Vijay 66 Heroine: தளபதியுடன் இணைகிறாரா ராஷ்மிகா? சூப்பர் சர்ப்ரைஸ் தகவல்கள் இதோ..
விஜய் 66 படத்தில் ராஷ்மிகா மந்தனா நடிக்கவிருப்பதாக தகவல் வெளியாகியுள்ளது.
நடிகர் விஜய் நெல்சன் திலீப்குமார் இயக்கத்தில் தற்போது பீஸ்ட் படத்தில் நடித்து முடித்துள்ளார். சன் பிக்சர்ஸ் தயாரித்திருக்கும் இப்படத்தில் பூஜா ஹெக்டே, செல்வராகவன் உள்ளிட்ட பலர் நடித்துள்ளனர். சமீபத்தில்தான் இந்தப் படத்தின் படப்பிடிப்பு நிறைவடைந்தது. படம் வெளியீடு தொடர்பான அதிகாரப்பூர்வ அறிவிப்பு விரைவில் வெளியாக இருக்கிறது.
பீஸ்ட் படத்தை முடித்துவிட்டு விஜய் அடுத்ததாக யார் படத்தில் நடிப்பார் என்ற கேள்வி அவரது ரசிகர்களிடம் எழுந்தது. அவர் அடுத்ததாக தெலுங்கு இயக்குநர் வம்சி இயக்கத்தில் நடிக்கவிருக்கிறார்.
வம்சி சமீபத்தில் இயக்கிய மகரிஷி படம் மிகப்பெரும் அளவில் வெற்றி பெற்றதால் இந்தப் படத்தையும் வம்சி பெரும் ஹிட்டாக்குவார் என விஜய்யின் ரசிகர்களும், இயக்குநர் வம்சியின் ரசிகர்களும் ஆவலோடு காத்திருக்கின்றனர்.
இந்நிலையில் இந்தப் படத்தில் விஜய்க்கு ஜோடியாக கீர்த்தி சுரேஷ் நடிப்பார் என தகவல் வெளியானது. தற்போது விஜய்க்கு ஜோடியாக ராஷ்மிகா மந்தனா நடிக்க இருக்கிறார் என கூறப்படுகிறது.
முன்னதாக படம் குறித்து சமீபத்தில் பேட்டி ஒன்றில் பேசிய இயக்குநர் வம்சி, “என்னுடைய மிகப்பெரிய பலமே மனித உறவுகளும், உணர்வுகளும்தான். எனவே விஜய்யை வைத்து நான் இயக்கும் படத்தில் இந்த இரண்டு விஷயங்களும் நிச்சயம் இருக்கும். விஜய்யின் நட்சத்திர அந்தஸ்தையும் அவரது ரசிகர்களையும் மனதில் கொண்டு நான் இந்தக் கதையை எழுதியிருக்கிறேன்.
#Thalapathy66 is going to be a very Big Film in my career and now everything is on Thalapathy 66 only - @directorvamshi .!🔥 #Beast #Master @actorvijay pic.twitter.com/V7lKccZSld
— Athiyaman Balaji (@AthiyamanBalaji) November 2, 2021
படம் குறித்த அப்டேட் டிசம்பர் மாதம் முதல் வெளிவரும். படத்தின் கதையையும் எழுதி முடித்துவிட்டோம். தற்போது என் கவனம் முழுக்க விஜய் 66 படத்தின் மீதுதான் இருக்கிறது. எனது திரையுலக வாழ்க்கையில் இப்படம் நிச்சயம் பெரிய படமாக இருக்கும்” என்று கூறியிருந்தார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
மேலும் வாசிக்க: Vijay 66 Update: விஜய் எவ்வளவு எளிமையானவர் தெரியுமா?... இயக்குநர் வம்சி புகழாரம்!
தலைப்பு செய்திகள்
ட்ரெண்டிங் செய்திகள்
