![ABP Premium](https://cdn.abplive.com/imagebank/Premium-ad-Icon.png)
தினமும் சீரகத் தண்ணீர் குடிப்பதால் என்னவெல்லாம் நன்மை தெரியுமா?
சீரகம், அல்லது ஜீரா இந்தியக் குடும்பங்களின் அன்றாட உட்கொள்ளல்களில் ஒரு இன்றியமையாத உணவுப் பொருள், எப்போதும் நம் சமையலறையில் கிடைக்கும் நமக்கான உடனடி சர்வரோக நிவாரணி.
![தினமும் சீரகத் தண்ணீர் குடிப்பதால் என்னவெல்லாம் நன்மை தெரியுமா? Health benefits of Jeera water for your daily life தினமும் சீரகத் தண்ணீர் குடிப்பதால் என்னவெல்லாம் நன்மை தெரியுமா?](https://feeds.abplive.com/onecms/images/uploaded-images/2022/08/26/9b4a21305d0e00ee95eff2a9d88bb52a1661529979798109_original.jpg?impolicy=abp_cdn&imwidth=1200&height=675)
சீரகம், அல்லது ஜீரா இந்தியக் குடும்பங்களின் அன்றாட உட்கொள்ளல்களில் ஒரு இன்றியமையாத உணவுப் பொருள், எப்போதும் நம் சமையலறையில் கிடைக்கும் நமக்கான உடனடி சர்வரோக நிவாரணி. ஜீராவின் நன்மைகள் நம் உணவுகளுக்கு ஒரு சிறந்த சுவையை சேர்ப்பதைத் தாண்டியது என்பது உங்களுக்குத் தெரியுமா? சீரக விதைகளை இரவு முழுக்க தண்ணீரில் ஊற வைப்பதால் நமக்கு ஆரோக்கியமான ஜீரா வாட்டர் கிடைக்கிறது, இது நம் உடலுக்கு எண்ணற்ற நன்மைகளை வழங்குவதாக நிரூபிக்கப்பட்டுள்ளது.
சீரகத் தண்ணீர் பல்லாயிரம் ஆண்டுகளுக்கும் மேலாக ஆயுர்வேத மருந்தாகப் பயன்படுத்தப்பட்டு வருகிறது. மேலும் சீரக விதைகளில் உள்ள அனைத்து ஊட்டச்சத்துக்களின் காரணமாக அது நம் உடலுக்கு மிகவும் நல்லது என்று அறிவியல் பூர்வமாக நிரூபிக்கப்பட்டுள்ளது. ஒவ்வொரு நாளும் ஒரு கிளாஸ் ஜீரா தண்ணீரைக் குடிப்பது உங்கள் ஒட்டுமொத்த ஆரோக்கியத்திற்கு நன்மை விளைவிக்கும், அது உங்கள் இதயம், வயிறு, முடி அல்லது தோல் ஆகிய பகுதிகளைப் பாதுகாத்து வலுப்படுத்துகிறது. உங்கள் அன்றாட வாழ்க்கைக்கு சீரகத் தண்ணீரின் நன்மைகள் இங்கே:
சீரகம் பொட்டாசியம் மற்றும் இரும்புச்சத்துக்கான சிறந்த மூலமாகும், இது உங்கள் நோய் எதிர்ப்பு சக்தியை அதிகரிக்க உதவுகிறது. மேலும் இதில் ஆன்டி-ஆக்ஸிடன்ட்கள் அதிகம் உள்ளது, பாக்டீரியா எதிர்ப்பு பண்புகள் உள்ளடக்கியது. இது நோய்த்தொற்றை உண்டாக்கும் பாக்டீரியாக்களை எதிர்த்துப் போராட உதவுகிறது. ஜீராவில் மெக்னீசியம், கால்சியம் போன்ற பல்வேறு தாதுக்களும் மற்றும் வைட்டமின்கள் ஏ, பி, சி ஆகியவையும் உள்ளன. அவை தொற்றுநோய்களைத் தடுத்து பெரும் அரணாக உள்ளது.
சீரகத் தண்ணீரில் தைமோகுவினோன் என்ற சக்திவாய்ந்த இரசாயன கலவை உள்ளது. இது கல்லீரலை அழற்சியிலிருந்து பாதுகாக்கிறது மற்றும் ஒட்டுமொத்த கல்லீரல் ஆரோக்கியத்திற்கும் உதவுகிறது. சீரகத் தண்ணீரின் அழற்சியை எதிர்கொள்ளும் பண்பு வயிற்று வலி மற்றும் வயிற்று வலி போன்ற பிற தொடர்புடைய வலியைக் குறைக்கவும் உதவுகிறது. அதன் ஸ்பாஸ்மோடிக் எதிர்ப்பு பண்புகள் மாதவிடாய் வயிற்றுப் பிடிப்பைக் குறைக்க உதவுகிறது என்பதால் அதனை உங்கள் மாதவிடாய் காலத்தில் உட்கொள்வது மிகவும் பயனுள்ளதாக இருக்கும்.
சீரக நீர் உங்கள் வயிற்று ஆரோக்கியத்திற்கு மிகவும் நன்மை பயக்கும் மற்றும் செரிமானத்தை மேம்படுத்த உதவுகிறது. இது உங்கள் வளர்சிதை மாற்றத்தை மேம்படுத்தும் கார்போஹைட்ரேட், குளுக்கோஸ் மற்றும் கொழுப்பை உடைக்கும் என்சைம்கள் போன்ற சேர்மங்களை சுரக்க உதவுகிறது. இது கல்லீரலில் பித்த அமிலங்களின் உற்பத்தி செயல்முறையை துரிதப்படுத்துகிறது மற்றும் கொழுப்புகளின் செரிமானத்திற்கு உதவுகிறது. கூடுதலாக, இது குடல் இயக்கத்தை மேம்படுத்துகிறது மற்றும் அஜீரணம், வீக்கம் மற்றும் அமிலத்தன்மை போன்ற பிரச்சனைகளில் இருந்து விடுபட உதவுகிறது, சக்திவாய்ந்த அசிடிட்டி எதிர்ப்பு ரசாயணம் இதில் உள்ளடங்கியுள்ளது.
Check out below Health Tools-
Calculate Your Body Mass Index ( BMI )
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)