Gold and silver rate today : சவரனுக்கு ரூ. 4,400 உயர்ந்தது.! இரண்டே நாளில் அதிரடி மாற்றம்- ஷாக் கொடுத்த தங்கம் - இன்றைய விலை இதோ

Gold and silver rate today : தங்கத்தின் விலையானது நேற்று ஒரே நாளில் காலையிலும், மாலையிலும் அதிகரித்து நகைப்பிரியர்களை அதிர வைத்த நிலையில், இன்றும் சவரனுக்கு 2160 ரூபாய் உயர்ந்து நகைப்பிரியர்களை அலற வைத்துள்ளது.

Gold and silver rate today

Source : social media

தொடரும் தங்கத்தின் மீதான முதலீடு

தங்க நகைகளின் மீதான ஈர்ப்பு நாளுக்குநாள் அதிகமாகிக்கொண்டே வருகிறது. அந்த வகையில், கடந்த 2020ஆம் ஆண்டு ஒரு சவரன் 35 ஆயிரம் ரூபாய்க்கு விற்பனை செய்யப்பட்ட நிலையில், 2026ஆம் ஆண்டு தொடக்கத்தில் ஒரு சவரன் 1 லட்சத்து 34 ஆயிரம் என்ற புதிய உச்சத்தை தொட்டு நகைப்பிரியர்களை அதிரவைத்தது. இந்த நிலையில் அமெரிக்கா- ஈரான் இடையே போர் காரணமாக கச்சா தங்கத்தின் விலையானது சற்று குறைய தொடங்கியது.

முதலீட்டாளர்கள் தங்கத்திற்கு பதிலாக கச்சா எண்ணெய் மீது தங்களது பார்வையை திருப்பியதால் தங்கம் விலையானது குறைய தொடங்கியது. அந்த வகையில் கடந்த 3 மாதமாக ஒரு சவரன் ஒரு லட்சத்து 5 ஆயிரம் முதல் ஒரு லட்சத்து 10 ஆயிரம் என்ற அளவில் விற்பனை செய்யப்பட்டு வருகிறது.  இந்த நிலையில் தற்போது போர் ஓய்ந்திருக்கும் நிலையில் மீண்டும் தங்கம் விலை உயர தொடங்கியுள்ளது. 

ஏறி இறங்கும் தங்கம் விலை

• ஆகஸ்ட் 3-ம் தேதி கிராம் ஒன்றுக்கு 30 ரூபாய் உயர்ந்து 13,250 ரூபாய்க்கும், சவரனுக்கு 250 ரூபாய் அதிகரித்து 1,06,000க்கு விற்பனை
• ஆகஸ்ட் 4-ம் தேதி கிராம் ஒன்றுக்கு 50 ரூபாய் குறைந்து 13,200 ரூபாய்க்கும், சவரனுக்கு 400 ரூபாய் குறைந்து 1,05,600க்கு விற்பனை.
• ஆகஸ்ட் 5 ஆம் தேதி காலையில சவரனுக்கு 1,280 ரூபாய் உயர்ந்து ஒரு லட்சத்து 6 ஆயிரத்து 880 ரூபாய்க்கு விற்பனை. மாலையில் மீண்டும் உயர்ந்து 
  சவரனுக்கு 960 ரூபாய் உயர்ந்து, ஒரு சவரன் 1,07,840 ரூபாய்க்கு விற்பனை

இன்றைய தங்கம் விலை

 தங்கத்தின் விலை நேற்று ஒரே நாளில் சவரனுக்கு 2,240 ரூபாய் விலை உயர்ந்து அதிர்ச்சி கொடுத்த நிலையில், இன்றும் தங்கத்தின் விலையானது உயர்ந்துள்ளது. அந்த வகையில் கிராம் ஒன்றுக்கு 270 ரூபாய் உயர்ந்து 13,750 ரூபாய்க்கும், சவரனுக்கு 2,160 ரூபாய் அதிகரித்து 1,10,000 ரூபாய்க்கு விற்பனை செய்யப்பட்டுகிறது.

வெள்ளி விலை என்ன.?

வெள்ளி விலையானது நேற்று கிராம் ஒன்றுக்கு 5 ரூபாய் உயர்ந்து 240 ரூபாய்க்கும், கிலோ பார் வெள்ளிக்கு 5 ஆயிரம் ரூபாய் அதிகரித்து 2 லட்சத்து 40 ஆயிரம் ரூபாய்க்கு விற்பனை செய்யப்பட்டது. இந்த நிலையில் இன்று கிராம் ஒன்றுக்கு 10 ரூபாய் உயர்ந்து 250 ரூபாய்க்கும், கிலோ பார் வெள்ளிக்கு 10ஆயிரம் ரூபாய் உயர்ந்து 2 லட்சத்து 50 ஆயிரம் ரூபாய்க்கு விற்பனையாகிறது.