தெலுங்கில் ரிலீஸாகும் மதகஜராஜா... 100 கோடி வசூலை நெருங்கும் சுந்தர் சி

கடந்த ஆண்டு சுந்தர் சி இயக்கிய அரண்மனை 4 படம் முதல் 100 கோடி வசூலித்த படமாக அமைந்ததைத் தொடர்ந்து இந்த ஆண்டு மதகஜராஜா படம் அமையுமா என எதிர்பார்க்கப்படுகிறது

விஷால் . மதகஜ ராஜா

Source : Twitter

மதகஜராஜா

சுந்தர் சி இயக்கத்தில் விஷால் , சந்தானம் நடித்து கடந்த 2013 ஆம் ஆண்டு வெளியாக இருந்த படம் மதகஜராஜா. தயாரிப்பாளருக்கு இருந்த பல்வேறு சிக்கல்களால் இந்த படம் 12 ஆண்டுகள் நிலுவையில் கிடந்தது. கடந்த சில ஆண்டுகளில் பல சவால்களை எதிர்கொண்டு சுந்தர் சி இந்த படத்தை அவரே வெளியிட்டார். கடந்த ஜனவரி 10 ஆம் தேதி திரையரங்கில் வெளியான இப்படம் ரசிகர்களிடம் பெரும் வரவேற்பைப் பெற்றுள்ளது. இந்த ஆண்டு பொங்கலுக்கு வெளியான கேம் சேஞ்சர் வணங்கான் ஆகிய படங்கள் பெரியளவில் மக்களை கவரவில்லை என்பதால் மதகஜராஜா படத்திற்கு கூடுதல் வரவேற்பு கிடைத்தது. 

சுந்தர் சி இயக்கத்தில் உருவான கலகலப்பு , அரண்மனை ஆகிய படங்களுக்கு குடும்ப ரசிகர்கள் மத்தியில் பெரியளவில் வரவேற்பு இருந்து வருகிறது. கடந்த ஆண்டு வெளியான அரண்மனை 4 திரைப்படம் 100 கோடி வசூல் ஈட்டு ப்ளாக்பஸ்டர் வெற்றிப்படமாக அமைந்தது. தற்போது மதகஜராஜா படத்தில் விஷால் , சந்தானம் , மனோபாலா , அஞ்சலி , வரலட்சுமி , மணிவண்ணன் உள்ளிட்ட பல்வேறு நட்சத்திரங்கள் நடித்துள்ளது இப்படத்தின் மீது கூடுதல் கவனத்தை ஈர்த்துள்ளது. 

மதகஜராகா வசூல்

இதுவரை மதகஜராஜா திரைப்படம் தமிழ்நாட்டில் 50 கோடி வரை வசூலித்துள்ளது. படத்திற்கு கிடைத்துள்ள அமோக வரவேற்பு காரணமாக  75 சதவீத திரையரங்கில் படம் இரண்டாம் வாரம் தொடர்கிறது. தமிழகம் எங்கும் 375 திரையரங்குகளில் இப்படம் ஓடி வருகிறது. தனது கரியரில் தான் நடித்த படங்களிலேயே அதிகப்படியான வரவேற்பும் வசூலும் இந்த படத்திற்கு தான் கிடைத்துள்ளதாக நடிகர் விஷால் தனது எக்ஸ் பக்கத்தில் தெரிவித்துள்ளார்.  அடுத்தபடியாக வரும் ஜனவரி 31 ஆம் தேதி முதல் தமிழ் மற்றும் இந்தியில் இப்படம் வெளியாக இருக்கிறது. தமிழைத் தவிர்த்து மற்ற மொழியிலும் படத்திற்கு நல்ல வரவேற்பு கிடைக்கும் என எதிர்பார்க்கப்படுகிறது. கடந்த ஆண்டு அரண்மனை 4 படத்தைப் போலவே இந்த ஆண்டு முதல் 100 கோடி வசூலித்த படமாக மதகஜராஜா படம் அமையும் என்று எதிர்பார்க்கப்படுகிறது. 

Now, this is something so good to hear and share with you lovelies, to make a 12 year old film, #MadhaGajaRaja a grand Blockbuster.
Almost 75% of the theatres has been retained for the second week, running in 375 screens all across Tamil Nadu.
The miracle continues in it's second… pic.twitter.com/oXWvG3W3Vc

— Vishal (@VishalKOfficial) January 24, 2025