Mpox - India: இந்தியாவில் ஒருவருக்கு குரங்கு அம்மை அறிகுறியா.? - மத்திய அரசு தெரிவித்தது என்ன.?

Mpox - India: இந்தியாவில் ஒருவருக்கு குரங்கு அம்மை இருப்பதாக சந்தேகத்தின் அடிப்படையில் தனிமைப்படுத்தப்பட்டுள்ளதாக மத்திய சுகாதாரத்துறை அமைச்சகம் தெரிவித்துள்ளது. 

வைரஸ் தொற்று ( செயற்கை நுண்ணறிவு )

Source : AI

தற்போது Mpox குரங்கு அம்மை தொற்றுள்ள நாட்டிலிருந்து சமீபத்தில் பயணம் செய்த, இந்தியாவைச் சேர்ந்த ஒரு இளம் வயது கொண்ட ஆண்  ஒருவருக்கு, குரங்கு அம்மை தொற்று இருப்பதற்கான அறிகுறி தென்பட்டுள்ளதாகவும், அதன் காரணமாக சந்தேக நபராக அடையாளம் காணப்பட்டுள்ளார். ஆனால் , குரங்கு அம்மை தொற்று இருப்பதாக உறுதிப்படுத்தப்படவில்லை.

A young male patient, who recently travelled from a country currently experiencing Mpox (monkeypox) transmission, has been identified as a suspect case of Mpox. The patient has been isolated in a designated hospital and is currently stable. Samples from the patient are being… pic.twitter.com/2DUNueIZWr

— ANI (@ANI) September 8, 2024

 

இந்நிலையில் நோயாளி ஒரு மருத்துவமனையில் தனிமைப்படுத்தப்பட்டு உள்ளார். நோயாளியின் மாதிரிகள் Mpox இருப்பதை உறுதிப்படுத்த பரிசோதனைகள் எடுக்கப்பட்டுள்ளன எனவும் மத்திய சுகாதாரத்துறை அமைச்சகம் தெரிவித்துள்ளது என ஏ,என்.ஐ செய்தி முகமை தெரிவித்துள்ளது. 

ஆப்பிரிக்காவில் குரங்கு அம்மை:

ஆப்பிரிக்கா, காங்கோ, ஸ்வீடன் உள்ளிட்ட நாடுகளில் Mpox தொற்று பரவல் மிக மோசமான நிலையை எட்டியுள்ள நிலையில், கடந்த இரண்டு ஆண்டுகளில் இரண்டாவது முறையாக Mpox-யை சர்வதேச பொது சுகாதார அவசரநிலையாக உலக சுகாதார அமைப்பு அறிவித்தது.

காங்கோ குடியரசு நாட்டில் பரவத் தொடங்கிய குரங்கு அம்மை, பல்வேறு நாடுகளிலும் பரவியது.  இந்த ஆண்டு மட்டும் இதுவரை, ஆப்பிரிக்காவில் 14,000-க்கும் மேற்பட்டோர் பாதிக்கப்பட்டுள்ளனர். 524 பேர் உயிரிழந்துள்ளதாகவும் தரவுகள் தெரிவாகியுள்ளனர்.

இந்த நோய் தொற்றால் காங்கோ குடியரசில் மட்டும் 96% பாதிப்புகள் மற்றும் இறப்புகள் காங்கோவில் ஏற்பட்டுள்ளதாக அந்நாட்டு சுகாதாரத்துறை தெரிவித்துள்ளது.

இந்தியாவில் எச்சரிக்கை:

இந்நிலையில், ஆப்பிரிக்காவில் பரவலையடுத்து இந்தியாவில் முன்னெச்சரிக்கையானது பலப்படுத்தப்பட்டுள்ளது. இந்த சூழ்நிலையில் குரங்கு அம்மை தொற்று பரவல் உள்ள நாட்டில் இருந்து பயணம் செய்த நபருக்கு , தொற்று இருப்பதற்கான சந்தேகம் இருப்பதாக மத்திய சுகாதாரத்துறை அமைச்சகம் தெரிவித்துள்ளதாக ஏ.என்.ஐ செய்தி முகமை குறிப்பிட்டுள்ளது. அதன் காரணமாக சந்தேக நபராக அடையாளம் காணப்பட்டுள்ளார். ஆனால் , குரங்கு அம்மை தொற்று இருப்பதாக உறுதிப்படுத்தப்படவில்லை. இந்நிலையில், அவர் தனிமைப்படுத்தப்பட்டு சிகிச்சை அளிக்கப்பட்டு வருவதாக கூறப்படுகிறது.