Pookie Movie Review : விஜய் ஆண்டனி மருமகன் அஜய் தீஷன் நடித்துள்ள 'பூக்கி' திரைப்பட விமர்சனம்
Pookie movie review : நடிகர் விஜய் ஆண்டனி தயாரித்து இசையமைத்துள்ள அஜய் திஷன் நடித்துள்ள பூக்கி திரைப்படத்தின் முழு விமர்சனம் இதோ
கருத்துவேறுபாடு ஈகோ பிரச்சனை காரணமாக அஜய் தீஷன் தனது காதலி தனுஷாவை பிரிகிறார். நண்பர்கள் , டேட்டிங் என நகர்கிறார் நாயகன். தனுஷா ஆன்மிகத்தை நோக்கி நகர்கிறார். ஆனால் இருவரும் தங்களது பழைய காதலை மறக்க முடியாமல் தவிக்கிறார்கள். இருவரும் இன்னொருவரை காதலித்தாலும் அவர்களது கடந்த காதல் எட்டிப்பார்த்துக் கொண்டே இருக்கிறது. அவர்கள் மறுபடியும் தங்களது பழைய காதலை தேடிச் சென்றார்களா அல்லது மூவ் ஆன் ஆனார்களாஎ என்பதே படத்தின் மையக் கதை.
பூக்கி திரைப்பட விமர்சனம்
இன்றைய இளைஞர்களின் காதலில் ஏற்படக் கூடிய சிக்கல்கள் , அதனை அவர்கள் எதிர்கொள்ளும் விதத்தை சுவாரஸ்யமான திரைக்கதையில் சொல்லியிருக்கிறார் இயக்குநர் கணேஷ் சந்திரா. நாயகனான அஜய தீஷன் இன்றைய தலைமுறை இளைஞராக ஃப்ரஷ்னஸை கொண்டு வருகிறார். காதல் உறவுகளின் சிக்கி முடிவெடுக்க முடியாமல் திணறுவது , காதலியுடன் சண்டை போடுவது , நகைச்சுவை , நடனம் என பக்கா பேக்கேஜோடு தான் நடிப்பில் இறங்கியிருக்கிறார். அதே போல் நாயகி தனுஷா கதைக்கு உணர்வு ரீதியாக மிகப்பெரிய பலமாக இருக்கிறார். கதை பெரும்பாலும் நாயகனை மையப்படுத்தி நகர்ந்தாலும் நடிப்பால் கவனத்தை தன் பக்கம் திருப்புகிறார்.
கார்பரேட் சாமியாராக வரும் சுனிலின் கதை படத்திற்கு புதிய கோணத்தை சேர்க்கிறது. ஆனால் படம் முழுக்க கதாபாத்திரங்களின் வழியாக காதலைப் பற்றியும் பொதுவான விஷயங்களைப் பற்றி ஆலோசனை சொல்லிக்கொண்டே போர் அடிக்க வைக்கிறார்கள். பொதுவாக காதலைப் பற்றிய படம் என்றாலே பெரும்பாலும் இயக்குநர்கள் காதலைப் பற்றிய தங்களது அபிப்பிராயத்தையே சொல்ல நினைக்கிறார்கள். இதனால் காதலில் வெளிப்படக்கூடிய மற்ற பரிமானங்கள் சுருங்கி ஒற்றைத் தன்மையோடு படம் மாறிவிடும். அதற்கு பூக்கி திரைப்படமும் விதிவிலக்கல்ல. கதையைக் கடந்து இப்படம் பல விஷயங்களை பேசினாலும் அனுபவமாக அது மாறவில்லை. தமிழ் சினிமாவில் எடிட்டருக்கு பஞ்சம் என்பது போல் விஜய் சேதுபதியே இந்த படத்தை வைத்து எடிட் செய்து பழகியிருக்கிறார். பாடல்களும் பெரியளவில் படத்தை மெருகேற்றவில்லை.
தலைப்பு செய்திகள்
ட்ரெண்டிங் செய்திகள்
