Simbu Movie Release Update:விஜய்யோடு மோதும் சிம்பு?

இம்மாத இறுதிக்குள் 'வெந்து தணிந்தது காடு' படப்பிடிப்பை முழுமையாக முடித்துவிட்டு வரும் ஏப்ரல் மாதம் திரைக்கு கொண்டு வர படக்குழு திட்டமிட்டுள்ளதாக தகவல் வெளியாகியுள்ளது.

விஜய், சிலம்பரசன்

தமிழ் சினிமாவின் மிகச்சிறந்த நடிகன் என்ற பெயர் வாங்கியவர் சிம்பு. அதேசமயம் படப்பிடிப்பு தளத்திற்கு ஒழுங்காக வராதவர் என்ற பெயர் வாங்கியவரும் சிம்பு. சிம்புவின் கம்பேக்குக்காக அவரது ரசிகர்கள் தவமாய் தவமிருந்தனர்.

இந்த சமயத்தில் இயக்குநர் வெங்கட் பிரபு இயக்கிய மாநாடு படம் கோலிவுட்டின் சென்சேஷ்னல் ஹிட் அடித்தது. இதையடுத்து சிம்புவின் தி. நகர் வீட்டுக்கு தயாரிப்பாளர்கள் படையெடுத்துவருகின்றனர்.

இந்தச் சூழலில்  கடந்த 2010ல் சிம்புவுக்கு விண்ணைத்தாண்டி வருவாயா படம் மூலம் சிம்புவுக்கு ஒரு கம்பேக் கொடுத்த இயக்குநரான கௌதம் மேனன் இயக்கத்தில் நடிக்க கமிட்டானார்.

எழுத்தாளர் ஜெயமோகனின் சிறுகதையை தழுவி எடுக்கப்படும் வெந்து தணிந்தது காடு படத்துக்கு ஏ.ஆர். ரஹ்மான் இசையமைக்கிறார். இப்படத்தில் ராதிகா உள்ளிட்டோர் நடித்திருக்கின்றனர். வெந்து தணிந்தது காடு படத்தின் டீசர் கடந்த மாதம் வெளியாகி சிம்பு ரசிகர்களிடம் வரவேற்பை பெற்றது.

அதேவேளை கௌதம் மேனனின் வழக்கமான படம் போல் இருக்கிறது என்ற விமர்சனமும் வெந்து தணிந்தது காடு படத்தின் டீசருக்கு வந்தது. இருப்பினும் வெற்றிக்காக காத்திருக்கும் கௌதமும், பெற்ற வெற்றியை தக்கவைக்க சிம்புவும் முழு முனைப்போடு இருப்பதால் இப்படத்தின் மீதான எதிர்பார்ப்பு அனைவருக்கும் அதிகளவு எழுந்திருக்கிறது.  இப்படத்தில், சிலம்பரசனுடன் இணைந்து கயடு லோஹர், சித்தி இட்னானி என பலர் நடித்து வருகின்றனர். 

வேல்ஸ் நிறுவனம் தயாரிக்கும் இப்படத்தின் முதல்கட்டப் படப்பிடிப்பு திருச்செந்தூரில் தொடங்கி அதன் பின் சென்னையில் செட் அமைத்து சில முக்கியக் காட்சிகள் படமாக்கப்பட்டன. தற்போது இறுதிக்கட்ட படப்பிடிப்பு விறுவிறுப்பாக நடைபெற்று வருகிறது.

இந்நிலையில், இம்மாத இறுதிக்குள் 'வெந்து தணிந்தது காடு' படப்பிடிப்பை முழுமையாக முடித்துவிட்டு வரும் ஏப்ரல் மாதம் திரைக்கு கொண்டு வர படக்குழு திட்டமிட்டுள்ளதாக தகவல் வெளியாகியுள்ளது.

ஏப்ரல் மாதம் ‘கேஜிஎஃப் 2’, ‘பீஸ்ட்’ ஆகிய படங்கள் திரையரங்குகளில் வெளியாகும் என்று ஏற்கனவே அறிவிக்கப்பட்டுள்ள நிலையில், தற்போது 'வெந்து தணிந்தது காடு' படமும் ஏப்ரலில் வெளியாகும் என்று வெளியாகியுள்ள தகவலினால் சமூக வலைதளம் சூடு பிடித்துள்ளது.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண   

மேலும் வாசிக்க: Bigg Boss Ultimate: 'தோற்றுப்போன வெறுப்போட திரும்ப வரான் நெருப்போட...'- பிக்பாஸ் அல்டிமேட்டில் கவிஞர் சினேகன்