Actor Kavin: சிவகார்த்திகேயன் இடத்துக்கு டார்கெட்.. கவினை உயர்த்தப்போகும் 5 இயக்குநர்கள்.. லிஸ்ட் இதோ..!
டாடா படத்தின் வெற்றி இளம் நடிகர் கவினை அடுத்தக்கட்டத்துக்கு எடுத்துச் சென்றுள்ள நிலையில், அடுத்தடுத்து அவர் நடிக்கவுள்ள படங்கள் பற்றி தகவல் வெளியாகியுள்ளது.
டாடா படத்தின் வெற்றி இளம் நடிகர் கவினை அடுத்தக்கட்டத்துக்கு எடுத்துச் சென்றுள்ள நிலையில், அடுத்தடுத்து அவர் நடிக்கவுள்ள படங்கள் பற்றி தகவல் வெளியாகியுள்ளது.
விஜய் டிவியில் ஒளிபரப்பான ‘கனா காணும் காலங்கள்’ சீரியல் மூலம் கலையுலகில் எண்ட்ரீ கொடுத்தவர் கவின். நடிப்பின் மீதிருந்த ஆர்வம் காரணமாக கூத்துப்பட்டறையில் சேர்ந்து மூன்று மாதங்கள் பயிற்சி எடுத்த நிலையில், அவரை சரவணன் மீனாட்சி சீரியல் தான் ரசிகர்களிடத்தில் கொண்டு சேர்த்தது. அதில் முதல் சீசனில் முதல் சீசனில் முருகன் என்னும் கேரக்டரிலும், 2வது சீசனில் வேட்டையன் என்ற கேரக்டரில் நடித்த கவின் மிகப்பெரிய அளவில் பிரபலமானார்.
அப்படியான கவினுக்கு பிக்பாஸ் நிகழ்ச்சியின் 3வது சீசன் தனி ரசிகர் கூட்டமே உருவானது. 2012 ஆம் ஆண்டு பீட்சா, 2015 ஆம் ஆண்டு இன்று நேற்று நாளை, 2017 ஆம் ஆண்டு சத்ரியன் ஆகிய படங்களில் சிறு வேடங்களில் நடித்த அவர் 2019 ஆம் ஆண்டு ‘நட்புன்னா என்னன்னு தெரியுமா?’ படத்தில் முதன்மை கேரக்டரில் நடித்தார். தொடர்ந்து ஓடிடியில் வெளியான லிஃப்ட் படம் நல்ல பெயரைப் பெற்றுக் கொடுத்தது.
இதையும் படிங்க: Iraivan Movie Review: தியேட்டரை அலற வைக்கும் சைக்கோ த்ரில்லர்.. ஜெயம் ரவி ஜெயித்தாரா.. 'இறைவன் ' பட முழு விமர்சனம்!
இப்படியான நிலையில் நடப்பாண்டு மார்ச் மாதம் “டாடா” படம் வெளியானது. கவினின் கேரியரை அப்படத்தின் வெற்றி தான் கவினை அடுத்தக்கட்டத்திற்கு நகர்த்தியுள்ளது. அதாவது அவர் அடுத்ததாக 5 படங்களில் கமிட்டாகியுள்ளதாக தகவல் வெளியாகியுள்ளது. இதில் 2 படங்கள் அதிகாரப்பூர்வமாக அறிவிக்கப்பட்ட நிலையில், மீதமுள்ள 3 படங்களின் அறிவிப்பு விரைவில் வெளியாகும் என கூறப்படுகிறது.
அதன்படி, ஹரிஷ் கல்யாண் நடித்த 'பியார் பிரேமா காதல்' படத்தின் இயக்குநர் இளன் இயக்கத்தில் 'ஸ்டார்' என்ற படத்தில் கவின் நடித்துள்ளார். தொடர்ந்து நடன இயக்குநர் சதீஷ் இயக்குநராக அறிமுகமாகும் படத்திலும் கவின் ஹீரோவாக நடிக்கிறார் என்ற அறிவிப்பு வெளியாகியுள்ளது. இதில் ஹீரோயினாக அயோத்தி படம் மூலம் ரசிகர்களை கவர்ந்த ப்ரீத்தி அஸ்ரானி நடிக்கிறார் என்பதால் இப்படம் மிகப்பெரிய எதிர்பார்ப்பை ஏற்படுத்தியுள்ளது.
அதுமட்டுமல்லாமல் லைகா புரொடக்ஷன்ஸ் தயாரிப்பில் நடிகர் விஜய்யின் மகன் ஜேசன் சஞ்சய் இயக்குநராக அறிமுகமாகிறார் என்ற அறிவிப்பு வெளியாகி விட்டது. இந்த படத்தில் கவின் தான் ஹீரோவாக நடிக்கிறார் என்பது கிட்டதட்ட உறுதிப்படுத்தப்பட்ட தகவலாகவே வந்துள்ளது. அதுமட்டுமல்லாமல் இயக்குநர் நெல்சனின் உதவி இயக்குநராக இருந்த சிவபாலனும் இயக்குநராக மாற, அந்த படத்தை நெல்சனே தயாரிக்கிறார். இதிலும் கவின் தான் ஹீரோவாக நடிக்கவுள்ளதாக சொல்லப்படுகிறது.
இவற்றையெல்லாம் விட மாரி செல்வராஜ் இயக்கும் படத்திலும் கவின் நடிக்கவுள்ளதாக சொல்லப்படும் தகவலும் வரும் காலத்தில் மிகப்பெரிய இடத்தை திரைத்துறையில் பிடிப்பார் என்பது நிதர்சனம். அதேபோல் இவரின் வளர்ச்சி என்பது சிவகார்த்திகேயனின் கேரியரைப் போன்று வளருவதால் கண்டிப்பாக அவருக்கு இணையான ஒரு இடத்தை கவின் பிடிப்பார் என எதிர்பார்க்கப்படுகிறது.
மேலும் படிக்க: Chandramukhi 2 Review: வேட்டையன் கேரக்டரில் ட்விஸ்ட் வைத்த பி.வாசு.. சந்திரமுகி 2 படம் எப்படி இருக்கு? முழு விமர்சனம் இதோ!
தலைப்பு செய்திகள்
ட்ரெண்டிங் செய்திகள்
