கோவையில் இன்று ஒருநாளில் 3 பேருக்கு உறுதியானது கொரோனா தொற்று..
கோவையில் கடந்த சில வாரங்களாக தினசரி கொரோனா தொற்று பாதிப்புகள் தொடர்ந்து குறைந்து காணப்படுகிறது. மேலும் ஒற்றை இலக்கத்திற்குள் மட்டுமே கொரோனா தொற்று பாதிப்புகள் ஏற்பட்டு வருகிறது.
தமிழ்நாட்டில் தினசரி கொரோனா தொற்று பாதிப்புகள் குறைந்து காணப்படுகிறது. தினசரி தொற்று பாதிப்பில் சென்னையை தவிர்த்த அனைத்து மாவட்டங்களிலும் மிகக் குறைந்த அளவிலேயே பதிவாகி வருகிறது. இன்று சென்னையை தவிர்த்த மற்ற அனைத்து மாவட்டங்களிலும் தினசரி தொற்று பாதிப்புகள் ஒற்றை இலக்கத்திற்குள் பதிவாகியுள்ளது. இன்று தினசரி கொரோனா தொற்று பாதிப்பில் சென்னை முதலிடத்திலும், செங்கல்பட்டு இரண்டாவது இடத்திலும் உள்ளது. தமிழ்நாட்டில் பல்வேறு மாவட்டங்களில் இன்று கொரோனா தொற்று பாதிப்புகள் ஏற்படவில்லை.
கோவையில் கடந்த சில வாரங்களாக தினசரி கொரோனா தொற்று பாதிப்புகள் தொடர்ந்து குறைந்து காணப்படுகிறது. மேலும் ஒற்றை இலக்கத்திற்குள் மட்டுமே கொரோனா தொற்று பாதிப்புகள் ஏற்பட்டு வருகிறது. கோவையில் இன்று 3 பேருக்கு கொரோனா தொற்று பாதிப்புகள் ஏற்பட்டுள்ளது. கோவை மாவட்டத்தில் இதுவரை கொரோனா தொற்று பாதித்தவர்களின் எண்ணிக்கை 3 லட்சத்து 29 ஆயிரத்து 998 ஆக உள்ளது. மருத்துவமனைகள் மற்றும் சிகிச்சை மையங்களில் 16 பேர் சிகிச்சை பெற்று வருகின்றனர். இன்று கொரோனா தொற்றில் இருந்து இருவர் குணமடைந்து வீடு திரும்பியுள்ளனர். இதனால் குணமடைந்து வீடு திரும்பியவர்களின் எண்ணிக்கை 3 லட்சத்து 27 ஆயிரத்து 365 பேராக உயர்ந்துள்ளது. கொரோனா தொற்று பாதிப்பால் இன்றும் உயிரிழப்புகள் ஏற்படவில்லை. இதனால் கோவை மாவட்டத்தில் இதுவரை உயிரிழந்தவர்களின் எண்ணிக்கை 2617 ஆக உள்ளது.
ஈரோடு, திருப்பூர், நீலகிரி நிலவரம்
ஈரோடு மாவட்டம் கொரோனா தொற்று பாதிப்பு இல்லாத மாவட்டமாக உள்ளது. இன்று யாருக்கும் கொரோனா தொற்று பாதிப்பு ஏற்படவில்லை. மருத்துவமனைகளிலும் யாரும் சிகிச்சை பெறவில்லை. அதேசமயம் ஈரோடு மாவட்டத்தின் மொத்த கொரோனா பாதிப்புகள் 132671 ஆக உள்ளது. குணமடைந்தவர்கள் எண்ணிக்கை 131937 ஆகவும், மொத்த உயிரிழப்புகள் 734 ஆகவும் உள்ளது.
திருப்பூர் மாவட்டத்தில் இன்று புதிதாக யாருக்கும் கொரோனா தொற்று பாதிப்புகள் ஏற்படவில்லை. அதேசமயம் மருத்துவமைகளில் தொற்று பாதித்த 2 பேர் சிகிச்சை பெற்று வருகின்றனர். இன்று யாரும் குணமடைந்து வீடு திரும்பவில்லை. இதுவரை திருப்பூரின் மொத்த கொரோனா பாதிப்புகள் 129938 ஆகவும், குணமடைந்தவர்கள் எண்ணிக்கை 128884 ஆகவும் உள்ளது. உயிரிழப்புகளின் எண்ணிக்கை 1052 ஆக உள்ளது.
நீலகிரி மாவட்டம் கொரோனா தொற்று பாதிப்பு இல்லாத மாவட்டமாக உள்ளது. இன்று யாருக்கும் கொரோனா தொற்று பாதிப்பு ஏற்படவில்லை. மருத்துவமனைகளிலும் யாரும் சிகிச்சை பெறவில்லை. அதேசமயம் நீலகிரி மாவட்டத்தின் மொத்த பாதிப்புகள் 42132 ஆகவும், குணமடைந்தவர்களின் எண்ணிக்கை 41906 ஆகவும் உள்ளது. மொத்த உயிரிழப்புகளின் எண்ணிக்கை 226ஆக உள்ளது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
தலைப்பு செய்திகள்
ட்ரெண்டிங் செய்திகள்
