பெர்சனல் பக்கங்கள் : என் மனைவியின் இன்னொரு உறவு எனக்குத் தெரியும்.. ஆனால்..

ஒரு நாள், என் நண்பர் என்னை அழைத்து, நம்ப முடியாத அளவுக்கு என்னை அதிர்ச்சிக்குள்ளாக்கிய ஒரு செய்தியைக் கூறினார்.

உறவு

2012 கோடையில் எனக்கும் ஆஷ்னிக்கும் திருமணம் நடந்தது. ஏறக்குறைய ஐந்து வருடங்கள் ஒருவரையொருவர் டேட்டிங் செய்த பிறகு, நான் அவளிடம் மிகவும் ரொமான்டிக்கான முறையில் ப்ரோபோஸ் செய்தேன். எங்களுடையது எங்கள் குடும்ப உறுப்பினர்கள் அனைவராலும் ஆசீர்வதிக்கப்பட்ட ஒரு காதல் திருமணமாகும், மேலும் எனது முழுமுதற் காதலை பிரம்மாண்டமான முறையில் திருமணம் செய்து கொள்வதை விட எதுவும் என்னை மகிழ்ச்சியடையச் செய்யக் கூடியது வேறு எதுவும் இல்லை. நான் விரும்பியதெல்லாம் அவள்தான். ஆனால் காலம் எங்கள் மகிழ்ச்சியில் மெல்ல மெல்ல நச்சு கலந்ததை நான் உணர்ந்திருக்கவில்லை.

அஷ்னியை எல்லோருக்கும் பிடிக்கும். அவள் எங்கள் குடும்பத்தின் நட்சத்திரம். என் அம்மா முதல் என் உறவினர்கள் வரை, அனைவரும் அவளை நம் வாழ்க்கையில் மிகவும் தேவையான மகிழ்ச்சியைக் கொண்டு வந்த மருமகள் என்று போற்றுவார்கள். அவள் மிகவும் அக்கறையுள்ளவள், பச்சாதாபம் கொண்டவள், எப்போதும் புதிய விஷயங்களை முயற்சிப்பாள். நான் அஷ்னியைச் சந்தித்தபோது எனது வேலையில் சிரமப்பட்டுக் கொண்டிருந்தேன்; அவளது உந்துதல் மற்றும் ஊக்கமளிக்கும் ஆளுமை என்னை சிறப்பாக மாற்றியது. 

நான் அதிக வாய்ப்புகளைப் பெற்றேன், இறுதியாக அற்புதமான ஊதியத்துடன் ஒரு சிறந்த வேலையைச் செய்தேன். இதில் உள்ள ஒரே குறை என்னவெனில், எனது முழு நாளும் எனது வேலையில்தான் செல்கிறது. எங்கள் திருமணத்தின் முதல் இரண்டு வருடங்கள் சிறப்பானதாக இருந்தது. நாங்கள் குட்டிக் குட்டியாகப் பயணங்களுக்குச் சென்றோம், அவளுடன் செலவிட முடியாத நேரத்தை ஈடுசெய்ய நான் ஆஷ்னியை டேட்டிங்களுக்கு அழைத்துச் சென்றேன். இருப்பினும், எனது புதிய வேலையில் நேரம் செல்லச் செல்ல, நிறுவனத்தின் வெற்றிக்கு முழுவதுமாக என்னைக் கொடுத்து, ஆழமாக வேலை செய்ய ஆரம்பித்தேன்.

அஷ்னி என் பக்கத்தில் இருந்தாள், என்னை உற்சாகப்படுத்தினாள். ஆனால் காலப்போக்கில், அவளிடமிருந்து வெளிப்பட்ட கருத்து வேறுபாடுகளையும் மகிழ்ச்சியின்மையையும் என்னால் உணர முடிந்தது. உண்மைதான், நான் வேலையில் ஆழ்ந்திருந்ததால் அவளுக்கு நேரத்தையோ சக்தியையோ கொடுக்கவில்லை. நான் அவளை மிகவும் நேசித்தேன், ஆனால் சில சமயங்களில், நான் அவளுக்கு எந்த நேரமும் கொடுக்கவில்லை என்று அவள் புகார் செய்தால், அது என்னை எரிச்சலூட்டும். அவளுக்கும் என் குடும்பத்துக்கும் உதவ வேண்டும் என்பதற்காகத்தான் நான் கடினமாக உழைத்து வருகிறேன். எங்கள் சண்டைகள் படிப்படியாக அதிகரித்தன, மேலும் நிலைமையை சரிசெய்ய, நாங்கள் இருவரும் சேர்ந்து பயணங்களுக்குத் திட்டமிட்டோம், ஆனால் எதிர்பாராவிதமாக கடைசி நிமிட வேலை வந்து அதையும் குழப்பிவிடும்.

நாங்கள் அடிக்கடி சண்டையிட ஆரம்பித்ததால், எங்களுக்குள் விஷயங்கள் சூடுபிடித்தன. எனது வேலை எங்கள் உறவைத் தடுக்கிறது என்பதை என்னால் உணர முடிந்தது. ஆனால் அவள் ஏன் முன்பு போல் என்னை ஊக்குவிக்கவில்லை என்று நான் வருத்தப்பட்டேன். அவள்  என்னிடமிருந்து விலகத் தொடங்கினாள். 

ஒரு நாள், என் நண்பர் என்னை அழைத்து, நம்ப முடியாத அளவுக்கு என்னை அதிர்ச்சிக்குள்ளாக்கிய ஒரு செய்தியைக் கூறினார். அஷ்னி ஒரு ஓட்டலில் ஒரு பையனை அடிக்கடி சந்தித்துக் கொண்டிருந்ததாக அவர் கூறினார். அஷ்னி வேறு யாரையாவது விரும்பி எங்கள் திருமணத்தை விட்டு வெளியேறும் ஒருவரல்ல, என்பதால் எனக்கு அவர் சொன்னது நகைப்புக்குரியதாக இருந்தது. இருப்பினும், நான் என் நண்பரின் வார்த்தையை ஏற்றுக்கொண்டேன், இதை நானே பார்க்க முடிவு செய்தேன். நான் என் வேலையிலிருந்து ஒரு நாள் விடுப்பு எடுத்துவிட்டு ஒரு நாள் என் மனைவியைப் பின்தொடர்ந்தேன். அந்த காட்சி என்னை கண்ணீரை வரவழைத்தது. என் மனைவி ஒரு பையனுக்கு மிக அருகில் ஒரு ஓட்டலில் அமர்ந்திருந்தார், பின்னர் அவர்கள் கைகோர்த்து காரில் சென்றனர். அங்கு அவர்கள் கட்டிப்பிடித்து முத்தம் பரிமாறுவதை பார்த்தேன். நான் மனம் உடைந்து,கோபமானேன், இனி என்ன நினைப்பது என்று தெரியவில்லை! 

நான் அவளிடம் பேசுவதற்கு ஆத்திரத்துடன் வீட்டுக்கு சென்றேன், ஆனால் நான் கதவுக்குள் நுழைந்தபோது, ​​​​அவள் என் தந்தையின் கணுக்கால்களை மசாஜ் செய்வதைக் கண்டேன். அந்தப் பார்வை என்னை நெகிழச் செய்தது. அவள் இன்னும் அதே அஷ்னியாக இருந்தாள். ஆனால் அவள் என்னை இனி காதலிக்கவில்லை. இது என்னைத் தடுமாறச் செய்தது, அவளைக் கேள்வி கேட்பதும் அவளது துரோகத்தைப் பற்றி அவளிடம் எதிர்கொள்வதும் என்னை விட்டு விலகுவதற்கு ஒரு காரணத்தைக் கொடுக்குமா என்று நான் ஆச்சரியப்பட்டேன்! அத்தகைய அற்புதமான மற்றும் அழகான பெண்ணை இழக்க என்னால் முடியாது. அவள் என் குடும்பத்தை கவனித்துக் கொள்ளும் விதம், பொறுப்பான, முதிர்ச்சியான ஒன்றாக இருந்தது.

 என்னால் அவளை இழக்க முடியாது. அவள் வேறு யாரையாவது காதலித்தால் பரவாயில்லை, ஆனால் நான் அவளை மீண்டும் வெல்வதை நிறுத்த மாட்டேன். அவள் செய்ததைப் போலவே அவளை மீண்டும் வெல்ல நான் எல்லாவற்றையும் செய்வேன்.