மெளனம் பேசியதே முதல் கருப்பு வரை..சூர்யாவுடன் பணியாற்றிய அனுபவம்..த்ரிஷா வெளியிட்ட வீடியோ
மெளன் பேசியதே திரைப்படம் திரையரங்குகளில் மறு வெளியீடு ஆவதை முன்னிட்டு நடிகை த்ரிஷா ரசிகர்களுக்கு வீடியோ வெளியிட்டுள்ளார்
2026 காதலர் தினத்தை முன்னிட்டு பல்வேறு சூப்பர் ஹிட் திரைப்படம் திரையரங்கில் ரீரிலீஸ் ஆக இருக்கின்றன. டி ராஜேந்திரன் இயக்கி நடித்த உயிருள்ளவரை உஷா , மாதவனின் மின்னலே , காதலர் தினம் , சூர்யாவின் மெளனம் பேசியதே ஆகிய படங்கள் வரும் பிப்ரவரி 13 மற்றும் 14 ஆம் தேதி வெளியாக உள்ளன. சூர்யா நடிப்பில் கடந்த 2002 ஆம் ஆண்டு வெளியான மெளனம் பேசியதே திரைப்படத்திற்கு ரசிகர்களிடம் பெரியளவில் வரவேற்பு இருந்து வருகிறது
24 ஆண்டுகளுக்குப் பின் வெளியாகும் மெளனம் பேசியதே
இயக்குநர் அமீரின் முதல் படமாக உருவான மெளனம் பேசியதே இளைஞர்கள் மத்தியில் பெரும் வரவேற்பைப் பெற்றது. த்ரிஷா , லைலா ஆகியோர் இப்படம் நாயகிகளாக நடித்திருந்தார்கள். யுவன் ஷங்கர் ராஜா இசையமைத்த பாடல்கள் இன்றும் ரசிகர்களின் ஃப்ளேலிஸ்டில் இடம்பெற்றுள்ளன. 24 ஆண்டுகளுக்குப் பின் இப்படம் மீண்டும் திரையரங்கிற்கு வருவது குறித்து படக்குழுவினர் தங்களது மகிழ்ச்சியை பகிர்ந்துகொண்டு வருகிறார்கள்.
மெளன் பேசியதே ரீரிலீஸ் குறித்து நடிகர் சூர்யா அண்மையில் வீடியோ வெளியிட்டிருந்தார். இன்றும் இந்த படத்தின் காட்சிகளையும் வசனங்களை தான் வாட்ஸ் அப் ஸ்டேட்டஸ்களில் பார்ப்பதாக அவர் தெரிவித்திருந்தார். அதே போல் தற்போது த்ரிஷா வீடியோ ஒன்று வெளியிட்டுள்ளார்
படம் பார்த்து மெசேஜ் பண்ணுங்க
த்ரிஷா முதல்முறையாக ஒரு படத்தின் நாயகியாக நடித்த படம் மெளனம் பேசியதே. தனது முதல் படம் 24 ஆண்டுகள் கழித்து மீண்டும் திரைக்கு வருவது குறித்து த்ரிஷா வீடியோ வெளியிட்டு தனது மகிழ்ச்சியை பகிர்ந்துகொண்டார். இந்த வீடியோவில் " எல்லாருக்கும் வணக்கம். என்னுடைய முதல் படம் மெளனம் பேசியதே வரும் பிப்ரவரி 13 ஆம் தேதி ரீரிலீஸ் ஆகிறது. இது ஒரு ஸ்பெஷல் படம் என்று நான் சொல்லவே தேவையில்லை. ஏனால் இங்கிருந்துதான் எல்லாமே தொடங்கியது. இந்த படத்தின் தயாரிப்பாளர் கணேஷ் சாருக்கு என் நன்றியை தெரிவித்து கொள்கிறேன். அமீர் சார் என்னுடைய முதல் படத்தில் உங்களுடன் பணியாற்றியதில் ரொம்ப மகிழ்ச்சி. யாருமே என்னை வெளியாளாக என்னை நடத்தவில்லை. நான் என் வீட்டில் இருந்தமாதிரியே உணர்ந்தேன். பிறகு சூர்யா . என்னுடைய முதல் படமும் அடுத்து நான் நடித்து வெளியாக இருக்கும் படமும் சூர்யாவுடன் தான். அதனால் ஒரு முழு வட்டத்தை நான் நிறைவு செய்திருக்கிறேன். எல்லாரும் இந்த படத்தை போய் பார்த்து எனக்கு டெக்ஸ் பண்ணுங்க' என்று த்ரிஷா பேசியுள்ளார்
தலைப்பு செய்திகள்
ட்ரெண்டிங் செய்திகள்
