்நிற்பேன் எனக்கூறி ஊக்கப்படுத்தினேன். விண்வெளி சார்ந்த அகிலேஷின் அறிவு மேலும் விரிந்து பரவட்டும்.  12 வயதில் தனது குழந்தையின் அறிவையும் தேடலையும் புரிந்து கொண்டு அதற்கான ஊக்கத்தை அளித்து வரும்   அகிலேஷின் பெற்றோர்கள் R.சந்திரசேகரன் - C.தங்கமணி இருவருக்கும் எனது அன்பு வாழ்த்துகள். வளர்ந்து மண்ணின் பெருமையை விண்ணில் உயர்த்து!” என குறிப்பிட்டுள்ளார்.

 

இதை படிக்க மிஸ் பண்ணாதீங்க பாஸ் - BSF வீரரை கண்டுபிடித்து தரக்கோரிய ஆட்கொணர்வு மனு - கமாண்டண்ட் நேரில் ஆஜராக உத்தரவிட நேரிடும் என எச்சரிக்கை