dead bodies in Ganga river: கங்கையில் மிதக்கும் கொரோனா நோயாளிகள் உடல்கள்

பீகாரில் கங்கை நதிக்கரையில் மிதக்கும் கொரோனா நோயாளிகளின் உடல்கள். தொற்று பரவிவிடுமோ என்று உள்ளுர் மக்கள் அச்சம்.

கங்கை நதியில் மிதந்த உடல்

சீனாவின் வூகான் நகரில் கடந்த 2019ஆம் ஆண்டு கொரோனா வைரஸ் கண்டறியப்பட்டது. இதனையடுத்து, பல உலக நாடுகளுக்கு இந்த வைரஸ் வேகமாக பரவியது. கொரோனா பாதிப்பு அதிகமுள்ள நாடுகளின் பட்டியலில் அமெரிக்கா, இந்தியா, பிரேசில், பிரான்ஸ், ரஷ்யா ஆகிய நாடுகள் முதல் ஐந்து இடங்களில் உள்ளன. இந்த தொற்றால் ஏராளாமான மக்கள் பாதிக்கப்பட்டனர். பல நாடுகளுக்கு பொருளாதார பிரச்னை ஏற்பட்டது.

கொரோனா தொற்று பாதிப்பு ஏற்பட்டு ஓராண்டு கடந்த நிலையிலும், தொற்று பரவல் குறையாமல் அதிகமாகி வருகிறது. தற்போது, பல நாடுகளில் கொரோனா 2வது அலை வேகமாக பரவி வருகிறது. குறிப்பாக இந்தியாவில் கொரோனா இரண்டாவது அலை கோரதாண்டவம் ஆடி வருகிறது. மகாராஷ்டிரா, டெல்லி, உத்திரப்பிரதேசம், கேரளா, தமிழ்நாடு, கர்நாடகா உள்ளிட்ட மாநிலங்களில் தொற்று பாதிப்பு தினமும் அதிகரித்து வருகிறது. கொரோனா தொற்று பரவலை தடுக்க மத்திய மற்றும் மாநில அரசுகள் பல்வேறு முன்னெச்சரிக்கை நடவடிக்கைகளை மேற்கொண்டு வருகின்றது. அத்துடன் தடுப்பூசிகள் போடப்படும் பணிகளும் தீவிரமாக நடைபெற்று வருகிறது.

மேலும், தொற்று பரவலை கட்டுப்படுத்த சில மாநிலங்களில் இரவு நேரம் மற்றும் பகுதி நேர ஊரடங்கு, முழு ஊரடங்கு மற்றும் ஞாயிறு அன்று முழு ஊரடங்குகள் அமல்படுத்தப்பட்டுள்ளன.

இதனிடையே, ஆக்சிஜன் பற்றாக்குறையால் கொரோனா நோயாளிகள் உயிரிழப்பதும், உயிரிழந்த கொரோனா நோயாளிகளின் உடல்களை தகனம் செய்வதற்கு இடுகாட்டில் இடமில்லாமல் இருப்பது போன்ற அவலங்களும் நாட்டில் அரங்கேறி வருகிறது.

இந்நிலையில், பீகார் மாநிலம் பக்சர் மாவட்டத்தில் உள்ள கங்கை நதிக்கரையில் 40 கொரோனா நோளிகளின் சடலங்கள் கண்டெடுக்கப்பட்டுள்ளன. நதிக்கரையில் உடல்கள் மிதப்பதாக பார்த்தவர்கள் மாவட்ட நிர்வாகம் தகவல் தெரிவித்தனர். இதனைத்தொடர்ந்து, உடல்களை மீட்ட அதிகாரிகள் அதனை எரியூட்டினர். 

<blockquote class="twitter-tweet"><p lang="en" dir="ltr">Bihar | 10-12 corpses that were seen in Ganga came floating from a distance. It seems these corpses were floating for the last 5-7 days. We don&#39;t have a tradition of immersing bodies in rivers. We are making arrangements to cremate these corpses: Buxar SDO KK Upadhyay <a href="https://t.co/ga34bkJccr" rel='nofollow'>pic.twitter.com/ga34bkJccr</a></p>&mdash; ANI (@ANI) <a href="https://twitter.com/ANI/status/1391712186607620096?ref_src=twsrc%5Etfw" rel='nofollow'>May 10, 2021</a></blockquote> <script async src="https://platform.twitter.com/widgets.js" charset="utf-8"></script>

அண்மை மாநிலமான உத்தரப்பிரதேசத்தில் இருந்து கங்கை நதியில் கொரோனா நோயாளிகள் உடல்கள் வீசப்படுவதாகவும், உள்ளூரைச் சேர்ந்தவர்கள் யாரும் இல்லை எனவும் அம்மாவட்ட உள்ளூர் அதிகாரி கூறினார்.  

கொரோனா நோயாளிகளின் உடல்களை எரிக்காமல், மாறாக கங்கை நதியில் வீசுவருகின்றனர். நதியில் மிதக்கும் கொரோனா நோயாளிகளாள் தங்களுக்கும் கொரோனா தொற்று ஏற்பட்டு விடுமோ என்ற அச்சத்தில் அப்பகுதி மக்கள் இருக்கின்றனர்.